രാസമാലിന്യം നിറഞ്ഞ കുഴിക്കണ്ടം തോട് അശാസ്ത്രീയമായി ശുചീകരിക്കുന്നതായി ആരോപിച്ച് പ്രവൃത്തി തടഞ്ഞു

ക​ള​മ​ശ്ശേ​രി: വ്യ​വ​സാ​യ ശാ​ല​ക​ളി​ൽ​നി​ന്നു​ള്ള മാ​ലി​ന്യം കെ​ട്ടി​ക്കി​ട​ക്കു​ന്ന തോ​ട് അ​ശാ​സ്ത്രീ​യ​മാ​യി ശു​ചീ​ക​രി​ക്കു​ന്ന​താ​യി ആ​രോ​പി​ച്ച് പ്ര​വൃ​ത്തി പ​രി​സ്ഥി​തി പ്ര​വ​ർ​ത്ത​ക​ർ ത​ട​ഞ്ഞു. ഏ​ലൂ​ർ ന​ഗ​ര​സ​ഭ​യു​ടെ ആ​വ​ശ്യ​പ്ര​കാ​രം ഇ​റി​ഗേ​ഷ​ൻ വ​കു​പ്പ് മാ​ലി​ന്യം നി​റ​ഞ്ഞ ഏ​ലൂ​രി​ലെ കു​ഴി​ക്ക​ണ്ടം തോ​ട് ആ​ഴം കൂ​ട്ടി ശു​ചീ​ക​രി​ക്കു​ന്ന പ്ര​വൃ​ത്തി​യാ​ണ് ത​ട​ഞ്ഞ​ത്.

അ​ടി​ത്ത​ട്ടി​ൽ കി​ട​ക്കു​ന്ന മാ​ലി​ന്യം നി​റ​ഞ്ഞ ച​ളി നീ​ക്കു​ന്ന​ത് ശാ​സ്ത്രീ​യ​മാ​യി​രി​ക്ക​ണ​മെ​ന്ന്​ ആ​വ​ശ്യ​പ്പെ​ട്ടാ​ണ് പ​രി​സ്ഥി​തി പ്ര​വ​ർ​ത്ത​ക​ർ പ്ര​വൃ​ത്തി ത​ട​ഞ്ഞ​ത്. കെ.​എ​സ്.​പി.​സി.​ബി​യും സി.​പി.​സി.​ബി​യും മു​ഖേ​ന കു​ഴി​ക്ക​ണ്ടം തോ​ട്ടി​ൽ ന​ട​ത്തി​യ പ​ഠ​ന​ത്തി​ൽ മാ​ലി​ന്യ മു​ക്ത​മാ​ക്കാ​ൻ പ​ദ്ധ​തി ത​യാ​റാ​ക്കി​യി​രു​ന്നു.

ഇ​തി​ന്‍റെ അ​ടി​സ്ഥാ​ന​ത്തി​ൽ നാ​ഷ​ന​ൽ ഗ്രീ​ൻ ട്രൈ​ബ്യൂ​ണ​ൽ തോ​ട് ശു​ചീ​ക​രി​ക്കാ​ൻ നി​ർ​ദേ​ശി​ച്ചി​രു​ന്നു. ശാ​സ്ത്രീ​യ​മാ​യി ശു​ചീ​ക​രി​ക്ക​ണ​മെ​ന്നാ​യി​രു​ന്നു 2019ലെ ​ഉ​ത്ത​ര​വി​ലെ നി​ർ​ദേ​ശം. എ​ന്നാ​ൽ, നാ​ളി​തു​വ​രെ പി.​സി.​ബി​യോ സ​ർ​ക്കാ​റോ, ശു​ചീ​ക​രി​ക്കാ​ൻ ത​യാ​റാ​യി​ല്ല. ഇ​തി​നി​ട​യി​ലാ​ണ് മ​ണ്ണു​മാ​ന്തി യ​ന്ത്രം ഉ​പ​യോ​ഗി​ച്ച് മാ​ലി​ന്യം കോ​രി​യെ​ടു​ത്ത് അ​ല​ക്ഷ്യ​മാ​യി പൊ​തു​നി​ര​ത്തി​ൽ നി​ക്ഷേ​പി​ച്ച​തെ​ന്നാ​ണ് പ​രി​സ്ഥി​തി പ്ര​വ​ർ​ത്ത​ക​ർ ആ​രോ​പി​ക്കു​ന്ന​ത്.

പ്ര​വൃ​ത്തി ത​ട​ഞ്ഞ​തോ​ടെ ന​ഗ​ര​സ​ഭ ചെ​യ​ർ​മാ​ൻ എ.​ഡി. സു​ജി​ൽ സ്ഥ​ല​ത്തെ​ത്തു​ക​യും ത​ട​ഞ്ഞ​വ​രു​മാ​യി വാ​ക്കേ​റ്റ​ത്തി​ലെ​ത്തി​യെ​ങ്കി​ലും പൊ​ലീ​സ് ഇ​ട​പ്പെ​ട്ട് രം​ഗം ശാ​ന്ത​മാ​ക്കി. തു​ട​ർ​ന്ന് പ്ര​വൃ​ത്തി നി​ർ​ത്തി വെ​ച്ചി​രി​ക്കു​ക​യാ​ണ്. തോ​ട്ടി​ൽ​നി​ന്നും കോ​രി​യ മാ​ലി​ന്യം അ​ല​ക്ഷ്യ​മാ​യി ത​ള്ളി​യി​ട​ത്തു​നി​ന്നും സാ​മ്പി​ൾ എ​ടു​ത്ത് പ​രി​ശോ​ധി​ക്ക​ണ​മെ​ന്നും കു​റ്റ​ക്കാ​ർ​ക്കെ​തി​രെ ന​ട​പ​ടി സ്വീ​ക​രി​ക്ക​ണ​മെ​ന്നും ആ​വ​ശ്യ​പ്പെ​ട്ട് ഏ​ലൂ​ർ സ്വ​ദേ​ശി മു​ഹ​മ്മ​ദ് ഇ​ഖ്ബാ​ൽ പി.​സി.​ബി എ​ൻ​വ​യ​ൺ​മെ​ന്‍റെ്​ എ​ൻ​ജി​നീ​യ​ർ​ക്ക് പ​രാ​തി ന​ൽ​കി.