എറണാകുളം ജനറൽ ആശുപത്രി കാൻസർ ബ്ലോക്ക് ഉദ്ഘാടനം ഒക്ടോബർ രണ്ടിന്

കൊ​ച്ചി: നി​ർ​മാ​ണം പൂ​ർ​ത്തി​യാ​യി ഏ​റെ കാ​ല​മാ​യി​ട്ടും പ്ര​വ​ർ​ത്ത​നം തു​ട​ങ്ങാ​തി​രു​ന്ന എ​റ​ണാ​കു​ളം ജ​ന​റ​ൽ ആ​ശു​പ​ത്രി​യി​ലെ കാ​ൻ​സ​ർ ബ്ലോ​ക്കി​ന് ഒ​ടു​വി​ൽ ശാ​പ​മോ​ക്ഷം. 25 കോ​ടി ചെ​ല​വി​ട്ട് നി​ർ​മി​ച്ച കാ​ൻ​സ​ർ ബ്ലോ​ക്ക് ഗാ​ന്ധി​ജ​യ​ന്തി ദി​ന​ത്തി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഉ​ദ്ഘാ​ട​നം ചെ​യ്യും. അ​ഗ്നി​ര​ക്ഷ സേ​ന​യു​ടെ ഫ​യ​ർ എ​ൻ.​ഒ.​സി ല​ഭി​ക്കാ​ത്ത​തി​നെ തു​ട​ർ​ന്നാ​ണ് നി​ർ​മാ​ണം പൂ​ർ​ത്തി​യാ​യി മാ​സ​ങ്ങ​ളാ​യി​ട്ടും ഉ​ദ്ഘാ​ട​നം നീ​ണ്ടു​പോ​യ​ത്.

സ്മാ​ർ​ട്ട് സി​റ്റീ​സ് മി​ഷ​ൻ പ​ദ്ധ​തി​യു​ടെ ഭാ​ഗ​മാ​യി 25 കോ​ടി ചെ​ല​വി​ട്ട് കൊ​ച്ചി സ്മാ​ർ​ട്ട് മി​ഷ​ൻ ലി​മി​റ്റ​ഡ്(​സി.​എ​സ്.​എം.​എ​ൽ) ആ​ണ് കാ​ൻ​സ​ർ ബ്ലോ​ക്ക് നി​ർ​മി​ച്ച​ത്. ഗ്രൗ​ണ്ട് ഫ്ലോ​ർ ഉ​ൾ​പ്പെ​ടെ ഏ​ഴു​നി​ല​ക​ളി​ലാ​യാ​ണ് കെ​ട്ടി​ടം ഒ​രു​ങ്ങി​യ​ത്.

കാ​ൻ​സ​ർ ഐ.​സി.​യു, കീ​മോ​തെ​റ​പ്പി യൂ​നി​റ്റ്, സ്ത്രീ​ക​ൾ​ക്കും പു​രു​ഷ​ന്മാ​ർ​ക്കും പ്ര​ത്യേ​ക വാ​ർ​ഡു​ക​ൾ, ഡോ​ർ​മെ​ട്രി തു​ട​ങ്ങി​യ സൗ​ക​ര്യ​ങ്ങ​ളു​ള്ള കെ​ട്ടി​ട​ത്തി​ൽ 100പേ​രെ കി​ട​ത്തി​ച്ചി​കി​ത്സി​ക്കാ​നാ​വും. 2020ൽ ​നി​ർ​മാ​ണം തു​ട​ങ്ങി ഇ​ക്ക​ഴി​ഞ്ഞ ഏ​പ്രി​ലി​ൽ പൂ​ർ​ത്തി​യാ​യെ​ങ്കി​ലും ഫ​യ​ർ എ​ൻ.​ഒ.​സി ഉ​ൾ​പ്പെ​ടെ​യു​ള്ള സാ​ങ്കേ​തി​ക കു​രു​ക്കു​ക​ളി​ൽ പെ​ട്ടു​കി​ട​ക്കു​ക​യാ​യി​രു​ന്നു.

പ്ര​വ​ർ​ത്ത​ന സ​ജ്ജ​മാ​യി ഏ​റെ​ക്കാ​ല​മാ​യി​ട്ടും ഉ​ദ്ഘാ​ട​നം ന​ട​ത്താ​ത്ത​തി​നെ​തി​രെ വി​വി​ധ കോ​ണു​ക​ളി​ൽ​നി​ന്ന്​ പ്ര​തി​ഷേ​ധ​വും ഉ​യ​ർ​ന്നി​രു​ന്നു. ഇ​തി​നി​ടെ​യാ​ണ് എ​ൻ.​ഒ.​സി ല​ഭി​ച്ച​ത്. ആ​ശു​പ​ത്രി​യു​ടെ പ്ര​ധാ​ന വ​ള​പ്പി​നു​ള്ളി​ല​ല്ല, തൊ​ട്ട​ടു​ത്തു​ള്ള മാ​ർ​ക്ക​റ്റ് റോ​ഡി​നോ​ട് ചേ​ർ​ന്നാ​ണ് കെ​ട്ടി​ടം നി​ർ​മി​ച്ച​ത്.

നി​ല​വി​ൽ അ​ഞ്ച്​ ഡോ​ക്ട​ർ​മാ​ർ, 30 ന​ഴ്സു​മാ​ർ, 10 മ​റ്റു ജീ​വ​ന​ക്കാ​ർ എ​ന്നി​ങ്ങ​നെ​യാ​ണ് കാ​ൻ​സ​ർ വി​ഭാ​ഗ​ത്തി​ലെ ജീ​വ​ന​ക്കാ​രു​ടെ എ​ണ്ണം. ഇ​ത് വ​ർ​ധി​പ്പി​ച്ചാ​ലേ കൂ​ടു​ത​ൽ ഫ​ല​പ്ര​ദ​മാ​യി പ്ര​വ​ർ​ത്തി​ക്കാ​നാ​വൂ എ​ന്നാ​ണ് ആ​ശു​പ​ത്രി​യി​ലു​ള്ള​വ​രു​ടെ വി​ല​യി​രു​ത്ത​ൽ.