ക്ഷേത്രത്തിൽനിന്ന് 10 പവൻ സ്വർണാഭരണവും 6000 രൂപയും കവർന്നു

പ​റ​വൂ​ർ: ഘ​ണ്ഠ​ക​ർ​ണ​ൻ വെ​ളി​യി​ലെ കൂ​ടം​കു​ളം വി​ഷ്ണു മ​ഹേ​ശ്വ​ര ക്ഷേ​ത്ര​ത്തി​ൽ വ​ൻ മോ​ഷ​ണം. 10 പ​വ​ൻ സ്വ​ർ​ണാ​ഭ​ര​ണ​വും 6000 രൂ​പ​യും ക​വ​ർ​ന്നു. ബു​ധ​നാ​ഴ്ച പു​ല​ർ​ച്ച ക്ഷേ​ത്ര​ത്തി​ലെ ജീ​വ​ന​ക്കാ​ര​നെ​ത്തി​യ​പ്പോ​ഴാ​ണ് സം​ഭ​വം അ​റി​ഞ്ഞ​ത്. ശ്രീ​കോ​വി​ലി​ന് പു​റ​ത്തു​ള്ള ക്ഷേ​ത്രം ഓ​ഫി​സി​ന്‍റെ വാ​തി​ൽ ത​ക​ർ​ത്ത് അ​ക​ത്തു​ക​യ​റി​യ മോ​ഷ്ടാ​വ് ഇ​വി​ടെ അ​ല​മാ​രി​യി​ൽ സൂ​ക്ഷി​ച്ച സ്വ​ർ​ണാ​ഭ​ര​ണ​ങ്ങ​ളാ​ണ്​ എ​ടു​ത്ത​ത്. ഓ​ഫി​സി​ന് സ​മീ​പ​മു​ള്ള മ​റ്റൊ​രു മു​റി​യി​ൽ താ​മ​സി​ച്ചി​രു​ന്ന ക്ഷേ​ത്ര​ത്തി​ലെ പൂ​ജാ​രി ര​വി നാ​രാ​യ​ണ​നെ വാ​തി​ൽ പു​റ​ത്തു​നി​ന്ന് താ​ഴി​ട്ട് പൂ​ട്ടി​യ​ശേ​ഷ​മാ​ണ് മോ​ഷ​ണം ന​ട​ത്തി​യ​ത്. തു​ട​ർ​ന്ന് ക്ഷേ​ത്ര​ത്തി​ന് പു​റ​ത്തെ കാ​ണി​ക്ക​വ​ഞ്ചി​ക​ൾ കു​ത്തി​പ്പൊ​ളി​ച്ചാ​ണ് 6000 രൂ​പ ക​വ​ർ​ന്ന​ത്. മോ​ഷ​ണം​ന​ട​ന്ന വി​വ​രം മ​ന​സ്സി​ലാ​ക്കി​യ ജീ​വ​ന​ക്കാ​ര​ൻ മ​റ്റു ക്ഷേ​ത്രം ഭാ​ര​വാ​ഹി​ക​ളെ വി​വ​രം അ​റി​യി​ച്ചു. അ​വ​രും നാ​ട്ടു​കാ​രും സ്ഥ​ല​ത്തെ​ത്തി​യാ​ണ് വാ​തി​ൽ പൂ​ട്ട് ത​ക​ർ​ത്ത് ര​വി നാ​രാ​യ​ണ​നെ പു​റ​ത്തി​റ​ക്കി​യ​ത്. വി​വ​ര​മ​റി​ഞ്ഞ് പ​റ​വൂ​ർ പൊ​ലീ​സ് സ്ഥ​ല​ത്തെ​ത്തി. വി​ശ​ദ പ​രി​ശോ​ധ​ന​ക്കാ​യി ഡോ​ഗ് സ്ക്വാ​ഡും വി​ര​ല​ട​യാ​ള വി​ദ​ഗ്​​ധ​രും ക്ഷേ​ത്ര​ത്തി​ലെ​ത്തി. ക്ഷേ​ത്രം ഭാ​ര​വാ​ഹി​ക​ളു​ടെ പ​രാ​തി​യെ തു​ട​ർ​ന്ന് പൊ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി.