കൈക്കൂലിക്ക്​ പിന്നാലെ അഴിമതി ആരോപണം; കോർപറേഷൻ കൗൺസിൽ രണ്ടാംനാളും ബഹളമയം

കൊ​ച്ചി: ആ​ദ്യ ദി​നം കോ​ർ​പ​റേ​ഷ​ൻ ഉ​ദ്യോ​ഗ​സ്ഥ​യു​ടെ കൈ​ക്കൂ​ലി​യും സ​സ്പെ​ൻ​ഷ​നും പ്ര​തി​ഷേ​ധ വി​ഷ​യ​മാ​ക്കി ഉ​യ​ർ​ത്തി​യ പ്ര​തി​പ​ക്ഷം ര​ണ്ടാം ദി​നം കോ​ർ​പ​റേ​ഷ​ൻ കൗ​ൺ​സി​ലി​ൽ അ​ഴി​മ​തി ആ​രോ​പ​ണ​മു​യ​ർ​ത്തി രം​ഗ​ത്തെ​ത്തി. മ​ട്ടാ​ഞ്ചേ​രി ടൗ​ണ്‍ ഹാ​ള്‍ ന​വീ​ക​ര​ണ​വു​മാ​യി ബ​ന്ധ​പ്പെ​ട്ട് ക​സേ​ര​ക​ള്‍ വാ​ങ്ങി​യ​തി​ല്‍ വ​ന്‍ അ​ഴി​മ​തി ആ​രോ​പി​ച്ചാ​യി​രു​ന്നു ശ​നി​യാ​ഴ്ച​ത്തെ കൗ​ണ്‍സി​ല്‍ യോ​ഗ​ത്തി​ല്‍ പ്ര​തി​പ​ക്ഷ ബ​ഹ​ളം.

ക​സേ​ര​ക​ള്‍ സ്ഥാ​പി​ക്കാ​നു​ള്ള ന​ട​പ​ടി​ക​ളി​ല്‍ മേ​യ​ര്‍ മു​ന്‍കൂ​ര്‍ ന​ല്‍കി​യ​ത് അ​ഴി​മ​തി​ക്ക് സാ​ഹ​ച​ര്യ​മൊ​രു​ക്കാ​നാ​യി​രു​ന്നു എ​ന്നാ​യി​രു​ന്നു പ്ര​തി​പ​ക്ഷ ആ​രോ​പ​ണം. ഭ​ര​ണാ​നു​മ​തി​ക്കും എ​സ്റ്റി​മേ​റ്റി​നും മാ​ത്രം മു​ന്‍കൂ​ര്‍ അ​നു​മ​തി ന​ല്‍കി​യി​ട്ടു​ള്ള ഫ​യ​ല്‍ എ​ങ്ങ​നെ​യാ​ണ് ടെ​ന്‍ഡ​ര്‍ ചെ​യ്ത​തെ​ന്ന് മേ​യ​ര്‍ മ​റു​പ​ടി പ​റ​യ​ണ​മെ​ന്ന് യു.​ഡി.​എ​ഫ് കൗ​ണ്‍സി​ല​ര്‍മാ​ര്‍ ആ​വ​ശ്യ​പ്പെ​ട്ട​പ്പോ​ള്‍ അ​ജ​ണ്ട വോ​ട്ടി​ന് ഇ​ടാ​മെ​ന്ന് മേ​യ​ര്‍ എം. ​അ​നി​ല്‍കു​മാ​ർ വ്യ​ക്ത​മാ​ക്കി. ഇ​തോ​ടെ പ്ര​തി​പ​ക്ഷം ആ​രോ​പ​ണം ക​ടു​പ്പി​ച്ചു. മേ​യ​റു​ടെ നി​ർ​ദേ​ശം അ​ഴി​മ​തി​ക്ക് കൂ​ട്ടു​നി​ല്‍ക്കു​ന്ന​വ​രെ സ​ഹാ​യി​ക്കു​ന്ന​താ​ണെ​ന്ന് പ്ര​തി​പ​ക്ഷ നേ​താ​വ് ആ​ന്റ​ണി കു​രീ​ത്ത​റ​യും പാ​ര്‍ല​മെ​ന്റ​റി പാ​ര്‍ട്ടി സെ​ക്ര​ട്ട​റി എം.​ജി. അ​രി​സ്‌​റ്റോ​ട്ടി​ലും ആ​രോ​പി​ച്ചു.

ഇ​തി​നി​ടെ ക​സേ​ര​ക​ളു​ടെ ഗു​ണ​നി​ല​വാ​ര​ത്തി​ലോ, നി​ര​ക്കി​ലോ ആ​ക്ഷേ​പ​മു​ണ്ടെ​ങ്കി​ല്‍ പ​രി​ശോ​ധി​ക്കാ​മെ​ന്നും അ​നാ​വ​ശ്യ​മാ​യ വി​വാ​ദ​ങ്ങ​ള്‍ ഉ​ണ്ടാ​ക്കി ന​ഗ​ര​സ​ഭ​യു​ടെ പ്ര​വ​ര്‍ത്ത​ന​ങ്ങ​ളെ സ​തം​ഭി​പ്പി​ക്കാ​ന്‍ യു.​ഡി.​എ​ഫ് ശ്ര​മി​ക്കു​ക​യാ​ണെ​ന്നും മേ​യ​ർ പ​റ​ഞ്ഞു. ഏ​റ്റ​വും കു​റ​വ് നി​ര​ക്കി​നാ​ണ് ടെ​ന്‍ഡ​ര്‍ ന​ട​പ​ടി​ക​ൾ ചെ​യ്ത് ന​ല്‍കി​യ​ത്.

എ​ൽ.​ഡി.​എ​ഫ് ബ​ജ​റ്റി​ല്‍ പ്ര​ഖ്യാ​പി​ച്ച കാ​ര്യ​ങ്ങ​ളെ​ല്ലാം പൂ​ര്‍ത്തി​യാ​ക്കി​ക്കൊ​ണ്ടി​രി​ക്കു​ക​യാ​ണ്. ഇ​ക്കാ​ര്യ​ങ്ങ​ള്‍ ജ​ന​ങ്ങ​ളി​ലേ​ക്ക് എ​ത്തി​ക്കാ​തി​രി​ക്കാ​നാ​ണ് കൗ​ണ്‍സി​ല്‍ യോ​ഗ​ങ്ങ​ളി​ല്‍ യു.​ഡി.​എ​ഫ് നി​ര​ന്ത​രം ബ​ഹ​ള​മു​ണ്ടാ​ക്കു​ന്ന​ത്. പ്ര​തി​രോ​ധി​ക്കാ​ന്‍ ഒ​ന്നു​മി​ല്ലാ​ത്ത​തു​കൊ​ണ്ടാ​ണ് യു.​ഡി.​എ​ഫ് പ്ര​തി​ഷേ​ധി​ക്കു​ന്ന​ത്. ന​ട​പ്പാ​ക്കു​മെ​ന്ന് പ​റ​ഞ്ഞ പ​ദ്ധ​തി​ക​ള്‍ എ​ല്ലാം ഈ​മാ​സം ത​ന്നെ ന​ട​പ്പാ​ക്കു​മെ​ന്നും മേ​യ​ര്‍ കൂ​ട്ടി​ച്ചേ​ർ​ത്തു.