തൂണിലുണ്ട് ‘തുണ’

കൊ​ച്ചി: ന​ഗ​ര​ത്തി​ലൂ​ടെ പ​ട്ടാ​പ്പ​ക​ലോ ന​ട്ട​പ്പാ​തി​ര​ക്കോ ന​ട​ക്കാ​ൻ ഭ​യ​മു​ണ്ടോ? സാ​മൂ​ഹ്യ​വി​രു​ദ്ധ​രു​ടെ​യും അ​ക്ര​മി​ക​ളു​ടെ​യും തു​റി​ച്ചു​നോ​ട്ട​വും ആ​ക്ര​മ​ണ​വു​മു​ണ്ടാ​യേ​ക്കു​മെ​ന്ന ഭീ​തി​യു​മു​ണ്ടാ​കാ​റു​ണ്ടോ? എ​ന്നാ​ൽ, ഇ​നി അ​തു​വേണ്ട. പ​രി​ഹാ​ര​ത്തി​ന് പൊ​ലീ​സ് പു​തി​യ സം​വി​ധാ​ന​മൊ​രു​ക്കു​ന്നു​ണ്ട്. ന​ഗ​ര​ത്തി​ലെ വി​വി​ധ സ്ഥ​ല​ങ്ങ​ളി​ലു​ള്ള തൂ​ണു​ക​ളി​ൽ സ്ഥാ​പി​ക്കു​ന്ന കാ​ൾ ബോ​ക്സി​ൽ വി​ര​ല​മ​ർ​ത്തി​യാ​ൽ പൊ​ലീ​സ് ക​ൺ​ട്രോ​ൾ റൂ​മി​ൽ സ​ന്ദേ​ശ​മെ​ത്തും. ഇ​ത്​ ല​ഭി​ച്ച ഉ​ട​ൻ പൊ​ലീ​സ് സം​ഘം അ​വി​ടേ​ക്ക് പാ​ഞ്ഞെ​ത്തു​ക​യും ചെ​യ്യും. പ​രാ​തി​ക്കാ​ർ​ക്ക് ഇ​തി​ലൂ​ടെ ക​ൺ​ട്രോ​ൾ റൂ​മി​ലു​ള്ള ഉ​ദ്യോ​ഗ​സ്ഥ​നു​മാ​യി സം​സാ​രി​ക്കു​ക​യും ചെ​യ്യാം.

എ​മ​ർ​ജ​ൻ​സി കാ​ൾ ബോ​ക്സ് (ഇ.​സി.​ബി) എ​ന്ന ഈ ​സം​വി​ധാ​നം കൊ​ച്ചി സ്മാ​ർ​ട്ട്​ മി​ഷ​ൻ ലി​മി​റ്റ​ഡാ​ണ് സി​റ്റി പൊ​ലീ​സി​ന് വേ​ണ്ടി ഒ​രു​ക്കു​ന്ന​ത്. പൊ​തു​വേ ആ​ളു​ക​ളു​ടെ സ​ഞ്ചാ​രം കു​റ​വു​ള്ള പ്ര​ദേ​ശ​ങ്ങ​ൾ മു​ത​ൽ സാ​മൂ​ഹി​ക വി​രു​ദ്ധ​ർ പ​തി​വാ​യി താ​വ​ള​മാ​ക്കാ​റു​ള്ള പ്ര​ദേ​ശ​ങ്ങ​ൾ വ​രെ​യു​ള്ള വി​വി​ധ സ്ഥ​ല​ങ്ങ​ളി​ൽ ഇ​വ സ്ഥാ​പി​ക്കു​ക​യാ​ണ് ഉ​ദ്യോ​ഗ​സ്ഥ​ർ.

ഇ.​സി.​ബി​ക​ൾ പൊ​ലീ​സി​ന്‍റെ ക​ൺ​ട്രോ​ൾ റൂ​മി​ലേ​ക്കാ​ണ് ബ​ന്ധി​പ്പി​ച്ചി​രി​ക്കു​ന്ന​ത്. പൊ​ടു​ന്ന​നെ ഒ​രു ആ​ക്ര​മ​ണ​മു​ണ്ടാ​കു​മെ​ന്ന സം​ശ​യ​മു​ണ്ടാ​യാ​ലോ മ​റ്റ് അ​ടി​യ​ന്തി​ര സാ​ഹ​ച​ര്യ​ങ്ങ​ളി​ലോ ഇ​ത് ഉ​പ​യോ​ഗ​പ്പെ​ടു​ത്താം. ഈ ​ബോ​ക്സി​ൽ വി​ര​ല​മ​ർ​ത്തി വ​ള​രെ വേ​ഗ​ത്തി​ൽ പൊ​ലീ​സി​നെ ബ​ന്ധ​പ്പെ​ടാം.

പ​രാ​തി​യെ​ത്തി​യ മേ​ഖ​ല വേ​ഗ​ത്തി​ൽ തി​രി​ച്ച​റി​യാ​നും അ​വി​ടെ​യെ​ത്താ​നും പൊ​ലീ​സി​ന് എ​ളു​പ്പ​മാ​ണ്. സ്ത്രീ​ക​ൾ​ക്കും കു​ട്ടി​ക​ൾ​ക്കും വ​യോ​ധി​ക​ർ​ക്കു​മൊ​ക്കെ ഈ ​സം​വി​ധാ​നം ഏ​റെ ഉ​പ​കാ​ര​പ്പെ​ടു​മെ​ന്നാ​ണ് പൊ​ലീ​സ് വി​ല​യി​രു​ത്ത​ൽ.

പ്ര​ത്യേ​ക സാ​ഹ​ച​ര്യ​ങ്ങ​ളി​ൽ പൊ​തു​ജ​ന​ങ്ങ​ൾ​ക്ക് വി​വ​രം കൈ​മാ​റാ​നു​ള്ള പ​ബ്ലി​ക് അ​ഡ്ര​സി​ങ് സി​സ്​​റ്റ​വും സ്ഥാ​പി​ക്കു​ന്നു​ണ്ട്. വാ​ഹ​ന​ങ്ങ​ൾ വ​ഴി​തി​രി​ച്ചു​വി​ടേ​ണ്ടി​വ​രു​മ്പോ​ൾ, ആ​ളു​ക​ളെ ഒ​ഴി​പ്പി​ക്കേ​ണ്ട സാ​ഹ​ച​ര്യം, മ​റ്റ് മു​ന്ന​റി​യി​പ്പു​ക​ൾ എ​ന്നി​വ​യൊ​ക്കെ ന​ൽ​കാ​ൻ ഇ​ത് ഉ​പ​യോ​ഗ​പ്പെ​ടു​ത്താ​നാ​കും.

സി.​എ​സ്.​എം.​എ​ൽ ഫ​ണ്ട് ഉ​പ​യോ​ഗി​ച്ചാ​ണ് പ​ദ്ധ​തി ന​ട​പ്പാ​ക്കു​ന്ന​ത്. 45 കോ​ടി രൂ​പ​യാ​ണ് ചെ​ല​വ്. ആ​ദ്യ​ഘ​ട്ട​ത്തി​ൽ പു​ല്ലേ​പ്പ​ടി, നോ​ർ​ത്ത്, മ​റൈ​ൻ ഡ്രൈ​വ്, ഫോ​ർ​ട്ട്​​കൊ​ച്ചി തു​ട​ങ്ങി​യ സ്ഥ​ല​ങ്ങ​ളി​ലാ​ണ് പ​ദ്ധ​തി​യെ​ത്തു​ന്ന​ത്. നി​ല​വി​ലു​ള്ള സു​ര​ക്ഷ കാ​മ​റ​ക​ളും ഇ​തു​മാ​യി ബ​ന്ധി​പ്പി​ക്കു​ന്ന​തോ​ടെ പ്ര​വ​ർ​ത്ത​നം കൂ​ടു​ത​ൽ കാ​ര്യ​ക്ഷ​മ​മാ​കും. പ​രീ​ക്ഷ​ണാ​ടി​സ്ഥാ​ന​ത്തി​ൽ വി​വി​ധ കേ​ന്ദ്ര​ങ്ങ​ളി​ൽ ഇ​തി​നോ​ട​കം സ്ഥാ​പി​ച്ചി​ട്ടു​ള്ള പ​ദ്ധ​തി ഏ​താ​നും മാ​സ​ങ്ങ​ൾ​ക്കു​ള്ളി​ൽ പൂ​ർ​ണ​മാ​യും യാ​ഥാ​ർ​ഥ്യ​മാ​കും.