കണ്ടൽ വെട്ടിമാറ്റി തണ്ണീർത്തടം നികത്തുന്നതായി പരാതി
text_fieldsപള്ളുരുത്തി: സർക്കാറിന്റെയും വിവിധ സംഘടനകളുടെയും നേതൃത്വത്തിൽ നാടെങ്ങും പരിസ്ഥിതി ദിനാചരണം നടക്കുമ്പോൾ പെരുമ്പടപ്പിൽ കണ്ടൽക്കാടുകൾ വെട്ടിമാറ്റി തണ്ണീർത്തടം നികത്തുന്നതായി പരാതി. പെരുമ്പടപ്പ് എം.എ മാത്യു റോഡിൽ കോവളം ഭാഗത്താണ് പാരിസ്ഥിതിക നിയമങ്ങൾ കാറ്റിൽ പറത്തി തണ്ണീർത്തടം നികത്തുന്നത്. വില്ലേജ് അധികൃതരുടെ ഒത്താശയോടെയാണ് നികത്തലെന്നാണ് നാട്ടുകാർ പറയുന്നത്. ശക്തമായ വേലിയേറ്റം അനുഭവപ്പെടുന്ന കായൽ തീര മേഖലയാണിത്.
വേലിയേറ്റ സമയങ്ങളിൽ തീരത്തെ വീടുകളിൽ വെള്ളം കയറുന്നത് പതിവാണ്. ഉന്നത റവന്യൂ അധികൃതർ ഇടപെടണമെന്നാണ് നാട്ടുകാരുടെ ആവശ്യം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.