കവർച്ചയിൽ വിറച്ച് ചെങ്ങര; അഞ്ചരപവൻ സ്വർണവും 5000 രൂപയും നഷ്ടപ്പെട്ടു

കി​ഴ​ക്ക​മ്പ​ലം (എറണാകുളം): പ​ട്ടി​മ​റ്റം ചെ​ങ്ങ​ര​യി​ല്‍ മോ​ഷ​ണ​പ​ര​മ്പ​ര. രണ്ട്​ വീ​ടു​ക​ളി​ല്‍നി​ന്ന് അ​ഞ്ച​ര പ​വ​നും 5,000 രൂ​പ​യും ന​ഷ്ട​പ്പെ​ട്ടു. ചെ​ങ്ങ​ര മ​ന​ക്ക​പ്പ​ടി ക​ള​പ്പു​ര​ക്ക​ല്‍ നാ​രാ​യ​ണ​ന്‍, ഞാ​റ്റി​ങ്കാ​ല അ​സീ​സ് എ​ന്നി​വ​രു​ടെ വീ​ട്ടി​ല്‍നി​ന്നാ​ണ് സ്വ​ര്‍ണ​വും പ​ണ​വും ക​വ​ർ​ന്ന​ത്.

പ്ലാ​പ്പി​ള്ളി​ല്‍ മു​ഹ​മ്മ​ദി​ന്റെ വീ​ട്ടി​ലും വീ​രാ​ന്‍കു​ട്ടി​യു​ടെ വാ​ട​ക​വീ​ട്ടി​ലും മോ​ഷ​ണ​ശ്ര​മം ന​ട​ന്നെ​ങ്കി​ലും വീ​ട്ടു​കാ​ര്‍ അ​റി​ഞ്ഞ​തോ​ടെ മോ​ഷ്ടാ​വ് ഓ​ടി​മ​റ​ഞ്ഞു. തി​ങ്ക​ളാ​ഴ്ച പു​ല​ര്‍ച്ച​യാ​ണ് വീ​ടു​ക​ളി​ലെ​ത്തി മോ​ഷ​ണം ന​ട​ന്ന​ത്.

നാ​രാ​യ​ണ​ന്‍കു​ട്ടി​യു​ടെ വീ​ടി​ന് മു​ന്‍വ​ശ​ത്തെ വാ​തി​ല്‍ തു​റ​ന്ന് കി​ട​പ്പു​മു​റി​യി​ല്‍ ക​യ​റി അ​ല​മാ​ര​യു​ടെ താ​ക്കോ​ലെ​ടു​ത്ത് തു​റ​ന്ന് മാ​ല, വ​ള, മോ​തി​രം ഉ​ള്‍പ്പെ​ടെ നാ​ല് പ​വ​നും 5000 രൂ​പ​യും മോ​ഷ്ടി​ക്കു​ക​യാ​യി​രു​ന്നു. ഇ​തി​നി​ട​യി​ല്‍ മൊ​ബൈ​ലി​ല്‍ ടോ​ര്‍ച്ച​ടി​ക്കു​ന്ന​ത് ക​ണ്ട് നാ​രാ​യ​ണ​ന്‍കു​ട്ടി​യു​ടെ ഭാ​ര്യ ഒ​ച്ച​വെ​ച്ച​തോ​ടെ മോ​ഷ്ടാ​വ് ക​ട​ന്നു​ക​ള​ഞ്ഞു.

പി​ന്നീ​ട് എ​ഴു​ന്നേ​റ്റ് നോ​ക്കു​മ്പോ​ഴാ​ണ് മോ​ഷ​ണ​വി​വ​രം അ​റി​യു​ന്ന​ത്. ഉ​ട​ന്‍ കു​ന്ന​ത്തു​നാ​ട് പൊ​ലീ​സി​ല്‍ വി​വ​രം അ​റി​യി​ക്കു​ക​യും പൊ​ലീ​സെ​ത്തി പ​രി​ശോ​ധി​ക്കു​ക​യും ചെ​യ്തു.

ഈ ​സ​മ​യം മോ​ഷ്ടാ​വ് തൊ​ട്ട​ടു​ത്ത് 200 മീ. ​ചു​റ്റ​ള​വി​ലു​ള്ള ഞാ​റ്റി​ങ്കാ​ല അ​സീ​സി​ന്റെ വീ​ട്ടി​ല്‍ അ​ടു​ക്ക​ള​വാ​തി​ല്‍ കു​ത്തി​തു​റ​ന്ന് അ​ക​ത്തു​ക​യ​റി മ​ക​ളു​ടെ കാ​ലി​ല്‍നി​ന്ന് ഒ​ന്നേ​കാ​ല്‍ പ​വ​ന്‍ വ​രു​ന്ന പാ​ദ​സ​രം മോ​ഷ്ടി​ക്കാ​ൻ ശ്ര​മി​ച്ചു. മാ​താ​വ് റ​മ​ദാ​നി​ലെ അ​ത്താ​ഴ​ത്തി​ന്​ എ​ഴു​ന്നേ​റ്റ് ലൈ​റ്റി​ട്ട​തോ​ടെ മോ​ഷ്ടാ​വ് ഓ​ടി​ക്ക​ള​ഞ്ഞു.

പ്ലാ​പ്പി​ളി​ല്‍ മു​ഹ​മ്മ​ദി​ന്‍റെ വീ​ട്ടി​ലു​മെ​ത്തി​യെ​ങ്കി​ലും വീ​ട്ടി​ല്‍ ലൈ​റ്റ് തെ​ളി​ച്ച​തോ​ടെ ഓ​ടി​ക്ക​ള​യു​ക​യാ​യി​രു​ന്നു. വീ​രാ​ന്‍കു​ട്ടി​യു​ടെ വാ​ട​ക​വീ​ട്ടി​ല്‍ പ​ട്ടി​യു​ടെ കു​ര​കേ​ട്ട് വീ​ട്ടു​കാ​ര്‍ എ​ഴു​ന്നേ​റ്റ​തോ​ടെ മോ​ഷ്ടാ​വ് ഓ​ടി​മ​റ​ഞ്ഞു.

കുട്ടമ്പുഴയിൽ വീട്ടിൽനിന്ന് പണവും സ്വർണവും കവർന്നു

കോ​ത​മം​ഗ​ലം: കു​ട്ട​മ്പു​ഴ​യി​ൽ വീ​ട്ടി​ൽ​നി​ന്ന് പ​ണ​വും സ്വ​ർ​ണ​വും ക​വ​ർ​ന്നു. ഞാ​യ​പ്പി​ള്ളി ക​ള​മ്പാ​ട്ട് ജോ​സ് കു​ര്യ​ന്‍റെ വീ​ട്ടി​ലാ​ണ് ക​വ​ർ​ച്ച ന​ട​ന്ന​ത്. മു​റി​യി​ലെ അ​ല​മാ​ര​യി​ൽ സൂ​ക്ഷി​ച്ചി​രു​ന്ന ഏ​ഴ് പ​വ​നും 80,000ഓ​ളം രൂ​പ​യും ന​ഷ്ട​പ്പെ​ട്ടി​ട്ടു​ണ്ടെ​ന്നാ​ണ് പ്രാ​ഥ​മി​ക നി​ഗ​മ​നം.

ഞാ​യ​റാ​ഴ്ച വൈ​കീ​ട്ട് തൊ​ട്ട​ടു​ത്ത പ​ള്ളി​യി​ൽ ധ്യാ​ന​ത്തി​ന് പോ​യ ജോ​സും ഭാ​ര്യ​യും രാ​ത്രി എ​ട്ടേ​മു​ക്കാ​ലോ​ടെ വീ​ട്ടി​ൽ തി​രി​ച്ചെ​ത്തി​യ​പ്പോ​ഴാ​ണ്‌ മോ​ഷ​ണം അ​റി​ഞ്ഞ​ത്. കു​ട്ട​മ്പു​ഴ പൊ​ലീ​സ് ഇ​ൻ​സ്പെ​ക്ട​ർ മ​ഹേ​ഷി​ന്‍റെ നേ​തൃ​ത്വ​ത്തി​ൽ പൊ​ലീ​സും വി​ര​ല​ട​യാ​ള വി​ദ​ഗ്​​ധ​രും, ഡോ​ഗ് സ്ക്വാ​ഡും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി.