ദേ​ശീ​യ​പാ​ത​യോ​ര​ത്തെ ന​ട​പ്പാ​ത ത​ക​ർ​ന്നു; ക​ാൽ​ന​ട അ​സാ​ധ്യം

ക​ള​മ​ശ്ശേ​രി: ദേ​ശീ​യ​പാ​ത​യോ​ര​ത്തെ ന​ട​പ്പാ​ത ത​ക​ർ​ന്നു. ഇ​ട​പ്പ​ള്ളി മു​ത​ൽ ക​ള​മ​ശ്ശേ​രി​വ​രെ​യു​ള്ള ഭാ​ഗ​ങ്ങ​ളി​ൽ ഭി​ന്ന​ശേ​ഷി​ക്കാ​ർ​ക്ക് ഉ​ൾ​പ്പെ​ടെ സൗ​ക​ര്യ​പ്പെ​ടു​ത്തി നി​ർ​മി​ച്ച ന​ട​പ്പാ​ത​യാ​ണ് ത​ക​ർ​ന്ന​ത്.

മെ​ട്രോ നി​ർ​മാ​ണ​ത്തി​ന് പി​ന്നാ​ലെ ദേ​ശീ​യ​പാ​ത​യോ​രം സൗ​ന്ദ​ര്യ​വ​ത്​​ക​രി​ച്ച​തി​ന്‍റെ ഭാ​ഗ​മാ​യാ​ണ് ന​ട​പ്പാ​ത നി​ർ​മി​ച്ച​ത്. എ​ന്നാ​ൽ, ഒ​രു​വ​ർ​ഷം തി​ക​യും മു​മ്പേ പ​ല​ഭാ​ഗ​ത്തും ത​ക​ർ​ന്നു. പൊ​തു​കാ​ന പു​ന​ർ​നി​ർ​മി​ച്ച് അ​തി​നു​മേ​ലെ സ്ലാ​ബ് വി​രി​ച്ചാ​ണ് പാ​ത സ​ജ്ജീ​ക​രി​ച്ച​ത്. ഭി​ന്ന​ശേ​ഷി​ക്കാ​ർ​ക്ക് ന​ട​ക്കാ​ൻ പാ​ത​ക്ക് മ​ധ്യ​ഭാ​ഗ​ത്ത് പ്ര​ത്യേ​ക അ​ട​യാ​ള​ത്തി​ൽ ക​ട്ട​യും വി​രി​ച്ചി​രു​ന്നു. എ​ന്നാ​ൽ, ക​ള​മ​ശ്ശേ​രി ഭാ​ഗ​ത്ത് ഇ​ത​ട​ക്കം ത​ക​ർ​ന്ന് ഒ​ര​ടി​പോ​ലും മു​ന്നോ​ട്ടു​പോ​കാ​നാ​കാ​ത്ത നി​ല​യി​ലാ​ണ്.

ഒ​രു​വ​ർ​ഷം മു​മ്പ് സ്വ​കാ​ര്യ​വ്യ​ക്തി പ​ണി​ക്കാ​രെ നി​ർ​ത്തി ത​ക​ർ​ന്ന​ഭാ​ഗം അ​റ്റ​കു​റ്റ​പ്പ​ണി ന​ട​ത്തി സ​ഞ്ചാ​ര​യോ​ഗ്യ​മാ​ക്കി​യി​രു​ന്നു. എ​ന്നാ​ൽ, അ​തും ത​ക​ർ​ന്ന നി​ല​യി​ലാ​ണ്. പാ​ത​ക്ക് താ​ഴെ കാ​ന ഇ​ടി​ഞ്ഞ​താ​കാം ത​ക​രാ​ൻ കാ​ര​ണ​മെ​ന്ന്​ പ​റ​യു​ന്നു. പ്രാ​യ​മാ​യ​വ​രും സ്ത്രീ​ക​ളു​മ​ട​ക്കം യാ​ത്ര​ക്കാ​ർ ഏ​റെ പ്ര​യാ​സ​പ്പെ​ട്ടാ​ണ് ത​ക​ർ​ന്ന പാ​ത​യി​ലൂ​ടെ സ​ഞ്ച​രി​ക്കു​ന്ന​ത്. വ​ർ​ഷ​ങ്ങ​ളാ​യി ത​ക​ർ​ന്നു​കി​ട​ക്കു​ന്ന​ത് ശ്ര​ദ്ധ​യി​ൽ​പെ​ട്ടി​ട്ടും ന​ഗ​ര​സ​ഭ​യു​ടെ ഭാ​ഗ​ത്തു​നി​ന്ന്​ ഒ​രു ന​ട​പ​ടി​യു​മി​ല്ലെ​ന്നാ​ണ് നാ​ട്ടു​കാ​രു​ടെ പ​രാ​തി.