കേരളത്തിലേക്ക് രാസലഹരി എത്തിക്കുന്ന പ്രധാനകണ്ണി പിടിയിൽ

കി​ഴ​ക്ക​മ്പ​ലം: കേ​ര​ള​ത്തി​ലേ​ക്ക് രാ​സ​ല​ഹ​രി എ​ത്തി​ക്കു​ന്ന മു​ഖ്യ ക​ണ്ണി​യെ ബം​ഗ​ളൂ​രു​വി​ൽ നി​ന്ന് ത​ടി​യി​ട്ട​പ​റ​മ്പ് പൊ​ലീ​സ് സാ​ഹ​സി​ക​മാ​യി പി​ടി​കൂ​ടി. തൃ​ക്കാ​ക്ക​ര പൈ​പ്പ് ലൈ​ൻ റോ​ഡി​ൽ വ​ട​ക്ക​പ്പ​റ​മ്പി​ൽ ഹ​സ​നു​ൽ ബ​ന്ന (24) ആ​ണ് പി​ടി​യി​ലാ​യ​ത്. ഇ​യാ​ൾ ഒ​ളി​ച്ചു താ​മ​സി​ച്ചി​രു​ന്ന ഫ്ലാ​റ്റി​ന് സ​മീ​പ​ത്ത് വ​ച്ചാ​ണ് പി​ടി​കൂ​ടി​യ​ത്. മൂ​ന്നു​മാ​സം മു​ൻ​പ് വാ​ഴ​ക്കു​ളം സ്വ​ദേ​ശി മു​ഹ​മ്മ​ദ് അ​സ് ല​മി​നെ 46 ഗ്രാം ​എം.​ഡി.​എം.​എ​യു​മാ​യി ത​ടി​യി​ട്ട​പ​റ​മ്പ് പൊ​ലീ​സ് അ​റ​സ്റ്റ് ചെ​യ്തി​രു​ന്നു. ഇ​യാ​ൾ​ക്ക് രാ​സ​ല​ഹ​രി ല​ഭി​ക്കു​ന്ന ഉ​റ​വി​ടം തേ​ടി​യു​ള്ള അ​ന്വേ​ഷ​ണ​ത്തി​നി​ട​യി​ലാ​ണ് ഹ​സ​നു​ൽ ബ​ന്ന പി​ടി​യി​ലാ​കു​ന്ന​ത്.

ആ​ഫ്രി​ക്ക​ൻ സ്വ​ദേ​ശി​യി​ൽ നി​ന്ന് മൊ​ത്ത​മാ​യി വാ​ങ്ങു​ന്ന രാ​സ​ല​ഹ​രി ബം​ഗ​ളൂ​രു​വി​ൽ കൊ​ണ്ടു​വ​ന്ന് കേ​ര​ള​ത്തി​ലെ ആ​വ​ശ്യ​ക്കാ​ർ​ക്ക് എ​ത്തി​ച്ചു ന​ൽ​കു​ക​യാ​ണ് പ്ര​തി ചെ​യ്യു​ന്ന​ത്. ഏ​റ്റ​വും കു​റ​ഞ്ഞ അ​ള​വി​ൽ വ​രെ ല​ഹ​രി​വ​സ്തു​ക്ക​ൾ തൂ​ക്കി ന​ൽ​കു​ന്ന​തി​ന് ഉ​പ​യോ​ഗി​ക്കു​ന്ന വി​വി​ധ ത​രം യ​ന്ത്ര​ങ്ങ​ൾ ഇ​യാ​ളു​ടെ താ​മ​സ​സ്ഥ​ല​ത്തു നി​ന്നും പൊ​ലീ​സ് ക​ണ്ടെ​ടു​ത്തു.

പെ​രു​മ്പാ​വൂ​ർ എ.​എ​സ്.​പി ഹ​ർ​ദ്ദി​ക്ക് മീ​ണ​യു​ടെ നി​ർ​ദേ​ശാ​നു​സ​ര​ണം ത​ടി​യി​ട്ട​പ​റ​മ്പ് സി.​ഐ പി.​ജെ. കു​ര്യാ​ക്കോ​സ്, സി​വി​ൽ പൊ​ലീ​സ്​ ഓ​ഫി​സ​ർ​മാ​രാ​യ റോ​ബി​ൻ റോ​യ്, കെ.​വി​നോ​ദ്, കെ.​എ​സ്. അ​നൂ​പ്, സി.​ബി. ബെ​ന​സി​ർ എ​ന്നി​വ​ർ അ​ട​ങ്ങു​ന്ന സം​ഘ​മാ​ണ് പ്ര​തി​യെ ബം​ഗ​ളൂ​രു​വി​ലെ​ത്തി പി​ടി​കൂ​ടി​യ​ത്. കേ​ര​ള ര​ജി​സ്ട്രേ​ഷ​നു​ള്ള വാ​ഹ​നം ക​ണ്ട പ്ര​തി ഫ്ലാ​റ്റി​ൽ നി​ന്ന് ഇ​റ​ങ്ങി​ടാ​ക്സി​യി​ൽ ര​ക്ഷ​പ്പെ​ടാ​ൻ ശ്ര​മം ന​ട​ത്തി​യെ​ങ്കി​ലും പൊ​ലീ​സ് സാ​ഹ​സി​ക​മാ​യി പി​ടി​കൂ​ടു​ക​യാ​യി​രു​ന്നു.