വികസന പ്രതീക്ഷ; മൂവാറ്റുപുഴ-കാക്കനാട് നാലുവരിപ്പാത വരുമോ, ഇല്ലയോ?

കൊ​ച്ചി: മൂ​വാ​റ്റു​പു​ഴ-​കാ​ക്ക​നാ​ട് നാ​ലു​വ​രി പാ​ത​ക്ക്​ വ​ഴി​തു​റ​ക്കു​ന്നു. കി​ഫ്ബി അ​നു​മ​തി കാ​ക്കു​ന്ന​ത് 349 കോ​ടി രൂ​പ​യു​ടെ പ​ദ്ധ​തി​യാ​ണ്. ജി​ല്ല​യി​ലെ കി​ഴ​ക്ക​ൻ മേ​ഖ​ല​യു​ടെ വി​ക​സ​ന​ത്തി​ൽ നി​ർ​ണാ​യ​ക​മാ​കു​ന്ന മൂ​വാ​റ്റ​പു​ഴ- കാ​ക്ക​നാ​ട് നാ​ലു​വ​രി പാ​ത​ക്കാ​യു​ള​ള വി​ശ​ദ പ​ദ്ധ​തി റി​പ്പോ​ർ​ട്ടാ​ണ് പൊ​തു​മ​രാ​മ​ത്ത് വ​കു​പ്പ് കി​ഫ്ബി​ക്ക് കൈ​മാ​റി​യ​ത്. പൊ​തു​മ​രാ​മ​ത്ത് ഡി​സൈ​ൻ വി​ഭാ​ഗം ന​ൽ​കി​യ 349 കോ​ടി​യു​ടെ എ​സ്റ്റി​മേ​റ്റ് കി​ഫ്ബി അം​ഗീ​ക​രി​ച്ചാ​ൽ അ​ത് ജി​ല്ല​യു​ടെ റോ​ഡ് വി​ക​സ​ന​ത്തി​ൽ പ്ര​ധാ​ന നേ​ട്ട​മാ​കും.

ഒ​പ്പം തൃ​ക്കാ​ക്ക​ര, കു​ന്ന​ത്തു​നാ​ട്, മൂ​വാ​റ്റു​പു​ഴ നി​യോ​ജ​ക മ​ണ്ഡ​ല​ങ്ങ​ളു​ടെ വി​ക​സ​ന മു​ന്നേ​റ്റ​ത്തി​ൽ വ​ഴി​ത്തി​രി​വു​മാ​കും.

മൂ​വാ​റ്റ​പു​ഴ-​കാ​ക്ക​നാ​ട് റോ​ഡി​ലെ വാ​ഴ​പ്പി​ള്ളി മു​ത​ൽ കി​ഴ​ക്ക​മ്പ​ലം വ​രെ​യു​ള​ള നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കും സ്ഥ​ല​മേ​റ്റെ​ടു​പ്പി​നു​മാ​യി 309 കോ​ടി​യാ​ണ് ക​ണ​ക്കാ​ക്കി​യി​രി​ക്കു​ന്ന​ത്. അ​ലൈ​ൻ​മെ​ന്‍റെ് ഉ​ൾ​പ്പ​ടെ സ​ർ​വേ അ​ട​ക്ക​മു​ള​ള ന​ട​പ​ടി​ക​ൾ​ക്കാ​യി നേ​ര​ത്തെ സ​ർ​ക്കാ​ർ 40 കോ​ടി​യും അ​നു​വ​ദി​ച്ചി​രു​ന്നു.

സ്വ​പ്ന​ങ്ങ​ളോ​ടൊ​പ്പം ക​ട​മ്പ​ക​ളു​മേ​റെ

പ​ദ്ധ​തി​യു​ടെ എ​സ്റ്റി​മേ​റ്റ് അം​ഗീ​കാ​ര​ത്തി​നാ​യി സ​മ​ർ​പ്പി​ച്ചെ​ങ്കി​ലും യാ​ഥാ​ർ​ഥ്യ​ത്തി​ലെ​ത്താ​ൻ ക​ട​മ്പ​ക​ളേ​റെ​യാ​ണ്. സ​ർ​ക്കാ​റി​ന്‍റെ സാ​മ്പ​ത്തി​ക പ്ര​തി​സ​ന്ധി​യാ​ണ് പ്ര​ധാ​ന വി​ല്ല​ൻ. നേ​ര​ത്തെ ആ​സൂ​ത്ര​ണം ചെ​യ്ത ത​ങ്ക​ളം കാ​ക്ക​നാ​ട് ഹൈ​വേ​യു​ടെ പ്ര​വ​ർ​ത്ത​ന​ങ്ങ​ൾ ഇ​പ്പോ​ൾ നി​ല​ച്ച മ​ട്ടാ​ണ്. ഈ ​പാ​ത​ക്കാ​യി കോ​ത​മം​ഗ​ല​ത്തെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ അ​വ​സാ​ന ഘ​ട്ട​ത്തി​ലെ​ത്തി​യ​പ്പോ​ഴാ​ണ് പ​ദ്ധ​തി നി​ല​ച്ച​ത്. നി​ർ​ദി​ഷ്ട മൂ​വാ​റ്റു​പു​ഴ- കാ​ക്ക​നാ​ട് പാ​ത കി​ഴ​ക്ക​മ്പ​ല​ത്തെ​ത്തു​മ്പോ​ൾ ത​ങ്ക​ളം കാ​ക്ക​നാ​ട് ഹൈ​വേ​യി​ലേ​ക്ക് യോ​ജി​ക്കു​ന്ന രീ​തി​യി​ലാ​ണ് വി​ഭാ​വ​നം ചെ​യ്തി​രി​ക്കു​ന്ന​ത്. പ​ദ്ധ​തി നി​ല​ച്ച സാ​ഹ​ച​ര്യ​ത്തി​ൽ ഇ​തി​ന്‍റെ സാ​ധ്യ​ത​ക​ൾ ഏ​റെ സ​ങ്കീ​ർ​ണ​മാ​ണ്. ഇ​ത​ല്ലെ​ങ്കി​ൽ മൂ​വാ​റ്റു​പു​ഴ-​കാ​ക്ക​നാ​ട് നാ​ലു​വ​രി​പാ​ത​ക്കാ​യി കു​ന്ന​ത്തു​നാ​ട്, തൃ​ക്കാ​ക്ക​ര മ​ണ്ഡ​ല​ങ്ങ​ളി​ലാ​യി വീ​ണ്ടും സ്ഥ​ലം ഏ​റ്റെ​ടു​ക്കേ​ണ്ടി​വ​രും.

കി​ഴ​ക്ക​ൻ മേ​ഖ​ല കാ​ത്തി​രി​ക്കു​ന്നു

കി​ഴ​ക്ക​ൻ പ്ര​ദേ​ശ​ങ്ങ​ളു​ടെ വി​ക​സ​ന കാ​ര്യ​ത്തി​ൽ വ​ലി​യ മാ​റ്റ​മാ​ണ് പ​ദ്ധ​തി ല​ക്ഷ്യ​മി​ടു​ന്ന​ത്. മൂ​വാ​റ്റു​പു​ഴ- കാ​ക്ക​നാ​ട് റോ​ഡി​ൽ വാ​ഴ​പ്പി​ള്ളി മു​ത​ൽ കി​ഴ​ക്ക​മ്പ​ലം വ​രെ 19.22 കി​ലോ​മീ​റ്റ​ർ റോ​ഡ് 23 മീ​റ്റ​ർ വീ​തി​യി​ലാ​ക്കി​യാ​ണ് നാ​ലു​വ​രി പാ​ത വി​ഭാ​വ​നം ചെ​യ്യു​ന്ന​ത്. വീ​തി കൂ​ട്ടു​ന്ന​തി​ന്‍റെ ഭാ​ഗ​മാ​യി നി​ല​വി​ലു​ള​ള റോ​ഡി​ന്‍റെ ഇ​രു​വ​ശ​ങ്ങ​ളി​ലും പു​റ​മ്പോ​ക്കൊ​ഴി​ച്ചു​ള​ള ബാ​ക്കി സ്ഥ​ലം ഏ​റ്റെ​ടു​ക്കും. റോ​ഡി​നോ​ട് ചേ​ർ​ന്ന കെ​ട്ടി​ട​ങ്ങ​ള​ട​ക്ക​മു​ള​ള നി​ർ​മാ​ണ പ്ര​വ​ർ​ത്ത​ന​ങ്ങ​ളും പൊ​ളി​ച്ച് നീ​ക്കും. സ്ഥ​ലം ഏ​റ്റെ​ടു​ക്കേ​ണ്ടി വ​രു​മ്പോ​ൾ ഭൂ ​ഉ​ട​മ​ക​ൾ​ക്ക് ഏ​റ്റ​വും പു​തി​യ ന​ഷ്ട​പ​രി​ഹാ​ര പാ​ക്കേ​ജും ന​ൽ​കും. ജി​ല്ല​യു​ടെ കി​ഴ​ക്ക​ൻ മേ​ഖ​ല​യോ​ടൊ​പ്പം ഇ​ടു​ക്കി ജി​ല്ല​യി​ൽ നി​ന്നു​മു​ള​ള​വ​ർ​ക്ക് വേ​ഗ​ത്തി​ലും എ​ളു​പ്പ​ത്തി​ലും എ​റ​ണാ​കു​ള​ത്തേ​ക്കെ​ത്താ​ൻ നി​ർ​ദി​ഷ്ട പാ​ത ഉ​പ​കാ​ര​പ്പെ​ടും.

എ​ന്ന്​ തീ​രും ദു​രി​തം

റോ​ഡ് വി​ക​സ​ന​ത്തി​ന്​ വ​മ്പ​ൻ പ​ദ്ധ​തി​ക​ൾ അ​ണി​യ​റ​യി​ലൊ​രു​ങ്ങു​മ്പോ​ഴും പ​തി​റ്റാ​ണ്ടു​ക​ളാ​യി യാ​ത്രാ​ദു​രി​തം അ​നു​ഭ​വി​ക്കു​ക​യാ​ണ് മൂ​വാ​റ്റു​പു​ഴ- കാ​ക്ക​നാ​ട് റോ​ഡി​ലെ കി​ഴ​ക്ക​മ്പ​ലം മു​ത​ൽ നെ​ല്ലാ​ട് വ​രെ​യു​ള​ള യാ​ത്ര​ക്കാ​ർ.

റോ​ഡ് ത​ക​ർ​ന്നി​ട്ട് പ​തി​റ്റാ​ണ്ട് പി​ന്നി​ട്ടു. സ​മ​ര​ങ്ങ​ളും നി​യ​മ​പോ​രാ​ട്ട​ങ്ങ​ളും ഏ​റെ ഉ​ണ്ടാ​യെ​ങ്കി​ലും പ​രി​ഹാ​ര​മാ​യി​ല്ല.

ഒ​രു വ​ർ​ഷം മു​മ്പ് പേ​രി​ന് അ​റ്റ​കു​റ്റ​പ്പ​ണി ന​ട​ത്തി​യ​ത് മാ​ത്ര​മാ​ണ് അ​പ​വാ​ദം. നി​ല​വി​ൽ റോ​ഡ് പു​ന​ർ​നി​ർ​മാ​ണ​ത്തി​നാ​യി ടെ​ൻ​ഡ​ർ ന​ട​പ​ടി​ക​ൾ പൂ​ർ​ത്തി​യാ​ക്കി ഈ ​മാ​സം​ത​ന്നെ പു​ന​ർ നി​ർ​മാ​ണം ന​ട​ത്തു​മെ​ന്ന അ​ധി​കൃ​ത​രു​ടെ വാ​ക്കി​ൽ വി​ശ്വ​സി​ച്ചി​രി​ക്കു​ക​യാ​ണ് നാ​ട്ടു​കാ​ർ.