പടക്കനിർമാണ ശാലയിലെ പൊട്ടിത്തെറി; പ്രകമ്പനത്തിൽ നടുങ്ങി ഏലൂർ വ്യവസായ മേഖല

ക​ള​മ​ശ്ശേ​രി: മു​ട്ടി​ന​ക​ത്തെ പ​ട​ക്ക​നി​ർ​മാ​ണ ശാ​ല​യി​ലെ പൊ​ട്ടി​ത്തെ​റി​യു​ടെ പ്ര​ക​മ്പ​ന​ത്തി​ൽ ന​ടു​ങ്ങി വ​രാ​പ്പു​ഴ​യു​ടെ എ​തി​ർ​വ​ശ​ത്തു​ള്ള ഏ​ലൂ​ർ വ്യ​വ​സാ​യ മേ​ഖ​ല. പ്ര​ക​മ്പ​ന​ത്തി​ൽ ജ​നം പ​രി​ഭ്രാ​ന്തി​യി​ലാ​കു​ക​യും വീ​ടു​ക​ൾ​ക്ക് നാ​ശ​ന​ഷ്ടം സം​ഭ​വി​ക്കു​ക​യും ​ചെ​യ്തു. ഏ​ലൂ​ർ ഡി​പ്പോ, പ​ള്ളി​പ്പു​റം​ചാ​ൽ, മ​ണ​ലി​പ​ള്ളം എ​ന്നി​വി​ട​ങ്ങ​ളി​ൽ പ്ര​ക​മ്പ​ന​ത്തി​ന്‍റെ ആ​ഘാ​തം ഏ​റ്റു. വീ​ടു​ക​ളി​ലെ ജ​ന​ൽ ചി​ല്ലു​ക​ൾ ത​ക​ർ​ന്നു. അ​ടു​ക്ക​ള​ക​ളി​ൽ പാ​ത്ര​ങ്ങ​ൾ തെ​റി​ച്ചു​വീ​ഴു​ക​യും ഗ്ലാ​സു​ക​ൾ ഉ​ട​യു​ക​യും സീ​ലി​ങ് ത​ക​ർ​ന്ന് വീ​ഴു​ന്ന അ​നു​ഭ​വ​ങ്ങ​ളും ഉ​ണ്ടാ​യി. ക​ട്ടി​ലി​ലും സോ​ഫ​യി​ലും കി​ട​ന്ന​വ​ർ താ​ഴെ വീ​ണു. വ്യ​വ​സാ​യ മേ​ഖ​ല​യാ​യ​തി​നാ​ൽ പ​ല ചി​ന്ത​ക​ളാ​ണ് ഓ​ടി വ​ന്ന​ത്. പ്ര​ദേ​ശ​ത്തെ ഗ്യാ​സ് ഗോ​ഡൗ​ണി​ൽ നി​ന്നാ​ണോ എ​ന്നും ഭൂ​ച​ല​ന​മാ​ണോ​യെ​ന്നും ആ​ളു​ക​ളി​ൽ പ​ല​രും സം​ശ​യി​ച്ചു.

ഡി​പ്പോ​യി​ലെ ചി​ല്ലു​കൂ​ട്ട​ത്തി​ൽ ആ​ന്‍റ​ണി ജി​മോ​ന്‍റെ വീ​ടി​ന​ക​ത്തെ സീ​ലി​ങ് ത​ക​ർ​ന്ന് വീ​ണു. കു​ട്ടി​ക​ൾ ക​ളി​ച്ചു​കൊ​ണ്ടി​രി​ക്കെ​യാ​ണ് സം​ഭ​വം. ശ​ബ്ദം കേ​ട്ട​തോ​ടെ കു​ട്ടി​ക​ളെ​യും കൂ​ട്ടി പു​റ​ത്തേ​ക്കോ​ടി​യ​താ​യി വീ​ട്ട​മ്മ പ​റ​ഞ്ഞു. വാ​ട​ക്ക​ൻ വീ​ട്ടി​ൽ വ​ർ​ഗീ​സി​ന്‍റെ വീ​ട്ടി​ലെ സീ​ലി​ങ്​ ത​ക​രു​ക​യും അ​ടു​ക്ക​ള​യി​ൽ പാ​ത്ര​ങ്ങ​ൾ തെ​റി​ച്ചു​വീ​ഴു​ക​യും ചെ​യ്തു. അ​ക​ത്തെ പ​ള്ളി​പ​റ​മ്പി​ൽ മും​താ​സി​ന്‍റെ മൂ​ന്ന് ജ​ന​ൽ പാ​ളി​ക​ളി​ലെ ചി​ല്ലു​ക​ൾ അ​ട​ർ​ന്നു​വീ​ണു. മ​ണ​ലി പ​ള്ള​ത്ത് സീ​മ ബി​ജു വീ​ട്ടി​ലും ഡി​പ്പോ ഓ​ഫി​സി​ന്‍റെ ചി​ല്ലു​ക​ളും ത​ക​ർ​ന്നു.