ഏഴുവയസ്സുകാരിയെ തട്ടിക്കൊണ്ടുപോയി പീഡിപ്പിക്കാൻ ശ്രമം; പ്രതി അറസ്റ്റിൽ

കൊ​ച്ചി: അ​ന്ത​ർ​സം​സ്ഥാ​ന തൊ​ഴി​ലാ​ളി ദ​മ്പ​തി​ക​ളു​ടെ ഏ​ഴു വ​യ​സ്സു​കാ​രി​യാ​യ മ​ക​ളെ മാ​താ​പി​താ​ക്ക​ൾ പു​റ​ത്ത് പോ​യ​സ​മ​യം വീ​ട്ടി​ൽ നി​ന്ന്​ ത​ട്ടി​ക്കൊ​ണ്ടു​പോ​യി മാ​ന​ഭം​ഗ​പ്പെ​ടു​ത്താ​ൻ ശ്ര​മി​ച്ച കേ​സി​ൽ പ്ര​തി അ​റ​സ്റ്റി​ൽ.

ക​ട​വ​ന്ത്ര പാ​ലാ​ത്തു​രു​ത്ത് വീ​ട്ടി​ൽ പ്ര​വീ​ണി​നെ ആ​ണ്​ ക​ട​വ​ന്ത്ര പൊ​ലീ​സ് അ​റ​സ്റ്റ് ചെ​യ്ത​ത്. ക​ഴി​ഞ്ഞ ഞാ​യ​റാ​ഴ്ച വൈ​കീ​ട്ട്​ 6.30ന് ​നാ​ണ്​ സം​ഭ​വം.

വീ​ട്ടു​മു​റ്റ​ത്ത് ഇ​രി​ക്കു​ക​യാ​യി​രു​ന്ന കു​ട്ടി​യെ പ്ര​തി വാ​യ​പൊ​ത്തി​പ്പി​ടി​ച്ച് ബ​ലം പ്ര​യോ​ഗി​ച്ച് വീ​ടി​നു പി​ന്നി​ലു​ള്ള ബാ​ത്റൂ​മി​ൽ കൊ​ണ്ടു​പോ​യി പീ​ഡി​പ്പി​ക്കാ​ൻ ശ്ര​മി​ക്ക​വെ കു​ട്ടി​യു​ടെ ക​ര​ച്ചി​ൽ കേ​ട്ടെ​ത്തി​യ സ​മീ​പ​വാ​സി​ക​ൾ കു​ട്ടി​യെ പ്ര​തി​യി​ൽ​നി​ന്ന്​ മോ​ചി​പ്പി​ക്കു​ക​യാ​യി​രു​ന്നു. പ്ര​തി​ക്കെ​തി​രെ പോ​ക്സോ നി​യ​മ​പ്ര​കാ​രം കേ​സെ​ടു​ത്തു.

പ്ര​വീ​ൺ കൊ​ച്ചി സി​റ്റി​യി​ലെ നി​ര​വ​ധി പി​ടി​ച്ചു​പ​റി കേ​സു​ക​ളി​ലും മ​യ​ക്കു​മ​രു​ന്ന് കേ​സു​ക​ളി​ലും പ്ര​തി​യാ​ണ്. ക​ട​വ​ന്ത്ര പൊ​ലീ​സ് സ്റ്റേ​ഷ​ൻ ഇ​ൻ​സ്പെ​ക്ട​ർ പി.​എം. ര​തീ​ഷി​ന്‍റെ നേ​തൃ​ത്ത്വ​ത്തി​ൽ സ​ബ് ഇ​ൻ​സ്പെ​ക്ട​ർ​മാ​രാ​യ കെ. ​ഷാ​ഹി​ന, ബി. ​ദി​നേ​ശ്, പൊ​ലീ​സ് ഓ​ഫി​സ​ർ​മാ​രാ​യ ടോ​ബി​ൻ, പ്ര​വീ​ൺ, സു​ധീ​ഷ് എ​ന്നി​വ​രാ​ണ് അ​ന്വേ​ഷ​ണ സം​ഘ​ത്തി​ലു​ണ്ടാ​യ​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു.