പുഴ വൃത്തിയാക്കണം; പാഴ്വസ്തുക്കളാൽ വഞ്ചിയൊരുക്കി

കൊ​ച്ചി: ഹ​രി​ത ക​ർ​മ സേ​നാം​ഗ​മെ​ന്ന നി​ല​ക്ക് വീ​ടു​ക​ളി​ൽ നി​ന്ന് ശേ​ഖ​രി​ക്കു​ന്ന പാ​ഴ് വ​സ്തു​ക്ക​ളി​ൽ പ​ല​തും ചേ​രാ​നെ​ല്ലൂ​ർ ഇ​ട​യ​ക്കു​ന്ന​ത്ത് കൈ​നാ​ട്ടു​പ​റ​മ്പി​ൽ സു​മ​തി കു​മാ​ര​ന് ക​ര​കൗ​ശ​ല വ​സ്തു​ക്ക​ളൊ​രു​ക്കാ​നു​ള്ള സാ​മ​ഗ്രി​ക​ളാ​യി​രു​ന്നു. പൂ​ക്ക​ളും പൂ​പ്പാ​ത്ര​ങ്ങ​ളു​മെ​ല്ലാം ഒ​രു​ക്കി ഒ​രു​ക്കി അ​വ​ർ പി​ന്നീ​ട് പാ​ഴ് വ​സ്തു​ക്ക​ൾ കൊ​ണ്ടൊ​രു വ​ഞ്ചി തീ​ർ​ത്തു. റി​പ്പ​ബ്ലി​ക് ദി​ന​ത്തോ​ട​നു​ബ​ന്ധി​ച്ച് ഹ​രി​ത​ക​ർ​മ​സേ​ന സം​ഘ​ടി​പ്പി​ച്ച മ​ത്സ​ര​ത്തി​ൽ സം​സ്ഥാ​ന​ത​ല​ത്തി​ൽ മൂ​ന്നാ​മ​തെ​ത്തി നാ​ടി​ന്‍റെ അ​ഭി​മാ​ന​മാ​യി മാ​റി​യി​രി​ക്കു​ക​യാ​ണ് ഈ 62​കാ​രി. ഇ​തി​നാ​യി ആ​കെ ചെ​ല​വാ​യ​ത് ക​ട്ടി​യു​ള്ള സെ​ല്ലോ​ടാ​പ്പു​ക​ൾ വാ​ങ്ങാ​നു​ള്ള 80 രൂ​പ മാ​ത്രം.

എ​ട്ടു​വ​ർ​ഷ​മാ​യി ഹ​രി​ത​ക​ർ​മ സേ​നാം​ഗ​മാ​യ സു​മ​തി​ക്ക് ക​ര​കൗ​ശ​ല വ​സ്തു​ക്ക​ൾ നി​ർ​മി​ക്കാ​ൻ വ​ലി​യ താ​ൽ​പ​ര്യ​മാ​യി​രു​ന്നു. ആ ​താ​ൽ​പ​ര്യം ത​ന്നെ​യാ​ണ് നാ​ട​റി​യു​ന്ന ച​ങ്ങാ​ട നി​ർ​മാ​ണ​ത്തി​ലെ​ത്തി​ച്ച​ത്. വ​ർ​ഷ​ങ്ങ​ൾ​ക്കു മു​മ്പ് പ്ലാ​സ്റ്റി​ക് കു​പ്പി​ക​ളും മ​റ്റും ഉ​പ​യോ​ഗി​ച്ച് സു​മ​തി ഒ​രു​ക്കി​യ ച​ങ്ങാ​ടം അ​വ​സാ​ന നി​മി​ഷം പ​രാ​ജ​യ​പ്പെ​ട്ട​തോ​ടെ ആ ​ശ്ര​മം ഉ​പേ​ക്ഷി​ച്ചു. പി​ന്നീ​ട് മ​ത്സ​രം പ്ര​ഖ്യാ​പി​ച്ച​പ്പോ​ഴാ​ണ് പ​ഴ​യ മോ​ഹം പൊ​ടി​ത​ട്ടി​യെ​ടു​ത്ത​ത്. മ​ക​ൻ സു​നി​ൽ​കു​മാ​റി​ന്‍റെ മ​ക​ൻ ഗൗ​തം ദേ​വി​ന്‍റെ ക​ട്ട സ​പ്പോ​ർ​ട്ട് കൂ​ടി ആ​യ​തോ​ടെ പ​ണി തു​ട​ങ്ങി. വ​ലി​യ സോ​ഡാ​ക്കു​പ്പി​ക​ൾ മൂ​ന്ന് പാ​ളി​ക​ളാ​യി അ​ടു​ക്കി ഭ​ദ്ര​മാ​യി ഒ​ട്ടി​ച്ചും മ​റ്റും വ​ഞ്ചി​യൊ​രു​ക്കി. തെ​ർ​മോ​കോ​ൾ, ചെ​റി​യ ശീ​ത​ള​പാ​നീ​യ കു​പ്പി​ക​ൾ, പ​ഴ​യ ബെ​ഡ് ക​വ​റു​ക​ൾ, അ​ങ്ങ​നെ​യ​ങ്ങ​നെ വ​ഞ്ചി​യൊ​രു​ക്കാനുപയോഗിച്ചതെല്ലാം ഉ​പ​യോ​ഗ​ശൂ​ന്യ​മാ​യി ഒ​ഴി​വാ​ക്കി​യ സാ​ധ​ന​ങ്ങ​ളാ​യി​രു​ന്നു. പ​ണി​യെ​ല്ലാം ക​ഴി​ഞ്ഞ് വീ​ടി​ന​ടു​ത്തു​ള്ള ഇ​ട​യ​ക്കു​ന്ന​ത്ത് പു​ഴ​യി​ൽ നി​ന്ന് അ​ക്ക​രെ വ​രെ പോ​യ​പ്പോ​ൾ ഉ​ണ്ടാ​യ സ​ന്തോ​ഷ​വും അ​ഭി​മാ​ന​വും പ​റ​ഞ്ഞ​റി​യി​ക്കാ​ൻ പ​റ്റാ​ത്ത​താ​ണെ​ന്ന് സു​മ​തി പ​റ​യു​ന്നു.

എ​ല്ലാ​ത്തി​നും പ്രോ​ത്സാ​ഹ​ന​വു​മാ​യി കൂ​ടെ നി​ന്ന​ത് വാ​ർ​ഡി​ലെ മു​ൻ മെ​മ്പ​ർ ബെ​ന്നി ഫ്രാ​ൻ​സി​സ്, ഹ​രി​ത​ക​ർ​മ​സേ​ന കോ​ഓ​ഡി​നേ​റ്റ​ർ ആ​ഷ്ന ജി​ബി എ​ന്നി​വ​രാ​ണ്. ജോ​ലി​യു​ടെ ഭാ​ഗ​മാ​യി വീ​ടു​ക​ളി​ൽ പോ​വാ​ൻ വ​ണ്ടി​യു​ള്ള​തി​നാ​ൽ വ​ഞ്ചി​യു​ടെ ആ​വ​ശ്യം വ​രു​ന്നി​ല്ലെ​ങ്കി​ലും വീ​ടി​ന​ടു​ത്തെ പു​ഴ​യി​ൽ ഇ​ട​ക്കി​ടെ ഇ​റ​ക്കാ​റു​ണ്ട്. അ​ങ്ങ​നെ​യി​രി​ക്കേ​യാ​ണ് പു​ഴ​യി​ലൊ​ഴു​കി ന​ട​ക്കു​ന്ന മാ​ലി​ന്യ​ങ്ങ​ൾ പെ​റു​ക്കി വൃ​ത്തി​യാ​ക്കാ​ൻ തു​ട​ങ്ങി​യ​ത്. ഇ​തി​നും പേ​ര​മ​ക​ൻ ഒ​പ്പം വ​ന്നു. ഇ​പ്പോ​ഴി​തൊ​രു സേ​വ​ന​മാ​യി ഏ​റ്റെ​ടു​ത്തി​രി​ക്കു​ക​യാ​ണ് സു​മ​തി​യ​മ്മ.

വ​നി​താ​ദി​ന​ത്തോ​ട​നു​ബ​ന്ധി​ച്ച് താ​ൻ പ​ഠി​ച്ച സ്കൂ​ളി​ന്‍റെ ഉ​ൾ​പ്പെ​ടെ നി​ര​വ​ധി ആ​ദ​ര​ങ്ങ​ളും സു​മ​തി​യെ തേ​ടി​യെ​ത്തി. പ്ലാ​സ്റ്റി​ക് ക​ത്തി​ക്ക​രു​ത്, വ​ലി​ച്ചെ​റി​യ​രു​ത്; അ​ത് നാ​ടി​നാ​പ​ത്ത്, വീ​ടി​നാ​പ​ത്ത്, വ്യ​ക്തി​ക്കാ​പ​ത്ത് എ​ന്ന സ​ന്ദേ​ശ​മാ​ണ് ഹ​രി​ത​ക​ർ​മ​സേ​നാം​ഗ​മെ​ന്ന നി​ല​യി​ൽ സു​മ​തി​ക്ക് ന​ൽ​കാ​നു​ള്ള​ത്.