മാനംമുട്ടെ സന്തോഷം, മനംനിറഞ്ഞ്​ യാത്ര

കൊ​ച്ചി: പ്ര​കാ​ശ​ധാ​ര​യി​ലെ കു​ഞ്ഞു​ങ്ങ​ളു​ടെ മു​ഖ​ത്ത് നി​റ​പു​ഞ്ചി​രി​യു​ടെ തി​ള​ക്ക​മാ​യി​രു​ന്നു ഇ​ന്ന​ലെ. ആ​കാ​ശ​ക്കാ​ഴ്ച​ക​ളി​ലേ​ക്ക് പ​റ​ന്നു​യ​ർ​ന്നും മെ​ട്രോ വേ​ഗ​ത്തി​ൽ ന​ഗ​രം ക​ണ്ടും മ​നോ​ഹ​ര​മാ​യ കാ​യ​ൽ​ക്കാ​ഴ്ച​ക​ൾ ആ​സ്വ​ദി​ച്ചും അ​വ​ർ ഒ​രു​ദി​നം ആ​ഘോ​ഷ​മാ​ക്കു​മ്പോ​ൾ മ​നം​നി​റ​ഞ്ഞ് മാ​താ​പി​താ​ക്ക​ളും അ​ധ്യാ​പ​ക​രും സ​ന്തോ​ഷ​ത്തോ​ടെ ചേ​ർ​ന്നു​നി​ന്നു.

ഭി​ന്ന​ശേ​ഷി​ക്കാ​രാ​യ കു​ട്ടി​ക​ൾ പ​ഠി​ക്കു​ന്ന പ​ത്ത​നം​തി​ട്ട പ്ര​കാ​ശ​ധാ​രാ സ്കൂ​ളി​ലെ 35 വി​ദ്യാ​ർ​ഥി​ക​ളും മാ​താ​പി​താ​ക്ക​ളും അ​ധ്യാ​പ​ക​രും മ​ല​ങ്ക​ര ഓ​ർ​ത്ത​ഡോ​ക്സ് സ​ഭ തു​മ്പ​മ​ൺ ഭ​ദ്രാ​സ​നാ​ധി​പ​ൻ ഡോ. ​ഏ​ബ്ര​ഹാം മാ​ർ സെ​റാ​ഫിം മെ​ത്രാ​പ്പോ​ലീ​ത്താ​യും വൈ​ദി​ക​രും ഉ​ൾ​പ്പെ​ടെ 75 പേ​രാ​ണ് കൊ​ച്ചി​യി​ലെ​ത്തി​യ​ത്.

പ​ത്ത​നം​തി​ട്ട​യി​ൽ നി​ന്നും റോ​ഡ്മാ​ർ​ഗം തി​രു​വ​ന​ന്ത​പു​ര​ത്തെ​ത്തി അ​വി​ടെ നി​ന്ന് വി​മാ​ന​ത്തി​ലാ​ണ് സം​ഘം യാ​ത്ര പു​റ​പ്പെ​ട്ട​ത്. ഇ​ൻ​ഡി​ഗോ​യു​ടെ ഒ​രു വി​മാ​നം ഈ ​യാ​ത്ര​ക്ക് വേ​ണ്ടി മാ​ത്രം ക്ര​മീ​ക​രി​ച്ചു.

പ​ത്ത​നം​തി​ട്ട സ്വ​ദേ​ശി​കൂ​ടി​യാ​യ പൈ​ല​റ്റ് ആ​ന​ന്ദ് മോ​ഹ​ൻ​രാ​ജ് കു​ട്ടി​ക​ളു​ടെ സ്ഥാ​പ​ന​മാ​യ പ്ര​കാ​ശ​ധാ​ര​യു​ടെ മു​ക​ളി​ലൂ​ടെ​യാ​ണ് ന​മ്മ​ൾ പ​റ​ക്കു​ന്ന​തെ​ന്ന് കൂ​ടി അ​റി​യി​ച്ച​പ്പോ​ൾ കു​ട്ടി​ക​ൾ കൂ​ടു​ത​ൽ സ​ന്തോ​ഷ​ത്തി​ലാ​യെ​ന്ന് ഒ​പ്പ​മു​ണ്ടാ​യി​രു​ന്ന​വ​ർ പ​റ​ഞ്ഞു.

ആ​കാ​ശ​ക്കാ​ഴ്ച​ക​ൾ അ​വ​ർ​ക്ക് വി​സ്മ​യം ഉ​ണ​ർ​ത്തു​ന്ന​താ​യി​രു​ന്നു. വി​മാ​ന​ത്താ​വ​ള​വും അ​വ​ർ നേ​രി​ട്ട് ക​ണ്ടു. തു​ട​ർ​ന്ന് ആ​ലു​വ​യി​ലെ​ത്തി കൊ​ച്ചി മെ​ട്രോ​യി​ൽ ക​യ​റി. ന​ഗ​ര​ത്തി​ന് മു​ക​ളി​ലൂ​ടെ കൊ​ച്ചി​യെ ക​ണ്ടു​കൊ​ണ്ടു​ള്ള മെ​ട്രോ യാ​ത്ര അ​വ​ർ ഏ​റെ ആ​സ്വ​ദി​ച്ചു. ഓ​രോ കാ​ഴ്ച​ക​ളും അ​വ​ർ​ക്ക് പു​തി​യ അ​നു​ഭ​വ​ങ്ങ​ളാ​യി​രു​ന്നു.

എ​ല്ലാം വി​ശ​ദീ​ക​രി​ച്ച് പ​റ​ഞ്ഞു​കൊ​ടു​ത്ത് അ​ധ്യാ​പ​ക​രും മാ​താ​പി​താ​ക്ക​ളും ഒ​പ്പം നി​ന്ന​തോ​ടെ അ​വ​ർ​ക്ക് സ​ന്തോ​ഷം ഇ​ര​ട്ടി​യാ​യി. വൈ​റ്റി​ല മെ​ട്രോ സ്റ്റേ​ഷ​നി​ലെ​ത്തി​യ ശേ​ഷം പാ​ലാ​രി​വ​ട്ടം ഓ​ർ​ത്ത​ഡോ​ക്സ് പ​ള്ളി​യി​ലേ​ക്ക് പോ​യി.

അ​വി​ടെ​യാ​യി​രു​ന്നു ഉ​ച്ച​ഭ​ക്ഷ​ണം സ​ജ്ജീ​ക​രി​ച്ചി​രു​ന്ന​ത്. ഭ​ക്ഷ​ണ​ത്തി​ന് ശേ​ഷം ഹൈ​കോ​ർ​ട്ട് വാ​ട്ട​ർ​മെ​ട്രോ ടെ​ർ​മി​നി​ലി​ലെ​ത്തി. അ​വി​ടെ നി​ന്നും ന​ഗ​ര​ക്കാ​ഴ്ച​ക​ളും കൊ​ച്ചി കാ​യ​ലും ക​ണ്ട് വാ​ട്ട​ർ​മെ​ട്രോ യാ​ത്ര​യും ആ​സ്വ​ദി​ച്ചു.

യാ​ത്ര എ​ങ്ങ​നെ​യു​ണ്ടാ​യി​രു​ന്നെ​ന്ന ചോ​ദ്യ​ത്തി​ന് ഒ​രു​പാ​ട് ഇ​ഷ്ട​മാ​യെ​ന്ന് എ​ല്ലാ​വ​രും ഒ​രു​മി​ച്ച് മ​റു​പ​ടി ന​ൽ​കി. കു​ട്ടി​ക​ളെ ഈ ​കാ​ഴ്ച​ക​ൾ കാ​ണി​ക്കാ​നാ​യ​തി​ന്‍റെ സ​ന്തോ​ഷം പ​റ​ഞ്ഞാ​ൽ തീ​രി​ല്ലെ​ന്നാ​ണ് മാ​താ​പി​താ​ക്ക​ളു​ടെ അ​ഭി​പ്രാ​യം.