ടാ​റി​ങ്​ ന​ട​ത്താ​ത്ത പാ​ല​ങ്ങ​ൾ പൊ​ളി​ഞ്ഞ് തു​ട​ങ്ങി

ചെ​റാ​യി: ജി​ഡ സ​ഹാ​യ​ത്തോ​ടെ വൈ​പ്പി​ൻ-​പ​ള്ളി​പ്പു​റം സം​സ്ഥാ​ന​പാ​ത​യി​ലെ വീ​തി​കൂ​ട്ടി പു​ന​ർ​നി​ർ​മി​ച്ച എ​ട്ട് പാ​ല​ങ്ങ​ളി​ലെ ടാ​റി​ങ്​ ആ​ര് ന​ട​ത്തു​മെ​ന്ന കാ​ര്യ​ത്തി​ൽ 10 വ​ർ​ഷം പി​ന്നി​ട്ടി​ട്ടും തീ​രു​മാ​ന​മാ​യി​ല്ല. പൊ​തു​മ​രാ​മ​ത്ത് പാ​ലം വി​ഭാ​ഗം പ​റ​യു​ന്ന​ത് ടാ​റി​ങ്​ ന​ട​ത്തേ​ണ്ട​ത് റോ​ഡ്​ വി​ഭാ​ഗ​മാ​ണെ​ന്നാ​ണ്. എ​ന്നാ​ൽ, പാ​ല​മാ​യ​തി​നാ​ൽ അ​തി​ലെ പ​ണി​ക​ളു​ടെ ഉ​ത്ത​ര​വാ​ദി​ത്തം പാ​ലം വി​ഭാ​ഗ​ത്തി​നാ​ണെ​ന്നാ​ണ് റോ​ഡു വി​ഭാ​ഗം പ​റ​യു​ന്ന​ത്. എ​ന്നാ​ൽ, പു​ന​ർ​നി​ർ​മി​ച്ച എ​ട്ടു പാ​ല​ങ്ങ​ളോ​ട് മാ​ത്ര​മാ​ണ് ഈ ​വി​വേ​ച​നം. പ​ഴ​യ പാ​ല​ങ്ങ​ളാ​യ ചെ​റാ​യി പ​ട്ടേ​രി​പ്പാ​ലം, അ​യ്യ​മ്പി രാ​മ​വ​ർ​മ​പാ​ലം, ഞാ​റ​ക്ക​ൽ പാ​ലം, അ​പ്പ​ങ്ങാ​ട് പാ​ലം, മാ​ലി​പു​റം പാ​ലം എ​ന്നീ പാ​ല​ങ്ങ​ളി​ലെ ടാ​റി​ങ്​ റോ​ഡ് വി​ഭാ​ഗം ന​ട​ത്തു​ന്നു​മു​ണ്ട്.

ഇ​തി​നി​ടെ ടാ​റി​ങ്​ ന​ട​ത്താ​ത്ത പാ​ല​ങ്ങ​ളി​ൽ കോ​ൺ​ക്രീ​റ്റ് സ്ലാ​ബ് പൊ​ളി​ഞ്ഞ് ഇ​രു​ച​ക്ര വാ​ഹ​ന​ങ്ങ​ൾ​ക്ക് വ​ൻ ഭീ​ഷ​ണി​യാ​യി മാ​റി​യി​രി​ക്ക​യാ​ണ്. ജി​ഡ സ​ഹാ​യ​ത്തോ​ടെ പു​ന​ർ​നി​ർ​മി​ച്ച ഈ ​പാ​ല​ങ്ങ​ൾ ആ​യി​ട​ക്ക് ത​ന്നെ ടാ​ർ ചെ​യ്യ​ണ​മെ​ന്ന് നി​ര​വ​ധി സം​ഘ​ട​ന​ക​ളും ജ​ന​പ്ര​തി​നി​ധി​ക​ളും ആ​വ​ശ്യ​പ്പെ​ട്ടി​രു​ന്നെ​ങ്കി​ലും പൊ​തു​മ​രാ​മ​ത്തി​നി​ട​യി​ലെ വ​ടം​വ​ലി മൂ​ല​മാ​ണ് ഇ​തു​വ​രെ ന​ട​പ​ടി​യാ​കാ​തി​രു​ന്ന​ത്.

ഇ​പ്പോ​ൾ മ​ഴ​ക്കാ​ല​മാ​യ​തോ​ടെ ഇ​രു​ച​ക്ര​വാ​ഹ​ന​ങ്ങ​ൾ പാ​ല​ത്തി​ലെ പൊ​ളി​ഞ്ഞു​കി​ട​ക്കു​ന്ന സ്ലാ​ബി​ൽ ത​ട്ടി തെ​ന്നി​മ​റി​യു​ക പ​തി​വാ​യി​രി​ക്കു​ക​യാ​ണ്. മാ​ത്ര​മ​ല്ല ടാ​റി​ങ്​ ന​ട​ത്താ​തി​രി​ക്കു​ന്ന​ത് പാ​ല​ങ്ങ​ൾ​ക്ക് ബ​ല​ക്ഷ​യം ഉ​ണ്ടാ​ക്കു​മെ​ന്നും ആ​ശ​ങ്ക ഉ​യ​ർ​ന്നി​ട്ടു​ണ്ട്.

എ​ന്നി​ട്ടും പൊ​തു​മ​രാ​മ​ത്ത് അ​ന​ങ്ങാ​പ്പാ​റ ന​യം സ്വീ​ക​രി​ക്കു​ന്ന​തി​നെ​തി​രെ വ്യാ​പ​ക പ്ര​തി​ഷേ​ധം ഉ​യ​ർ​ന്നി​രി​ക്കു​ക​യാ​ണ്. ഈ ​സാ​ഹ​ച​ര്യ​ത്തി​ൽ പാ​ല​ങ്ങ​ളു​ടെ മു​ക​ൾ​ഭാ​ഗ​ത്തെ ടാ​റി​ങ് ന​ട​ത്താ​ൻ വൈ​പ്പി​ൻ എം.​എ​ൽ.​എ ഇ​ട​പെ​ട​ണ​മെ​ന്ന് വൈ​പ്പി​ൻ ബ്ലോ​ക്ക് പ​ഞ്ചാ​യ​ത്ത് പ്ര​തി​പ​ക്ഷ നേ​താ​വ് അ​ഗ​സ്റ്റി​ൻ മ​ണ്ടോ​ത് ആ​വ​ശ്യ​പ്പെ​ട്ടു.