ചെണ്ടുമല്ലിത്തോട്ടത്തിലെ ‘വിജയ'കൃഷി

കാ​ക്ക​നാ​ട്: ഓ​ണ​ക്കാ​ല​മാ​യ​തോ​ടെ വൈ​റ​ലാ​ണ് യു​വ ക​ർ​ഷ​ക​നാ​യ കെ.​കെ വി​ജ​യ​ന്റെ ചെ​ണ്ടു​മ​ല്ലി തോ​ട്ടം. കാ​ക്ക​നാ​ട് തു​തി​യൂ​ര്‍ സ​ബ് സ്റ്റേ​ഷ​ന് സ​മീ​പ​ത്തെ വീ​ടി​നോ​ട് ചേ​ർ​ന്ന പാ​ട്ട​ത്തി​നെ​ടു​ത്ത സ്ഥ​ല​ത്ത് പ​രീ​ക്ഷ​ണാ​ടി​സ്ഥാ​ന​ത്തി​ൽ ആ​രം​ഭി​ച്ച പൂ​കൃ​ഷി വി​ജ​യം ക​ണ്ട​തി​ന്‍റെ സ​ന്തോ​ഷ​ത്തി​ലാ​ണ് ഈ ​യു​വാ​വ്. ഉ​മാ തോ​മ​സ് എം.​എ​ൽ.​എ, തൃ​ക്കാ​ക്ക​ര ന​ഗ​ര​സ​ഭ അ​ധ്യ​ക്ഷ രാ​ധാ​മ​ണി പി​ള്ള ഉ​ൾ​പ്പ​ടെ ഒ​ട്ട​ന​വ​ധി പേ​രാ​ണ് പൂ​പ്പാ​ടം കാ​ണാ​ൻ എ​ത്തി​യ​ത്. ഓ​ണ വി​പ​ണി ല​ക്ഷ്യ​മി​ട്ട് 1200ഓ​ളം തൈ​ക​ളാ​യി​രു​ന്നു ന​ട്ട​ത്. ആ​ഫ്രി​ക്ക​ൻ ഒ​ച്ചു​ക​ളു​ടെ ശ​ല്യം മൂ​ലം കു​റ​ച്ച​ധി​കം തൈ​ക​ൾ ന​ശി​ച്ചെ​ങ്കി​ലും മൊ​ട്ടി​ട്ട ചെ​ടി​ക​ൾ പൂ​ത്തു​ല​ഞ്ഞ​തോ​ടെ പ്ര​ദേ​ശ​മാ​കെ വ​ർ​ണാ​ഭ​മാ​യി​രി​ക്കു​ക​യാ​ണ്.

രാ​ത്രി കൂ​ട്ട​ത്തോ​ടെ എ​ത്തു​ന്ന ഒ​ച്ചു​ക​ളെ തു​ര​ത്താ​ൻ വി​ജ​യ​നും രാ​ത്രി ഉ​റ​ക്കം ഒ​ഴി​വാ​ക്കു​ക​യാ​യി​രു​ന്നു. ഈ ​ക​ഷ്ട​പ്പാ​ട് ഫ​ലം ക​ണ്ട​തോ​ടെ സൗ​ര​ഭ്യം നു​ക​രാ​ൻ എ​ത്തു​ന്ന പൂ​മ്പാ​റ്റ​ക​ൾ കൂ​ടി ആ​കു​ന്ന​തോ​ടെ ക​ഥ​ക​ളി​ൽ വാ​യി​ച്ച ശാ​ന്ത​സു​ന്ദ​ര​മാ​യ പൂ​ന്തോ​ട്ട​മാ​ണ് കാ​ഴ്ച​ക്കാ​ർ​ക്ക് മു​മ്പി​ൽ ഒ​രു​ങ്ങി​യ​ത്. കൃ​ഷി വ​കു​പ്പി​ന്റെ ആ​ത്മ സീ​ഡ് മ​ണി പ​ദ്ധ​തി​യു​ടെ സ​ഹാ​യ​ത്തോ​ടെ​യാ​ണ് കൃ​ഷി വി​പു​ല​മാ​ക്കി​യ​ത്.

കൃ​ഷി അ​സി. ഡ​യ​റ​ക്ട​ര്‍ ജെ.​എ​സ്. സു​ധാ​കു​മാ​രി, തൃ​ക്കാ​ക്ക​ര കൃ​ഷി ഓ​ഫീ​സ​ര്‍ പി.​എ. ലു​ബീ​ന, കൃ​ഷി ഉ​ദ്യോ​ഗ​സ്ഥ​രാ​യ ദീ​പ, എ​ന്‍.​ആ​ര്‍. സ​വി​ത, പി.​ഡി. ഇ​ന്ദു, എ​സ്. അ​മൃ​ത​കു​മാ​രി എ​ന്നി​വ​രു​ടെ പി​ന്തു​ണ​യോ​ടെ​യാ​ണ് ഓ​ണ​വി​പ​ണി ല​ക്ഷ്യ​മി​ട്ടു പൂ ​കൃ​ഷി ചെ​യ്യു​ന്ന​ത്. അ​മ്മ ഭ​വാ​നി​യു​ടെ നി​ര്‍ദേ​ശ​ങ്ങ​ളും സ​ഹോ​ദ​ര​ങ്ങ​ളാ​യ ഷാ​ജി, ശ​ശി, ഗി​രീ​ഷ് എ​ന്നി​വ​രു​ടെ സ​ഹാ​യ​വും പൂ ​കൃ​ഷി വി​ജ​യ​മാ​ക്കാ​ന്‍ സ​ഹാ​യി​ച്ചു. കൃ​ഷി​ത്തോ​ട്ടം കാ​ണാ​നും സെ​ൽ​ഫി എ​ടു​ക്കാ​നും ആ​ളു കൂ​ടി​യ​തോ​ടെ ആ​കെ ബു​ദ്ധി​മു​ട്ടി​ലാ​ണ് വി​ജ​യ​ൻ. പൂ​പ​റി​ക്കു​ക​യും അ​റി​യാ​തെ ആ​ണെ​ങ്കി​ലും ച​വി​ട്ടി ഒ​ടി​ക്കു​ക​യും ചെ​യ്യു​ന്ന സം​ഭ​വ​ങ്ങ​ളാ​ണ് വി​ജ​യ​ന് പ​ണി​യാ​യ​ത്. എ​ന്നാ​ലും കാ​ണാ​ൻ വ​രു​ന്ന​വ​രെ ചി​രി​ച്ച് കൊ​ണ്ട് സ്വീ​ക​രി​ക്കു​ക​യാ​ണ്​ ഇ​ദ്ദേ​ഹം.