Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightവ​ട്ടം ചു​റ്റു​ന്ന...

വ​ട്ടം ചു​റ്റു​ന്ന പൊ​തു​ഗ​താ​ഗ​തം

text_fields
bookmark_border
kochi Public transport
cancel

ഇ​ന്ധ​ന വി​ല​വ​ർ​ധ​ന, കോ​വി​ഡ് സൃ​ഷ്ടി​ച്ച പ്ര​തി​സ​ന്ധി തു​ട​ങ്ങി നി​ര​വ​ധി പ്ര​ശ്ന​ങ്ങ​ളിലാണ്​ പൊ​തു​ഗ​താ​ഗ​ത മേ​ഖ​ല​. സി​ൽ​വ​ർ​ലൈ​ന​ട​ക്കം പ്ര​ഖ്യാ​പി​ക്ക​പ്പെ​ടു​മ്പോ​ൾ ഇ​തി​ന​കം യാ​ഥാ​ർ​ഥ്യ​മാ​യ വ​മ്പ​ൻ പ​ദ്ധ​തി​ക​ളു​ടെ ലാ​ഭ-​ന​ഷ്ട​ക്ക​ണ​ക്കു​ക​ളും ച​ർ​ച്ച​യാ​കേ​ണ്ട​തു​ണ്ട്. ഇ​വ​യു​ടെ​യെ​ല്ലാം പ​രി​ണി​ത​ഫ​ലം പൊ​തു​ജ​ന​ത്തി​ന് മീ​തെ വീ​ഴു​ന്ന പ്ര​ഹ​ര​ങ്ങ​ളാ​കു​മ്പോ​ൾ കൃ​ത്യ​മാ​യ പ്ര​തി​വി​ധി​യാ​ണ് ആ​വ​ശ്യം. മേ​ഖ​ല​യു​ടെ വ​ള​ർ​ച്ച​ക്ക് ക​ണ്ടെ​ത്തി​യ പ​രി​ഹാ​ര​മാ​ർ​ഗ​ങ്ങ​ൾ എ​വി​ടെ​യെ​ത്തി നി​ൽ​ക്കു​ന്നു? പ്ര​തി​സ​ന്ധി​ക​ളു​ടെ ആ​ഴം വ​ർ​ധി​ക്കു​മ്പോ​ൾ മു​ന്നോ​ട്ടു പോ​കാ​നാ​കാ​തെ ബു​ദ്ധി​മു​ട്ടു​ന്ന പൊ​തു​ഗ​താ​ഗ​ത മേ​ഖ​ല​യെ​ക്കു​റി​ച്ച് 'മാ​ധ്യ​മം' ന​ട​ത്തു​ന്ന അ​ന്വേ​ഷ​ണം ഇ​ന്നു​മു​ത​ൽ...

കൊ​ച്ചി: ന​ഗ​ര​ത്തി​ലെ ഗ​താ​ഗ​ത സം​വി​ധാ​ന​ങ്ങ​ൾ​ക്ക് കാ​ലോ​ചി​ത മാ​റ്റം വ​രു​ത്താ​ൻ പ​ദ്ധ​തി​ക​ൾ ആ​വി​ഷ്ക​രി​ക്കു​ന്ന​തി​ന്​ രൂ​പം​കൊ​ടു​ത്ത കൊ​ച്ചി മെ​ട്രോ​പൊ​ളി​റ്റ​ൻ ട്രാ​ൻ​സ്പോ​ർ​ട്ട് അ​തോ​റി​റ്റി (കെ.​എം.​ടി.​എ) ഇ​പ്പോ​ഴും ഉ​റ​ക്ക​ത്തി​ൽ​നി​ന്ന് ഉ​ണ​ർ​ന്നി​ട്ടി​ല്ല. 2019 ന​വം​ബ​റി​ലാ​ണ്​ കെ.​എം.​ടി.​എ ബി​ൽ നി​യ​മ​സ​ഭ പാ​സാ​ക്കി​യ​ത്. ഇ​തി​ന്‍റെ ചു​വ​ടു​പി​ടി​ച്ച് 2020 ന​വം​ബ​റി​ൽ അ​തോ​റി​റ്റി പ്ര​വ​ർ​ത്ത​നം തു​ട​ങ്ങു​ക​യും ചെ​യ്തു. എ​റ​ണാ​കു​ള​ത്തെ ഗ​താ​ഗ​ത സം​വി​ധാ​ന​ങ്ങ​ളെ ഏ​കോ​പി​പ്പി​ച്ച് ഗ​താ​ഗ​ത പ്ര​ശ്ന​ങ്ങ​ൾ​ക്ക് പ​രി​ഹാ​രം കാ​ണു​ക, സ​മ​ഗ്ര ഗ​താ​ഗ​ത പ​ദ്ധ​തി ത​യാ​റാ​ക്കു​ക തു​ട​ങ്ങി​യ​വ​യാ​യി​രു​ന്നു കെ.​എം.​ടി.​എ​യി​ലൂ​ടെ ല​ക്ഷ്യ​മി​ട്ട​ത്. എ​ന്നാ​ൽ, ഒ​രു വ​ർ​ഷം പി​ന്നി​ട്ടി​ട്ടും ത​സ്തി​ക​ക​ൾ സൃ​ഷ്ടി​ക്കു​ക​യോ ജീ​വ​ന​ക്കാ​രെ നി​യ​മി​ക്കു​ക​യോ ചെ​യ്തി​ട്ടി​ല്ലെ​ന്ന് വി​വ​രാ​വ​കാ​ശ ചോ​ദ്യ​ത്തി​നു​ള്ള മ​റു​പ​ടി​യി​ൽ കെ.​എം.​ടി.​എ അ​ധി​കൃ​ത​ർ വ്യ​ക്ത​മാ​ക്കു​ന്നു. ഒ​രു പ​ഠ​ന റി​പ്പോ​ർ​ട്ടു​പോ​ലും ഇ​​തേ​വ​രെ ത​യാ​റാ​ക്കി സ​ർ​ക്കാ​റി​ന് സ​മ​ർ​പ്പി​ച്ചി​ട്ടി​ല്ല. അ​തോ​റി​റ്റി അ​തി​ന്‍റെ അ​ടി​സ്ഥാ​ന പ്ര​വ​ർ​ത്ത​ന​ങ്ങ​ൾ മാ​ത്ര​മാ​ണ് ചെ​യ്തു​വ​രു​ന്ന​തെ​ന്ന് അ​ധി​കൃ​ത​ർ ഇ​തി​ന് മ​റു​പ​ടി​യാ​യി വി​ശ​ദീ​ക​രി​ക്കു​ന്നു.

ഗ​താ​ഗ​ത മേ​ഖ​ല​യി​ലെ വി​ദ​ഗ്ധ​ർ ഉ​ൾ​പ്പെ​ടെ 20 പേ​രു​ടെ നി​യ​മ​നം ആ​വ​ശ്യ​പ്പെ​ട്ടെ​ങ്കി​ലും ന​ട​ന്നി​ല്ല. ഫ​ണ്ട് ല​ഭ്യ​ത​യും ജീ​വ​ന​ക്കാ​രു​ടെ കു​റ​വും ഇ​തി​ന് കാ​ര​ണ​മാ​ണ്. രൂ​പ​വ​ത്ക​ര​ണ​ത്തി​ന് ശേ​ഷം ആ​ദ്യ ബോ​ർ​ഡ് യോ​ഗം ചേ​ർ​ന്ന​ത് ഒ​രു​വ​ർ​ഷ​ത്തി​നു​ശേ​ഷം 2021 ജ​നു​വ​രി 22നാ​യി​രു​ന്നു. തു​ട​ർ​ന്ന് ജൂ​ൺ നാ​ലി​ന് ഒ​രു വി​ശ​ക​ല​ന യോ​ഗ​വും ന​ട​ന്നു. എ​റ​ണാ​കു​ളം റ​വ​ന്യൂ ട​വ​റി​ൽ 78,774 രൂ​പ മാ​സ​വാ​ട​ക​ക്ക് മു​റി​യെ​ടു​ത്ത​ത് ഒ​ഴി​ച്ചാ​ൽ ഒ​രു​വ​ർ​ഷ​ത്തോ​ളം കാ​ര്യ​മാ​യ പ്ര​വ​ർ​ത്ത​ന​ങ്ങ​ളും ഉ​ണ്ടാ​യി​ല്ല. 25 പേ​ർ​ക്ക് ഇ​രു​ന്നു​ജോ​ലി ചെ​യ്യാ​നു​ള്ള സൗ​ക​ര്യ​മു​ണ്ടാ​യി​രു​ന്നെ​ങ്കി​ലും ആ​വ​ശ്യ​ത്തി​ന് ജീ​വ​ന​ക്കാ​രെ നി​യ​മി​ച്ചി​ട്ടി​ല്ല.

കെ.​എം.​ടി.​എ​യു​ടെ ചെ​ല​വ് 13.86 ല​ക്ഷം

കാ​ര്യ​മാ​യ പ്ര​വ​ർ​ത്ത​ന​ങ്ങ​ളൊ​ന്നു​മി​ല്ലെ​ങ്കി​ലും കെ.​എം.​ടി.​എ​ക്ക് ഇ​തു​വ​രെ 13,86,256 രൂ​പ ചെ​ല​വ​ഴി​ച്ചു. ഓ​ഫി​സി​നും അ​നു​ബ​ന്ധ പ്ര​വ​ർ​ത്ത​ന​ങ്ങ​ൾ​ക്കു​മാ​യി 12,66,006 രൂ​പ​യും കൊ​ച്ചി ഓ​പ​ൺ മൊ​ബി​ലി​റ്റി നെ​റ്റ്​​വ​ർ​ക്കി​ന്‍റെ ഉ​ദ്ഘാ​ട​ന ചെ​ല​വി​ലേ​ക്ക് 1,20,250 രൂ​പ​യു​മാ​ണ് ചെ​ല​വാ​യ​ത്. നി​ല​വി​ൽ സ്ഥി​രം നി​യ​മ​ന​ങ്ങ​ളും ന​ട​ത്തി​യി​ട്ടി​ല്ല. അ​തോ​റി​റ്റി​യു​ടെ പ്രാ​രം​ഭ രൂ​പ​മാ​യി​രു​ന്ന യു​നി​ഫൈ​ഡ് എം.​ടി.​എ​യി​ൽ പ്ര​വ​ർ​ത്തി​ച്ചി​രു​ന്ന​വ​ർ ഇ​പ്പോ​ൾ താ​ൽ​ക്കാ​ലി​ക​മാ​യി ക​രാ​ർ വ്യ​വ​സ്ഥ​യി​ൽ ജോ​ലി ചെ​യ്യു​ന്നു​ണ്ട്.

ബു​ദ്ധി​മു​ട്ടു​ക​ൾ സ​ർ​ക്കാ​റി​ന് മു​ന്നി​ലെ​ത്ത​ണം

ന്യൂ​യോ​ർ​ക്, ല​ണ്ട​ൻ, ബോ​സ്റ്റ​ൺ, സിം​ഗ​പ്പൂ​ർ എ​ന്നി​വി​ട​ങ്ങ​ളി​ലെ മെ​ട്രോ​പൊ​ളി​റ്റ​ൻ ട്രാ​ൻ​സ്പോ​ർ​ട്ട് അ​തോ​റി​റ്റി​ക​ൾ മാ​തൃ​ക​യാ​ക്കി ആ​സൂ​ത്ര​ണം ന​ട​ത്താ​നാ​യി​രു​ന്നു അ​ധി​കൃ​ത​രു​ടെ തീ​രു​മാ​നം. ഇ​തി​ന് അ​നു​സൃ​ത​മാ​യി ബ​സു​ക​ളെ വി​വി​ധ ക​മ്പ​നി​ക​ളാ​യും ഓ​ട്ടോ​റി​ക്ഷ​ക​ളെ സൊ​സൈ​റ്റി​ക​ളാ​യും ഏ​കോ​പി​പ്പി​ക്കു​ന്ന ന​ട​പ​ടി​ക​ൾ സ്വീ​ക​രി​ച്ചു. കൊ​ച്ചി ന​ഗ​ര​ത്തി​ന് സു​സ്ഥി​ര ഗ​താ​ഗ​ത സം​വി​ധാ​നം ഒ​രു​ക്കു​ന്ന​തി​ന് കൊ​ച്ചി ഓ​പ​ൺ മൊ​ബി​ലി​റ്റി നെ​റ്റ് വ​ർ​ക്ക് എ​ന്ന ഡി​ജി​റ്റ​ൽ സാ​ങ്കേ​തി​ക വി​ദ്യ രൂ​പ​വ​ത്ക​രി​ക്കു​ക​യും ആ​ദ്യ​പ​ടി​യാ​യി ടാ​ക്സി സ​ർ​വി​സ് ഈ ​നെ​റ്റ്​​വ​ർ​ക്കി​ലേ​ക്ക് സം​യോ​ജി​പ്പി​ക്കു​ക​യും ചെ​യ്തി​ട്ടു​ണ്ട്.

തു​ട​ർ​ന്ന് മെ​ട്രോ റെ​യി​ൽ, വാ​ട്ട​ർ മെ​ട്രോ, ബ​സ് സ​ർ​വി​സ്, ഓ​ട്ടോ​റി​ക്ഷ സ​ർ​വി​സ് എ​ന്നി​വ​യും ഇ​തി​ലേ​ക്ക് ഏ​കോ​പി​പ്പി​ക്കാ​നു​ള്ള ന​ട​പ​ടി​ക​ളി​ലേ​ക്ക് ക​ട​ക്കു​മെ​ന്നാ​ണ് അ​റി​യി​ച്ചി​രു​ന്ന​ത്. ജീ​വ​ന​ക്കാ​രു​ടെ നി​യ​മ​നം ഉ​ൾ​പ്പെ​ടെ​യു​ള്ള കാ​ര്യ​ങ്ങ​ൾ​ക്ക് ധ​ന​കാ​ര്യ വ​കു​പ്പി​ന്‍റെ അ​നു​മ​തി വി​ല​ങ്ങു​ത​ടി​യാ​കു​ന്നു​വെ​ന്നാ​ണ് സൂ​ച​ന. ഇ​തി​നി​ടെ മെ​ട്രോ​പോ​ളി​റ്റ​ൻ ട്രാ​ൻ​സ്പോ​ർ​ട്ട് അ​തോ​റി​റ്റി​യു​ടെ ഒ​രു യോ​ഗം ക​ഴി​ഞ്ഞ ദി​വ​സം ചേ​ർ​ന്നി​രു​ന്നു. പ്ര​വ​ർ​ത്ത​ന​ത്തി​ലു​ള്ള ബു​ദ്ധി​മു​ട്ടു​ക​ൾ സ​ർ​ക്കാ​റി​ന് മു​ന്നി​ൽ അ​വ​ത​രി​പ്പി​ക്ക​ണ​മെ​ന്ന നി​ല​പാ​ടാ​ണ് അ​വി​ടെ ഉ‍യ​ർ​ന്ന​ത്. കെ.​എം.​ടി.​എ​യി​ൽ പ​ഠ​ന​ങ്ങ​ൾ ന​ട​ക്കു​ക​യാ​ണെ​ന്നും വ​രും​നാ​ളു​ക​ളി​ൽ പ്ര​സി​ദ്ധീ​ക​രി​ക്ക​പ്പെ​ടു​മെ​ന്നും സി.​ഇ.​ഒ എ​സ്. ഷാ​ന​വാ​സ് 'മാ​ധ്യ​മ'​ത്തോ​ട് പ​റ​ഞ്ഞു. കോ​വി​ഡ്, ജീ​വ​ന​ക്കാ​രു​ടെ കു​റ​വ് എ​ന്നി​വ കാ​ര​ണ​മാ​ണ് പ്ര​വ​ർ​ത്ത​ന​ങ്ങ​ൾ നീ​ണ്ടു​പോ​യ​ത്. ഏ​താ​നും ദി​വ​സ​ങ്ങ​ൾ​ക്ക് മു​മ്പ് യോ​ഗം ന​ട​ന്നി​രു​ന്നു. കൂ​ടു​ത​ൽ കാ​ര്യ​ങ്ങ​ൾ ച​ർ​ച്ച ചെ​യ്യാ​നു​ള്ള യോ​ഗം 31ന് ​ന​ട​ക്കും. ഫ​ണ്ട് ല​ഭ്യ​ത​യു​ടെ കാ​ര്യം ധ​ന​കാ​ര്യ വ​കു​പ്പി​ൽ അ​റി​യി​ച്ചി​ട്ടു​ണ്ട്.

ഇ​ട​പെ​ട​ണം, പൊ​തു​ഗ​താ​ഗ​ത​ത്തി​നാ​യി

സ്ഥി​തി ഇ​തേ​നി​ല​യി​ൽ തു​ട​ർ​ന്നാ​ൽ അ​ടു​ത്ത ര​ണ്ടു​വ​ർ​ഷ​ത്തി​നു​ള്ളി​ൽ സ്വ​കാ​ര്യ ബ​സ് മേ​ഖ​ല കൂ​ടു​ത​ൽ ത​ക​ർ​ച്ച​യി​ലേ​ക്ക് പോ​കാ​നി​ട​യു​ണ്ട്. നി​ല​വി​ലെ ബ​സു​ക​ളു​ടെ ശ​രാ​ശ​രി സ​ർ​വി​സ്​ കാ​ല​യ​ള​വ്​ 13 വ​ർ​ഷ​മാ​ണ്. വ്യ​വ​സാ​യം ന​ഷ്ട​ത്തി​ലാ​യ​തി​നാ​ൽ ര​ണ്ട് വ​ർ​ഷം ക​ഴി​യു​മ്പോ​ൾ ഇ​ത് സ്ക്രാ​പ് ചെ​യ്യ​പ്പെ​ടാ​നു​ള്ള സാ​ധ്യ​ത​യേ​റെ​യാ​ണ്. പു​തി​യ സം​രം​ഭ​ക​ർ ആ​രും മേ​ഖ​ല​യി​ലേ​ക്ക് ക​ട​ന്നു​വ​രു​ന്നു​മി​ല്ല. ഈ ​സാ​ഹ​ച​ര്യ​ത്തി​ൽ സം​യോ​ജി​ത ഗ​താ​ഗ​ത മാ​ർ​ഗ​ത്തി​ന്‍റെ ആ​വ​ശ്യ​ക​ത മ​ന​സ്സി​ലാ​ക്കി കൃ​ത്യ​മാ​യ ഇ​ട​പെ​ട​ലു​ണ്ടാ​ക​ണം. 'ബ​സ് ഓ​ൺ ഡി​മാ​ൻ​ഡ്' എ​റ​ണാ​കു​ളം ജി​ല്ല​യി​ൽ എ​ത്ര​ത്തോ​ളം പ്രാ​യോ​ഗി​ക​മാ​ണെ​ന്ന് പ​രി​ശോ​ധി​ച്ച് പ​ദ്ധ​തി​ക​ൾ ത​യാ​റാ​ക്ക​ണം. അ​തി​ന് അ​നു​സൃ​ത​മാ​യി റി​പ്പോ​ർ​ട്ടു​ക​ൾ സ​ർ​ക്കാ​റി​ന് സ​മ​ർ​പ്പി​ക്കു​ക​യും ന​ട​പ​ടി​ക​ൾ സ്വീ​ക​രി​ക്കാ​ൻ കെ.​എം.​ടി.​എ മു​ൻ​കൈ​യെ​ടു​ക്കു​ക​യും വേ​ണം.

കൊ​ച്ചി മെ​ട്രോ: പ്ര​വ​ർ​ത്ത​ന​ലാ​ഭ​മു​ണ്ടാ​യാ​ലും ന​ഷ്ടം തു​ട​രും

യാ​ത്ര​ക്കാ​രു​ടെ എ​ണ്ണം വ​ർ​ധി​ച്ചു​വ​രു​ന്ന​താ​യാ​ണ് അ​ധി​കൃ​ത​ർ ചൂ​ണ്ടി​ക്കാ​ട്ടു​ന്ന​ത്. വി​ദ്യാ​ർ​ഥി​ക​ൾ​ക്കു​ള്ള ക​ൺ​സ​ഷ​ന​ട​ക്കം നി​ര​വ​ധി പ​ദ്ധ​തി​ക​ൾ അ​വ​ത​രി​പ്പി​ക്കു​ക​യും ചെ​യ്തി​ട്ടു​ണ്ട്. എ​ന്നാ​ൽ, ന​ഷ്ട​ത്തി​ന്‍റെ ക​ണ​ക്കു​ക​ളും ഇ​തി​നൊ​പ്പം ശ്ര​ദ്ധി​ക്കേ​ണ്ട​താ​ണ്. യാ​ത്ര​ക്കാ​രു​ടെ എ​ണ്ണം വ​ർ​ധി​ച്ചെ​ന്ന് ചൂ​ണ്ടി​ക്കാ​ട്ടു​മ്പോ​ഴും ന​ഷ്ട​ക്ക​ണ​ക്ക്​ ത​ന്നെ​യാ​ണ് കൊ​ച്ചി മെ​ട്രോ​ക്ക് നി​ര​ത്താ​നു​ള്ള​ത്. ന​ഷ്ട​ത്തി​ന് കാ​ര​ണം യാ​ത്ര​ക്കാ​രു​ടെ കു​റ​വ് കാ​ര​ണ​മെ​ന്ന് പ​റ​യാ​ൻ സാ​ധ്യ​മ​ല്ലെ​ന്ന് സ​ർ​ക്കാ​ർ വി​ശ​ദീ​ക​രി​ക്കു​ന്നു.

കൊ​ച്ചി മെ​ട്രോ ഒ​രു തീ​വ്ര മൂ​ല​ധ​ന അ​ധി​ഷ്​​ഠി​ത പ​ദ്ധ​തി​യാ​യ​തി​നാ​ലും ഭീ​മ​മാ​യ തു​ക വാ​യ്പ തി​രി​ച്ച​ട​ക്കാ​ൻ വേ​ണ്ടി​വ​രു​ന്ന​തി​നാ​ലും പ്ര​വ​ർ​ത്ത​ന ലാ​ഭ​മു​ണ്ടാ​യാ​ൽ പോ​ലും ന​ഷ്ടം തു​ട​ർ​ന്നു​കൊ​ണ്ടേ​യി​രി​ക്കു​മെ​ന്ന് അ​ധി​കൃ​ത​ർ വി​ശ​ദീ​ക​രി​ക്കു​ന്നു. കേ​ന്ദ്രം അ​ന്തി​മാ​നു​മ​തി ന​ൽ​കാ​തെ അ​വ​ഗ​ണി​ക്കു​മ്പോ​ഴും കൊ​ച്ചി മെ​ട്രോ ര​ണ്ടാം ഘ​ട്ട പ്ര​വ​ർ​ത്ത​ന​ങ്ങ​ൾ പു​രോ​ഗ​മി​ക്കു​ക​യാ​ണ്. ക​ലൂ​ർ സ്റ്റേ​ഡി​യം മു​ത​ൽ ഇ​ൻ​ഫോ​പാ​ർ​ക്ക് വ​രെ നീ​ളു​ന്ന പാ​ത​ക്ക് ആ​വ​ശ്യ​മാ​യ​തി​ന്‍റെ 40 ശ​ത​മാ​നം ഭൂ​മി ഏ​റ്റെ​ടു​ത്ത് പ്രാ​രം​ഭ നി​ർ​മാ​ണ പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ചി​ട്ടു​ണ്ട്. കി​ട്ടി​യ ഭൂ​മി​യി​ലെ 53 ശ​ത​മാ​ന​ത്തോ​ളം പ്രാ​രം​ഭ നി​ർ​മാ​ണ പ്ര​വ​ർ​ത്ത​ന​ങ്ങ​ൾ ചെ​യ്തു​ക​ഴി​ഞ്ഞ​താ​യി അ​ധി​കൃ​ത​ർ വ്യ​ക്ത​മാ​ക്കി.

റോ​ഡി​ന്‍റെ വീ​തി വ​ർ​ധി​പ്പി​ക്ക​ൽ, പൊ​ളി​ച്ചു​മാ​റ്റേ​ണ്ട കെ​ട്ടി​ട​ങ്ങ​ൾ നീ​ക്കം ചെ​യ്യ​ൽ ജോ​ലി​ക​ളാ​ണ് ന​ട​ക്കു​ന്ന​ത്. ഫ​ണ്ട് കി​ട്ടാ​ത്ത​തി​ന്‍റെ താ​മ​സം മൂ​ല​മാ​ണ് ബാ​ക്കി 60 ശ​ത​മാ​നം സ്ഥ​ലം ഏ​റ്റെ​ടു​ക്കു​ന്ന​ത് വൈ​കാ​ൻ കാ​ര​ണം. സ​ർ​ക്കാ​ർ ഫ​ണ്ട് റ​വ​ന്യൂ വ​കു​പ്പി​ന് ന​ൽ​കി സ്ഥ​ല​മേ​റ്റെ​ടു​ക്കു​ക​യും തു​ട​ർ​ന്ന് കൊ​ച്ചി മെ​ട്രോ റെ​യി​ൽ ലി​മി​റ്റ​ഡി​ന് ന​ൽ​കു​ക​യു​മാ​ണ് ചെ​യ്യു​ന്ന​ത്. ഇ​തു​വ​രെ ല​ഭി​ച്ച 135 കോ​ടി രൂ​പ ഉ​പ​യോ​ഗി​ച്ചാ​ണ് സ്ഥ​ല​മേ​റ്റെ​ടു​ത്ത​ത്. 100 കോ​ടി കൂ​ടി ഇ​നി​യും ല​ഭി​ക്കേ​ണ്ട​തു​ണ്ട്. 11.2 കി​ലോ​മീ​റ്റ​റി​ൽ 11 സ്റ്റേ​ഷ​നു​ക​ളാ​യി​രി​ക്കും മെ​ട്രോ ര​ണ്ടാം​ഘ​ട്ട പാ​ത​യി​ലു​ണ്ടാ​കു​ക. പേ​ട്ട മു​ത​ൽ എ​സ്.​എ​ൻ ജ​ങ്ഷ​ൻ വ​രെ​യു​ള്ള പ്ര​വൃ​ത്തി​ക​ൾ അ​വ​സാ​ന​ഘ​ട്ട​ത്തി​ലാ​ണ്. അ​തേ​സ​മ​യം സു​ര​ക്ഷ​ക്ക് ഏ​റെ പ്രാ​ധാ​ന്യം ന​ൽ​കു​ന്ന കൊ​ച്ചി മെ​ട്രോ​യു​ടെ പ​ത്ത​ടി​പ്പാ​ല​ത്തെ 347ാം ന​മ്പ​ർ തൂ​ണി​ന് ച​രി​വ് സം​ഭ​വി​ച്ച​ത് തി​രി​ച്ച​ടി​യാ​ണ്.

കൊ​ച്ചി മെ​ട്രോ​യു​ടെ വ​രു​മാ​നം

സാ​മ്പ​ത്തി​ക വ​ർ​ഷം, ടി​ക്ക​റ്റ് വ​രു​മാ​നം, ടി​ക്ക​റ്റി​ത​ര വ​രു​മാ​നം, ആ​കെ (തു​ക കോ​ടിയി​ൽ)

2017-18 32.17 12.49 44.66

2018-19 41.04 39.05 80.09

2019-20 56.77 37.26 94.03

2020-21 12.90 27.05 39.95

പ്ര​തി​വ​ർ​ഷ ന​ഷ്ടം

2017-18 167.34

2018-19 281.23

2019-20 310.02

2020-21 334.31

(തു​ട​രും)

(നാ​ളെ- നി​ര​ത്തൊ​ഴി​യു​ന്ന സ്വ​കാ​ര്യ ബ​സു​ക​ൾ; താ​ളം തെ​റ്റു​ന്ന ജ​ന​ജീ​വി​തം)

Show Full Article
TAGS:Public transport 
News Summary - Kochi Public transport Issues
Next Story