തൃക്കാക്കര നഗരസഭയുടെ എഴരക്കോടി രൂപ കാണാനില്ലെന്ന് ഓഡിറ്റ് വിഭാഗം

കാ​ക്ക​നാ​ട്: സം​സ്ഥാ​ന ഏ​റ്റ​വും കൂ​ടു​ത​ൽ വ​രു​മാ​ന​മു​ള്ള തൃ​ക്കാ​ക്ക​ര ന​ഗ​ര​സ​ഭ​യി​ൽ ഏ​ഴ​ര​ക്കോ​ടി രൂ​പ ന​ഗ​ര​സ​ഭ​യു​ടെ അ​ക്കൗ​ണ്ടി​ൽ എ​ത്തി​യി​ട്ടി​ല്ലെ​ന്ന് ഓ​ഡി​റ്റ് വ​കു​പ്പ്​ ക​ണ്ടെ​ത്തി. 2021 മു​ത​ൽ ന​ഗ​ര​സ​ഭ​യി​ലേ​ക്ക് നി​കു​തി, ഫീ​സ് ഉ​ൾ​പ്പെ​ടെ വി​വി​ധ ഇ​ന​ങ്ങ​ളി​ലേ​ക്ക് ല​ഭി​ച്ച 361 ചെ​ക്കു​ക​ളി​ൽ നി​ന്നു​ള്ള 7,50,62,050 രൂ​പ​യോ​ളം ന​ഗ​ര​സ​ഭ ബാ​ങ്ക് അ​ക്കൗ​ണ്ടി​ൽ എ​ത്തി​യി​ട്ടി​ല്ലെ​ന്നാ​ണ് ക​ണ്ടെ​ത്ത​ൽ.

2021 മു​ത​ൽ ക​ല​ക്​​ഷ​ന്​ 84 ചെ​ക്കു​ക​ളും 2023-2024 സാ​മ്പ​ത്തി​ക വ​ർ​ഷം മാ​ത്രം വ​രു​മാ​ന​മാ​യി ല​ഭി​ച്ച 137 ചെ​ക്കു​ക​ളും പ​ണ​മാ​യി അ​ക്കൗ​ണ്ടി​ൽ എ​ത്തി​യി​ട്ടി​ല്ല. പൊ​തു​ജ​ന​വും സ്‌​ഥാ​പ​ന​ങ്ങ​ളും നി​കു​തി ഉ​ൾ​പ്പെ​ടെ​യു​ള്ള ഇ​ന​ങ്ങ​ളി​ലേ​ക്ക് ന​ഗ​ര​സ​ഭ​ക്ക് ന​ൽ​കി​യ ചെ​ക്കു​ക​ൾ കൈ​പ്പ​റ്റി ര​സീ​ത് ന​ൽ​കി​യി​ട്ടു​ണ്ട്.

ന​ഗ​ര​സ​ഭ​യി​ൽ​നി​ന്ന്​ ബാ​ങ്കി​ലേ​ക്ക് ന​ൽ​കി​യ ചെ​ക്കു​ക​ളു​ടെ എ​ണ്ണ​വും തു​ക​യും കൃ​ത്യ​മാ​യി ഓ​ഡി​റ്റ് വ​കു​പ്പ് ക​ണ്ടെ​ത്തി. ഈ​യി​ന​ത്തി​ൽ ഒ​രു രൂ​പ പോ​ലും ന​ഗ​ര​സ​ഭ​യി​ലേ​ക്ക് ഇ​തു​വ​രെ വ​ന്നി​ട്ടി​ല്ലെ​ന്ന​ത്​ ഗൗ​ര​വ​മാ​യി അ​ന്വേ​ഷി​ക്കേ​ണ​മെ​ന്നും ഓ​ഡി​റ്റ് സം​ഘം നി​ർ​ദേ​ശി​ച്ചു. ബാ​ങ്കു​ക​ളി​ൽ ന​ൽ​കി​യ ചെ​ക്കു​ക​ളി​ൽ​നി​ന്ന്​ പ​ണം ല​ഭി​ക്കാ​ത്ത​തി​ൽ ന​ഗ​ര​സ​ഭ അ​ധി​കൃ​ത​ർ തു​ട​ർ അ​ന്വേ​ഷ​ണം ന​ട​ത്തി​യി​ല്ല​ന്നും ഓ​ഡി​റ്റ് റി​പ്പോ​ർ​ട്ടി​ൽ പ​റ​യു​ന്നു. ഇ​ത് അ​ധി​കൃ​ത​രു​ടെ ഭാ​ഗ​ത്ത് നി​ന്നു​ണ്ടാ​യ ഗു​രു​ത​ര വീ​ഴ്ച​യാ​ണ്. ചെ​ക്ക് വ​ഴി ല​ഭി​ക്കേ​ണ്ട പ​ണം എ​ങ്ങ​നെ ചി​ല​വ​ഴി​ച്ചു​വെ​ന്ന് ന​ഗ​ര​സ​ഭ കൗ​ൺ​സി​ൽ ന​ട​പ​ടി സ്വീ​ക​രി​ക്ക​ണ​മെ​ന്നും റി​പ്പോ​ർ​ട്ടി​ൽ പ​റ​യു​ന്നു.