ഡി.എല്‍.എഫ് ഫ്ലാറ്റിലെ വെള്ളത്തിൽ ഇ-കോളി അണുബാധ

കാ​ക്ക​നാ​ട്: ഡി.​എ​ല്‍.​എ​ഫ് ഫ്ലാ​റ്റി​ലെ വെ​ള്ള​ത്തി​ൽ ഇ-​കോ​ളി അ​ണു​ബാ​ധ​യെ​ന്ന് ക​ണ്ടെ​ത്ത​ല്‍. ബോ​ർ​വെ​ല്ലു​ക​ളി​ൽ​നി​ന്ന്​ വെ​ള്ളം സ്റ്റോ​ർ ചെ​യ്യു​ന്ന സം​ഭ​ര​ണി​യി​ലെ വെ​ള്ള​ത്തി​ലാ​ണ് ആ​രോ​ഗ്യ​വ​കു​പ്പ് ന​ട​ത്തി​യ പ​രി​ശോ​ധ​ന​യി​ൽ അ​ണു​ബാ​ധ സ്ഥി​രീ​ക​രി​ച്ച​ത്. ഫ്ലാ​റ്റി​ലെ വി​വി​ധ കു​ടി​വെ​ള്ള സ്രോ​ത​സ്സു​ക​ളാ​യ ഓ​വ​ർ​ഹെ​ഡ് ടാ​ങ്കു​ക​ൾ, ബോ​ർ​വെ​ല്ലു​ക​ൾ, ഡൊ​മെ​സ്റ്റി​ക് ടാ​പ്പു​ക​ൾ, കി​ണ​റു​ക​ൾ, ടാ​ങ്ക​ർ ലോ​റി​ക​ളി​ൽ സ​പ്ലൈ ചെ​യ്യു​ന്ന വെ​ള്ളം എ​ന്നി​വ​യി​ൽ​നി​ന്നാ​യി ആ​രോ​ഗ്യ വി​ഭാ​ഗം സാ​മ്പി​ളു​ക​ളാ​ണ് പ​രി​ശോ​ധ​ന​ക്കെ​ടു​ത്ത​ത്. ഇ​തി​ൽ ബോ​ർ​വെ​ല്ലി​ലെ വെ​ള്ളം ശേ​ഖ​രി​ക്കു​ന്ന സം​ഭ​ര​ണി​യി​ലെ വെ​ള്ള​ത്തി​ൽ മാ​ത്ര​മാ​ണ് ഇ-​കോ​ളി സാ​ന്നി​ധ്യം ക​ണ്ടെ​ത്തി​യ​ത്.

ജ​ല​സം​ഭ​ര​ണി ശു​ചീ​ക​രി​ക്കാ​നും വാ​ൽ​വ് മാ​റ്റി​സ്ഥാ​പി​ക്കാ​നും ആ​രോ​ഗ്യ​വി​ഭാ​ഗം നി​ർ​ദേ​ശം ന​ൽ​കി. ഇ​തു​വ​രെ 34 പേ​രാ​ണ് വ​യ​റി​ള​ക്ക​വും ഛർ​ദി​യും പ​നി​യു​മാ​യി ചി​കി​ത്സ തേ​ടി​യ​ത്.

അ​തേ​സ​മ​യം, ന​ഗ​ര​സ​ഭ ആ​രോ​ഗ്യ വി​ഭാ​ഗ​ത്തി​ന്‍റെ പ്ര​ത്യേ​ക സ്ക്വാ​ഡ് ഡി.​എ​ൽ.​എ​ഫി​ൽ പ്ര​തി​രോ​ധ പ്ര​വ​ർ​ത്ത​ന​ങ്ങ​ളും ശു​ചി​ത്വ പ​രി​ശോ​ധ​ന​യും തു​ട​രു​ക​യാ​ണ്. ന​ഗ​ര​സ​ഭ ചെ​യ​ർ​പേ​ഴ്സ​ൻ രാ​ധാ​മ​ണി​പ്പി​ള്ള, വൈ​സ് ചെ​യ​ർ​മാ​ൻ അ​ബ്ദു​ഷാ​ന, വി​ക​സ​ന സ്ഥി​രം സ​മി​തി അ​ധ്യ​ക്ഷ സ്മി​ത സ​ണ്ണി തു​ട​ങ്ങി​യ​വ​ർ ഫ്ലാ​റ്റി​ലെ​ത്തി സ്ഥി​തി​ഗ​തി​ക​ൾ വി​ല​യി​രു​ത്തി.