ബസ്​ തൊഴിലാളികൾക്ക് മർദനം; നഗരത്തിൽ മിന്നൽ പണിമുടക്ക്

കൊ​ച്ചി: തൊ​ഴി​ലാ​ളി​ക​ളെ പൊ​ലീ​സ് മ​ർ​ദി​ച്ച​തി​ൽ പ്ര​തി​ഷേ​ധി​ച്ച്​ ന​ഗ​ര​ത്തി​ൽ ശ​നി​യാ​ഴ്ച സ്വ​കാ​ര്യ ബ​സു​ക​ൾ മി​ന്ന​ൽ പ​ണി​മു​ട​ക്ക് ന​ട​ത്തി. വെ​ള്ളി​യാ​ഴ്ച ക​ലൂ‌​ർ പ​ള്ളി​ക്ക് സ​മീ​പം ഓ​ട്ട​ത്തി​നി​ടെ കാ​റി​ലി​ടി​ച്ചെ​ന്ന പ​രാ​തി​യി​ൽ ബ​സ് തൊ​ഴി​ലാ​ളി​ക​ളെ പൊ​ലീ​സ് മ​ർ​ദി​ച്ചെ​ന്ന്​ ചൂ​ണ്ടി​ക്കാ​ട്ടി​യാ​യി​രു​ന്നു ബ​സ് സ​മ​രം. ചേ​രാ​നെ​ല്ലൂ​ർ-​തൃ​പ്പൂ​ണി​ത്തു​റ റൂ​ട്ടി​ലോ​ടു​ന്ന ‘റാ​വൂ​സ്’ ബ​സി​ലെ ഡ്രൈ​വ​ർ അ​ജ്മ​ൽ ഷാ, ​ക​ണ്ട​ക്ട​ർ ജി​ഷ്ണു രാ​ജ് എ​ന്നി​വ​രെ നോ​ർ​ത്ത് ഇ​ൻ​സ്പെ​ക്ട​ർ മ​ർ​ദി​ച്ചെ​ന്ന്​ ആ​രോ​പി​ച്ചാ​ണ് തൊ​ഴി​ലാ​ളി​ക​ൾ സ​മ​രം ന​ട​ത്തി​യ​ത്. ഹൈ​കോ​ട​തി ഭാ​ഗ​ത്തു​നി​ന്ന് പാ​ലാ​രി​വ​ട്ട​ത്തേ​ക്ക് വ​രു​ന്ന വ​ഴി​യാ​ണ് ബ​സ് കാ​റി​ലി​ടി​ച്ച​ത്.

അ​പ്ര​തീ​ക്ഷി​ത​മാ​യി റോ​ഡ് മു​റി​ച്ചു​ക​ട​ന്ന സ്ത്രീ​യെ ര​ക്ഷി​ക്കാ​ൻ കാ​ർ പെ​ട്ടെ​ന്ന്​ ബ്രേ​ക്കി​ട്ട​തോ​ടെ പി​റ​കെ വ​ന്ന ബ​സ് കാ​റി​ൽ ഇ​ടി​ക്കു​ക​യാ​യി​രു​ന്നു. തു​ട​ർ​ന്ന് പൊ​ലീ​സ് എ​ത്തി ജീ​വ​ന​ക്കാ​രെ ക​സ്റ്റ​ഡി​യി​ലെ​ടു​ത്ത് ക്രൂ​ര​മാ​യി മ​ർ​ദി​ക്കു​ക​യാ​യി​രു​ന്നു​വെ​ന്നാ​ണ് ബ​സു​കാ​ർ പ​റ​യു​ന്ന​ത്. 150 ബ​സ്​ സ​ർ​വി​സ് ന​ട​ത്തി​യി​ല്ലെ​ന്നും കാ​ക്ക​നാ​ട് റൂ​ട്ടി​ൽ മാ​ത്ര​മാ​ണ് സ‌​ർ​വി​സ് ന​ട​ന്ന​തെ​ന്നും ബ​സു​ട​മ​ക​ൾ പ​റ​ഞ്ഞു. സം​ഭ​വ​ത്തി​ൽ നോ​ർ​ത്ത് സി.​ഐ​ക്കെ​തി​രെ റാ​വൂ​സ് ബ​സ് ഓ​ണ​ർ സം​ഗീ​ത് കു​മാ​ർ സി​റ്റി പൊ​ലീ​സ് ക​മീ​ഷ​ണ​ർ​ക്ക് പ​രാ​തി ന​ൽ​കി. അ​ടു​ത്ത ദി​വ​സം മ​നു​ഷ്യാ​വ​കാ​ശ ക​മീ​ഷ​നും പ​രാ​തി ന​ൽ​കു​മെ​ന്ന് അ​ദ്ദേ​ഹം പ​റ​ഞ്ഞു.

അ​പ്ര​തീ​ക്ഷി​ത​മാ​യി ഉ​ണ്ടാ​യ പ​ണി​മു​ട​ക്കി​ൽ ന​ഗ​ര​ത്തി​ൽ യാ​ത്ര​ക്കാ​ർ വ​ല​ഞ്ഞു. പ​ല​രും മെ​ട്രോ സ​ർ​വി​സി​നെ​യാ​ണ് ആ​ശ്ര​യി​ച്ച​ത്. ആ​ലു​വ, വൈ​റ്റി​ല, ചേ​രാ​നെ​ല്ലൂ​ർ, ചി​റ്റൂ​ർ, ഫോ​ർ​ട്ട്കൊ​ച്ചി തു​ട​ങ്ങി​യ റൂ​ട്ടു​ക​ളി​ലെ​ല്ലാം ബ​സ് സ‌​ർ​വി​സ് മു​ട​ങ്ങി. ഏ​റ്റ​വും കൂ​ടു​ത​ൽ ബ​സു​ക​ൾ മു​ട​ങ്ങി​യ​ത് ആ​ലു​വ റൂ​ട്ടി​ലും വൈ​റ്റി​ല​യി​ലു​മാ​ണ്. എ​ന്നാ​ൽ, സം​ഘ​ട​ന​ക​ൾ പ​ണി​മു​ട​ക്കി​ന് ആ​ഹ്വാ​നം ചെ​യ്തി​ട്ടി​ല്ലെ​ന്ന് പ്രൈ​വ​റ്റ് ബ​സ് ഓ​പ​റേ​റ്റേ​ഴ്സ് അ​സോ​സി​യേ​ഷ​ൻ ജി​ല്ല സെ​ക്ര​ട്ട​റി കെ.​ബി. സു​നീ​ർ പ​റ​ഞ്ഞു.