ഓ​ടി​ക്കൊ​ണ്ടി​രി​ക്കെ കാ​ർ കത്തിനശിച്ചു

മൂ​വാ​റ്റു​പു​ഴ: മൂ​വാ​റ്റു​പു​ഴ-​തൊ​ടു​പു​ഴ റൂ​ട്ടി​ൽ വാ​ഴ​ക്കു​ള​ത്ത് ഓ​ടി​ക്കൊ​ണ്ടി​രി​ക്കെ കാ​ർ അ​ഗ്നി​ക്കി​ര​യാ​യി. ഞാ​യ​റാ​ഴ്ച ഉ​ച്ച​ക്ക്​ 2.15 ഓ​ടെ​യാ​ണ് സം​ഭ​വം. ഈ​രാ​റ്റു​പേ​ട്ട​യി​ൽ​നി​ന്ന് വ​യ​നാ​ട്ടി​ലേ​ക്ക് പോ​കു​ക​യാ​യി​രു​ന്ന റി​നൊ കാ​റാ​ണ് വാ​ഴ​ക്കു​ളം ടൗ​ണി​ലെ സൗ​ത്ത് ഇ​ന്ത്യ​ൻ ബാ​ങ്കി​ന് സ​മീ​പം ക​ത്തി​ന​ശി​ച്ച​ത്.

ബോ​ണ​റ്റി​ൽ​നി​ന്ന് പു​ക ഉ​യ​രു​ന്ന​തു​ക​ണ്ട് ഡ്രൈ​വ​ർ കാ​ർ വ​ഴി​യ​രി​കി​ൽ ഒ​തു​ക്കി നി​ർ​ത്തി പ​രി​ശോ​ധി​ക്ക​വെ തീ ​പ​ട​രു​ക​യാ​യി​രു​ന്നു. ഉ​ട​ൻ വാ​ഹ​ന​ത്തി​ൽ​നി​ന്ന് രേ​ഖ​ക​ളും ബാ​ഗും മ​റ്റും നീ​ക്കം ചെ​യ്തു. ഈ​രാ​റ്റു​പേ​ട്ട സ്വ​ദേ​ശി​യാ​യ വാ​ഹ​ന ഉ​ട​മ​യും ര​ണ്ടു കു​ട്ടി​ക​ളും ഡ്രൈ​വ​റു​മാ​ണ് വാ​ഹ​ന​ത്തി​ലു​ണ്ടാ​യി​രു​ന്ന​ത്. സാ​ധ​ന​ങ്ങ​ൾ നീ​ക്കി യാ​ത്ര​ക്കാ​ർ പു​റ​ത്തി​റ​ങ്ങു​മ്പോ​ഴേ​ക്കും തീ​പ​ട​ർ​ന്നി​രു​ന്നു.

ക​ല്ലൂ​ർ​ക്കാ​ട് അ​ഗ്​​നി​ര​ക്ഷാ നി​ല​യ​ത്തി​ലെ സേ​നാം​ഗ​ങ്ങ​ളു​ടെ നേ​തൃ​ത്വ​ത്തി​ൽ തീ​യ​ണ​ച്ച​പ്പോ​ഴേ​ക്കും കാ​ർ പൂ​ർ​ണ​മാ​യി ക​ത്തി​ന​ശി​ച്ചി​രു​ന്നു. അ​പ​ക​ട​ത്തെ തു​ട​ർ​ന്ന് കു​റെ നേ​രം ഗ​താ​ഗ​തം ത​ട​സ്സ​പ്പെ​ട്ടു.