വെ​ർ​ച്വ​ൽ അ​റ​സ്റ്റ് ത​ട്ടി​പ്പ് പൊ​ളി​ച്ച​ടുക്കി സൈ​ബ​ർ പൊ​ലീ​സ്

ആ​ലു​വ: വെ​ർ​ച്വ​ൽ അ​റ​സ്റ്റ് ഭ​യ​ന്ന് ഫോ​ണു​മാ​യി സൈ​ബ​ർ സ്റ്റേ​ഷ​നി​ലെ​ത്തി​യ യു​വാ​വി​ന്‍റെ മു​മ്പി​ൽ വ​ച്ചു ത​ന്നെ പൊ​ലീ​സ് ടീം ​ത​ട്ടി​പ്പ് പൊ​ളി​ച്ച​ട​ക്കി. ആ​ലു​വ സ്വ​ദേ​ശി​യാ​യ യു​വാ​വി​നാ​ണ് ത​ട്ടി​പ്പ് സം​ഘ​ത്തി​ന്‍റെ കോ​ൾ എ​ത്തി​യ​ത്. യു​വാ​വി​ന്‍റെ ആ​ധാ​ർ കാ​ർ​ഡ് ഉ​പ​യോ​ഗി​ച്ച് ര​ണ്ട് വെ​ബ് സൈ​റ്റ് തു​ട​ങ്ങി​യി​ട്ടു​ണ്ടെ​ന്ന് പ​റ​ഞ്ഞാ​ണ് കോ​ൾ തു​ട​ങ്ങി​യ​ത്.

ഈ ​സൈ​റ്റ് ഉ​പ​യോ​ഗി​ച്ച് മ​യ​ക്കു​മ​രു​ന്ന് ക​ട​ത്ത് ഉ​ൾ​പ്പെ​ടു​യു​ള്ള അ​ന​ധി​കൃ​ത ഇ​ട​പാ​ടി​ന് കേ​സെ​ടു​ത്തി​ട്ടു​ണ്ടെ​ന്നും പ​റ​ഞ്ഞു. ഉ​ട​നെ വീ​ഡി​യോ കോ​ളി​ൽ വ​ര​ണ​മെ​ന്നും ആ​ധാ​ർ, അ​ക്കൗ​ണ്ട്, പാ​ൻ രേ​ഖ​ക​ൾ ഹാ​ജ​രാ​ക്കാ​നും ആ​വ​ശ്യ​പ്പെ​ട്ടു. പ​റ്റി​ല്ലെ​ങ്കി​ൽ അ​ടു​ത്തു​ള്ള സ്റ്റേ​ഷ​നി​ൽ ഹാ​ജ​രാ​വു​ക, അ​വ​ർ അ​റ​സ്റ്റ് ചെ​യ്ത് ഡ​ൽ​ഹി​യി​ൽ എ​ത്തി​ച്ചു കൊ​ള്ളു​മെ​ന്നും ഭീ​ഷ​ണി​പ്പെ​ടു​ത്തി.

യു​വാ​വ് ഫോ​ൺ ക​ട്ട് ചെ​യ്യാ​തെ ആ​ലു​വ സൈ​ബ​ർ പൊ​ലീ​സ് സ്റ്റേ​ഷ​നി​ലെ​ത്തി ഉ​ദ്യോ​ഗ​സ്ഥ​ർ​ക്ക് കൈ​മാ​റി. ആ​ദ്യം യു​വാ​വാ​ണെ​ന്ന രീ​തി​യി​ൽ പൊ​ലീ​സ് ഉ​ദ്യോ​ഗ​സ്ഥ​ൻ സം​സാ​രി​ച്ചു. സം​ഘം ഭീ​ഷ​ണി ആ​വ​ർ​ത്തി​ക്കു​ക​യും പ​ണം ആ​വ​ശ്യ​പ്പെ​ടു​ക​യും ചെ​യ്തു. ഉ​ദ്യോ​ഗ​സ്ഥ​ന്‍റെ ചോ​ദ്യ​ങ്ങ​ൾ​ക്കു​മു​മ്പി​ൽ ത​ട്ടി​പ്പു സം​ഘം പ​ത​റി. അ​പ​ക​ടം മ​ണ​ത്ത അ​വ​ർ ഫോ​ൺ ക​ട്ട് ചെ​യ്ത് ത​ടി ത​പ്പി. തി​രി​ച്ച് ഓ​ഡി​യോ-​വീ​ഡി​യോ കോ​ളു​ക​ൾ ചെ​യ്തെ​ങ്കി​ലും സ്വി​ച്ച് ഓ​ഫ് ചെ​യ്ത ഫോ​ൺ ഇ​തു​വ​രെ ഓ​ൺ ആ​യി​ട്ടി​ല്ല. വെ​ർ​ച്വ​ൽ അ​റ​സ്റ്റ് എ​ന്ന ഒ​രു സം​ഭ​വം ഇ​ല്ലെ​ന്ന് പ​റ​ഞ്ഞ്​ മ​ന​സ്സി​ലാ​ക്കി​യ ശേ​ഷ​മാ​ണ് യു​വാ​വി​നെ പ​റ​ഞ്ഞ് വി​ട്ട​ത്.