കോർപറേഷൻ കൗൺസിൽ; അഴിമതി ആക്ഷേപവുമായി പ്രതിപക്ഷം, പഴയ കഥ പറയിപ്പിക്കരുതെന്ന് മേയർ

കൊ​ച്ചി: വ്യാ​ഴാ​ഴ്ച ര​ണ്ട്‌ കോ​ർ​പ​റേ​ഷ​ൻ ജീ​വ​ന​ക്കാ​രെ വി​ജി​ല​ൻ​സ്‌ അ​റ​സ്‌​റ്റ്‌ ചെ​യ്ത​തി​ന് പി​ന്നാ​ലെ ചേ​ർ​ന്ന കോ​ർ​പ​റേ​ഷ​ൻ കൗ​ൺ​സി​ൽ യോ​ഗ​ത്തി​ൽ ഭ​ര​ണ​സ​മി​തി​ക്കെ​തി​രെ അ​ഴി​മ​തി ആ​ക്ഷേ​പം ഉ​ന്ന​യി​ച്ച് പ്ര​തി​പ​ക്ഷ കൗ​ൺ​സി​ല​ർ​മാ​ർ. അ​ടി​സ്ഥാ​ന​ര​ഹി​ത​മാ​യ ആ​ക്ഷേ​പ​ങ്ങ​ൾ ഉ​ന്ന​യി​ച്ചാ​ൽ പ​ഴ​യ കാ​ര്യ​ങ്ങ​ൾ പ​റ​യേ​ണ്ടി​വ​രു​മെ​ന്ന്‌ മേ​യ​ർ എം. ​അ​നി​ൽ​കു​മാ​റി​ന്റെ മ​റു​പ​ടി.

ഉ​ദ്യോ​ഗ​സ്ഥ​ർ​ക്ക്‌ റേ​റ്റ്‌ നി​ശ്ച​യി​ച്ച് പ​ണം പി​രി​ച്ച​തും വീ​തം​വെ​ച്ചെ​ടു​ത്ത​തും ആ​രാ​ണെ​ന്നും ആ​രു​ടെ കാ​ല​ത്താ​ണെ​ന്നും മേ​യ​ർ ചോ​ദി​ച്ചു. അ​ഴി​മ​തി​ക്കാ​രെ വെ​ച്ചു​പൊ​റു​പ്പി​ക്കി​ല്ലെ​ന്നും ശ​ക്ത​മാ​യ ന​ട​പ​ടി​ക​ളു​ണ്ടാ​കു​മെ​ന്നും മേ​യ​ർ പ​റ​ഞ്ഞു. അ​ത്ത​ര​ക്കാ​രെ വി​ജി​ല​ൻ​സ്‌ പി​ടി​കൂ​ടി നി​യ​മ​ത്തി​ന്‌ മു​ന്നി​ൽ എ​ത്തി​ക്ക​ണം. വൈ​റ്റി​ല സോ​ണ​ലി​ലെ ഉ​ദ്യോ​ഗ​സ്ഥ​നെ​തി​രെ ക‍ൗ​ൺ​സി​ലി​ൽ ഉ​യ​ർ​ന്ന പ​രാ​തി​യി​ൽ അ​ന്വേ​ഷ​ണം ന​ട​ത്തു​ന്ന​തി​ന്‌ വി​ജി​ല​ൻ​സ്‌ ഡ​യ​റ​ക്ട​ർ​ക്ക്‌ ക​ത്ത്‌ ന​ൽ​കും.

വി​ക​സ​ന​ത്തി​ന്റെ കാ​ര്യ​ത്തി​ൽ യു.​ഡി.​എ​ഫി​ന്‌ ഇ​ര​ട്ട​ത്താ​പ്പാ​ണെ​ന്നും മേ​യ​ർ എം. ​അ​നി​ൽ​കു​മാ​ർ ചൂ​ണ്ടി​ക്കാ​ട്ടി. എ​ൽ.​ഡി.​എ​ഫ്‌ കാ​ല​യ​ള​വി​ൽ വി​ക​സ​നം മു​ട​ക്കു​ക​യും യു.​ഡി.​എ​ഫ്‌ അ​ധി​കാ​ര​ത്തി​ൽ എ​ത്തി​യാ​ൽ അ​തു​മാ​യി മു​ന്നോ​ട്ടു​പോ​വു​ക​യും ചെ​യ്യു​ന്ന നി​ല​പാ​ടാ​ണ്‌. ഇ​ത്‌ ശ​രി​യ​ല്ല. വി​ക​സ​നം മു​ട​ക്കു​ന്ന സ​മീ​പ​ന​മ​ല്ല എ​ൽ.​ഡി.​എ​ഫി​ന്‍റേ​ത്‌. പു​തി​യ ആ​സ്ഥാ​ന മ​ന്ദി​ര​നി​ർ​മാ​ണ​ത്തി​ന്റെ ചെ​ല​വ്‌ ഉ​യ​ർ​ന്ന​ത്‌ ആ​വ​ശ്യ​ക​ത​ക്ക്‌ അ​നു​സ​രി​ച്ച്‌ പു​തി​യ കാ​ര്യ​ങ്ങ​ൾ ഉ​ൾ​പ്പെ​ടു​ത്തി​യ​തു​കൊ​ണ്ടാ​ണ്‌. നേ​ര​ത്തേ എ​ൽ.​ഡി.​എ​ഫ്‌ ഭ​ര​ണ​സ​മി​തി​യു​ണ്ടാ​യ​പ്പോ​ൾ മ​ന്ദി​ര നി​ർ​മാ​ണ​ത്തി​ലെ പ്ര​യാ​സം നീ​ക്കാ​ൻ വി​പ​ണി​നി​ര​ക്ക്‌ അ​ടി​സ്ഥാ​ന​മാ​ക്കി പ്ര​വൃ​ത്തി ന​ട​ത്താ​ൻ നി​ർ​ദേ​ശം​വെ​ച്ചു.

എ​ന്നാ​ൽ, അ​ന്ന​തി​നെ അ​ഴി​മ​തി​യെ​ന്ന്‌ ആ​ക്ഷേ​പി​ച്ച്‌ യു.​ഡി.​എ​ഫ്‌ എ​തി​ർ​ക്കു​ക​യാ​ണ്‌ ചെ​യ്‌​ത​ത്‌. എ​ന്നാ​ൽ, യു.​ഡി.​എ​ഫ്‌ അ​ധി​കാ​ര​ത്തി​ൽ എ​ത്തി​യ​പ്പോ​ൾ ആ ​നി​ർ​ദേ​ശം ന​ട​പ്പാ​ക്കു​ക​യാ​യി​രു​ന്നു. അ​ന്ന്‌ നൂ​റ്‌ ശ​ത​ത​മാ​ന​ത്തി​ൽ അ​ധി​കം എ​സ്‌​റ്റി​മേ​റ്റ്‌ അ​ധി​ക​രി​ച്ചു. എ​ന്നി​ട്ടും യു.​ഡി.​എ​ഫി​ന്‌ മ​ന്ദി​ര​നി​ർ​മാ​ണം പൂ​ർ​ത്തി​യാ​ക്കാ​നാ​യി​ല്ല -മേ​യ​ർ പ​റ​ഞ്ഞു.

കൊ​ച്ചി കൈ​ക്കൂ​ലി കോ​ർ​പ​റേ​ഷ​നാ​യി മാ​റു​ന്നു -പ്ര​തി​പ​ക്ഷം

കൊ​ച്ചി: കൊ​ച്ചി കോ​ർ​പ​റേ​ഷ​നി​ൽ എ​ന്തെ​ങ്കി​ലും ന​ട​ക്ക​ണ​മെ​ങ്കി​ൽ ഉ​ദ്യോ​ഗ​സ്ഥ​ർ​ക്ക് കൈ​ക്കൂ​ലി ന​ൽ​കേ​ണ്ട സാ​ഹ​ച​ര്യ​മാ​ണെ​ന്ന് പ്ര​തി​പ​ക്ഷ ക​ക്ഷി നേ​താ​വ് അ​ഡ്വ. ആ​ന്റ​ണി കു​രീ​ത്ത​റ, പാ​ർ​ല​മെ​ന്റ​റി പാ​ർ​ട്ടി സെ​ക്ര​ട്ട​റി എം.​ജി. അ​രി​സ്റ്റോ​ട്ടി​ൽ എ​ന്നി​വ​ർ ആ​രോ​പി​ച്ചു. ഒ​രു​മാ​സം ആ​റു​പേ​രെ വി​ജി​ല​ൻ​സ് പി​ടി​ച്ചി​ട്ടും ഉ​ദ്യോ​ഗ​സ്ഥ​രെ നി​യ​ന്ത്രി​ക്കാ​ൻ മേ​യ​ർ ഒ​രു​ന​ട​പ​ടി​യും സ്വീ​ക​രി​ക്കു​ന്നി​ല്ല. കെ ​സ്മാ​ർ​ട്ട് സം​വി​ധാ​ന​ത്തി​ൽ ന​ഗ​ര​സ​ഭ പ്ര​വ​ർ​ത്തി​ക്കു​ന്ന​തു​കൊ​ണ്ട് അ​ഴി​മ​തി​ര​ഹി​ത​മാ​യാ​ണ് പ്ര​വ​ർ​ത്ത​നം ന​ട​ക്കു​ന്ന​തെ​ന്നു​മു​ള്ള മേ​യ​റു​ടെ വാ​ദ​ങ്ങ​ൾ ഇ​വി​ടെ പൊ​ളി​യു​ക​യാ​ണ്. ഭ​ര​ണ​സ​മി​തി​യു​ടെ അ​റി​വോ​ടെ​യാ​ണ് ഉ​ദ്യോ​ഗ​സ്ഥ​ർ കൈ​ക്കൂ​ലി വാ​ങ്ങു​ന്ന​തെ​ന്നും ഇ​രു​വ​രും ചൂ​ണ്ടി​ക്കാ​ട്ടി.