കിഴക്കമ്പലത്ത് രാഷ്​ട്രീയ നീക്കങ്ങൾ സജീവം

കിഴക്കമ്പലം: കോവിഡിനെത്തുടര്‍ന്ന് തെര​െഞ്ഞടുപ്പ് മാറ്റിവെക്കുമെന്ന ആശങ്കക്കിടയിലും കിഴക്കമ്പലത്ത് രാഷ്​ട്രീയചര്‍ച്ച സജീവം. ട്വൻറി 20യാണ് പഞ്ചായത്ത് ഭരിക്കുന്നത്.

ട്വൻറി 20 പഞ്ചായത്ത് ഭരണനേട്ടങ്ങള്‍ വിവരിക്കുമ്പോള്‍ പ്രതിപക്ഷപാര്‍ട്ടികള്‍ അതിനെ ശക്തമായി നിഷേധിക്കുകയാണ്. കിഴക്കമ്പലം വികസനത്തി​െൻറ കാര്യത്തില്‍ വളരെ പിന്നിലാ​െണന്നാണ് കോണ്‍ഗ്രസ് ഉള്‍പ്പെടെയുള്ള പാര്‍ട്ടികള്‍ ഉന്നയിക്കുന്നത്. ജില്ലയില്‍തന്നെ 60ാം സ്ഥാനത്താണ് കിഴക്കമ്പലം പഞ്ചായത്ത്. കമ്പനിക്ക് ഗുണം ലഭിക്കുന്ന റോഡുകള്‍ മാത്രമാണ് ടാർ ചെയ്യുന്നതെന്ന ആരോപണവും അവര്‍ ഉന്നയിക്കുന്നുണ്ട്. കൂടാതെ വോട്ടേഴ്‌സ്​ ലിസ്​റ്റില്‍ അനധികൃതമായി പേരുചേര്‍ക്കുകയാണെന്ന്​ ആരോപിച്ച്​ കോണ്‍ഗ്രസ് കലക്ടര്‍ക്ക്​ പരാതിയും നല്‍കിയിട്ടുണ്ട്.

പരിഹാരമായി​െല്ലങ്കില്‍ കോടതിയെ സമീപിച്ചേക്കും. സംവരണ മണ്ഡലങ്ങള്‍ തീര​ുമാനമായാല്‍ സമാനമനസ്‌കരുമായി ചേര്‍ന്ന് പൊതുസ്ഥാനാർഥികളെ നിര്‍ത്തിയും മറ്റുസ്ഥലങ്ങളില്‍ സ്വാധീനമുള്ളവരെ കണ്ടെത്തിയും രംഗത്തിറക്കാനാണ് കോണ്‍ഗ്രസ് നീക്കം.

എന്നാല്‍, നേരത്തേതന്നെ സ്ഥാനാർഥികളെ പ്രഖ്യാപിച്ച് പ്രചാരണം ആരംഭിച്ചിരിക്കുകയാണ് ട്വൻറി 20.

റോഡുകള്‍ അധികവും രാഷ്​ട്രീയ പാര്‍ട്ടികളുെട ഇടപെടലുകള്‍മൂലം നന്നാക്കാന്‍ കഴിയുന്നി​െല്ലന്നാണ്​ ട്വൻറി 20യുടെ വാദം. കിഴക്കമ്പലത്തിനുപുറമെ ഐക്കരനാട്, മഴുവന്നൂര്‍, കുന്നത്തുനാട് പഞ്ചായത്തുകളില്‍ മത്സരിക്കാനും ട്വൻറി 20 നീക്കം നടത്തുന്നുണ്ട്.