വോട്ടുറപ്പിക്കാൻ നെട്ടോട്ടം; പ്ര​ചാ​ര​ണ​ത്തി​ന് തി​ര​ശ്ശീ​ല വീ​ഴാ​ൻ മൂ​ന്നു​ദി​നം മാ​ത്രം ശേ​ഷി​ക്കേ വോ​ട്ടു​റ​പ്പി​ക്കാ​നു​ള്ള ത​ന്ത്രം പ​യ​റ്റു​ക​യാ​ണ് മു​ന്ന​ണി​ക​ൾ

കൊ​ച്ചി: ലോ​ക്സ​ഭ തെ​ര​ഞ്ഞെ​ടു​പ്പി​ന് മു​ന്നേ​യു​ള്ള അ​വ​സാ​ന ഞാ​യ​റാ​ഴ്ച വോ​ട്ടു​റ​പ്പി​ക്കാ​നു​ള്ള നെ​ട്ടോ​ട്ട​ത്തി​ലാ​യി​രു​ന്നു മു​ന്ന​ണി​ക​ളും സ്ഥാ​നാ​ർ​ഥി​ക​ളും. അ​വ​ധി ദി​ന​മാ​യ​തി​നാ​ൽ പ​ര​മാ​വ​ധി വോ​ട്ട​ർ​മാ​രെ നേ​രി​ൽ കാ​ണാ​മെ​ന്നു​ള്ള അ​നു​കൂ​ല സാ​ഹ​ച​ര്യം മു​ത​ലാ​ക്കി ഭ​വ​ന സ​ന്ദ​ർ​ശ​ന​ത്തി​നാ​ണ് മു​ന്ന​ണി​ക​ൾ പ്രാ​ധാ​ന്യം ന​ൽ​കി​യ​ത്.

ബൂ​ത്ത് ത​ലം മു​ത​ൽ സ്ഥാ​നാ​ർ​ഥി​ക​ളു​ടെ​യും മു​ന്ന​ണി​ക​ളു​ടെ​യും പ്ര​സ്താ​വ​ന​ക​ളും സ്ലി​പ്പു​ക​ളു​മാ​യി പ്ര​വ​ർ​ത്ത​ക​ർ കൂ​ട്ട​മാ​യാ​ണ് ഭ​വ​ന​സ​ന്ദ​ർ​ശ​നം ന​ട​ത്തി​യ​ത്. കൊ​ടും​ചൂ​ടാ​യ​തി​നാ​ൽ പു​ല​ർ​ച്ച ആ​രം​ഭി​ച്ച ഗൃ​ഹ​സ​ന്ദ​ർ​ശ​നം 11ഓ​ടെ അ​വ​സാ​നി​പ്പി​ച്ചു. തു​ട​ർ​ന്ന് വെ​യി​ലി​ന് ശ​ക്തി​കു​റ​ഞ്ഞ ശേ​ഷം വൈ​കീ​ട്ടും ഭ​വ​ന​സ​ന്ദ​ർ​ശ​ന തി​ര​ക്കി​ലാ​യി​രു​ന്നു പ്ര​വ​ർ​ത്ത​ക​ർ. നാ​ല് ലോ​ക്സ​ഭ മ​ണ്ഡ​ല​ങ്ങ​ൾ ക​ട​ന്ന് പോ​കു​ന്ന ജി​ല്ല​യെ​ന്ന നി​ല‍യി​ൽ സം​സ്ഥാ​ന​ത്ത് ത​ന്നെ ശ്ര​ദ്ധേ​യ​മാ​ണ് എ​റ​ണാ​കു​ളം.

എ​റ​ണാ​കു​ളം ലോ​ക്സ​ഭ മ​ണ്ഡ​ലം പൂ​ർ​ണ​മാ​യും ചാ​ല​ക്കു​ടി ലോ​ക്സ​ഭ മ​ണ്ഡ​ല​ത്തി​ലെ നാ​ല് മ​ണ്ഡ​ല​വും ഇ​ടു​ക്കി​യി​ലെ ര​ണ്ട് മ​ണ്ഡ​ല​വും കോ​ട്ട​യ​ത്തെ ഒ​രു മ​ണ്ഡ​ല​വും സ്ഥി​തി ചെ​യ്യു​ന്ന​ത് ജി​ല്ല​യി​ലാ​ണ്. അ​തു​കൊ​ണ്ട് ത​ന്നെ നാ​ല് മ​ണ്ഡ​ല​ത്തി​ലെ​യും തെ​ര​ഞ്ഞെ​ടു​പ്പ് ചൂ​ടി​ന് സാ​ക്ഷി​യാ​കു​ക​യാ​ണ് ജി​ല്ല. വോ​ട്ടെ​ടു​പ്പി​ന് മു​ന്നേ​യു​ള്ള അ​വ​സാ​ന ഞാ​യ​റാ​യ​തി​നാ​ൽ പൊ​തു​പ​ര്യ​ട​ന​ത്തോ​ടൊ​പ്പം വി​വാ​ഹ​ച​ട​ങ്ങു​ക​ളി​ലും ആ​രാ​ധ​നാ​ല​യ​ങ്ങ​ളി​ലും എ​ത്താ​നും സ്ഥാ​ന​ർ​ഥി​ക​ൾ​ക്ക് സ​മ‍യം ക​ണ്ടെ​ത്തേ​ണ്ടി വ​ന്നു.

എ​റ​ണാ​കു​ള​ത്തെ ഇ​ട​ത് സ്ഥാ​നാ​ർ​ഥി കെ.​ജെ. ഷൈ​ൻ പൊ​തു​പ​ര്യ​ട​ന​ത്തി​നി​ടെ വി​ട്ടു​പോ​യ ക​ള​മ​ശ്ശേ​രി മ​ണ്ഡ​ല​ത്തി​ലെ വി​വി​ധ പ്ര​ദേ​ശ​ങ്ങ​ളി​ലാ​ണ് പ​ര്യ​ട​നം ന​ട​ത്തി​യ​ത്.

യു.​ഡി.​എ​ഫ് സ്ഥാ​നാ​ർ​ഥി ഹൈ​ബി ഈ​ഡ​ൻ പ​റ​വൂ​രി​ലും ബി.​ജെ.​പി സ്ഥാ​നാ​ർ​ഥി കെ.​എ​സ്. രാ​ധാ​കൃ​ഷ്ണ​ൻ എ​റ​ണാ​കു​ളം മ​ണ്ഡ​ല​ത്തി​ലും പ​ര്യ​ട​നം ന​ട​ത്തി. ചാ​ല​ക്കു​ടി​യി​ലെ യു.​ഡി.​എ​ഫ് സ്ഥാ​നാ​ർ​ഥി ബെ​ന്നി ബ​ഹ​നാ​ൻ ആ​ലു​വ​യി​ലാ​യി​രു​ന്നു പ​ര്യ​ട​നം. ഇ​ട​ത് സ്ഥാ​നാ​ർ​ഥി പ്ര​ഫ. സി. ​ര​വീ​ന്ദ്ര​നാ​ഥാ​ക​ട്ടെ ക​യ്പ​മം​ഗ​ല​ത്താ​യി​രു​ന്നു പ​ര്യ​ട​നം.

ര​ണ്ട് മ​ണ്ഡ​ല​ത്തി​ലും സ​ജീ​വ സാ​ന്നി​ധ്യ​മാ​യ ട്വ​ന്‍റി20 സ്ഥാ​നാ​ർ​ഥി​ക​ളും ഞാ​യ​റാ​ഴ്ച​യും പ്ര​ചാ​ര​ണ രം​ഗ​ത്ത് സ​ജീ​വ​മാ​യി​രു​ന്നു. പ​ര​സ്യ പ്ര​ചാ​ര​ണ​ത്തി​ന് തി​ര​ശ്ശീ​ല വീ​ഴാ​ൻ മൂ​ന്നു​ദി​നം മാ​ത്രം ശേ​ഷി​ക്കേ വോ​ട്ടു​റ​പ്പി​ക്കാ​ൻ എ​ല്ലാ ത​ന്ത്ര​വും പ​യ​റ്റു​ക​യാ​ണ് മു​ന്ന​ണി​ക​ൾ. ഇ​ത് വ​രും ദി​വ​സ​ങ്ങ​ളി​ൽ തെ​ര​ഞ്ഞെ​ടു​പ്പ് രം​ഗ​ത്ത് കൂ​ടു​ത​ൽ വീ​റും​വാ​ശി​യു​മേ​കും.