സന്ദർശനത്തിന് നൂറുവയസ്സ്;​ ടാഗോർ സ്മരണയിൽ ആലുവ

ആ​ലു​വ: മ​ഹാ​ക​വി ര​ബീ​ന്ദ്ര​നാ​ഥ ടാ​ഗോ​റി​ന്‍റെ ആ​ലു​വ സ​ന്ദ​ർ​ശ​ന​ത്തി​ന് വെ​ള്ളി​യാ​ഴ്ച നൂ​റു​വ​ർ​ഷം തി​ക​യു​ന്നു. ര​ണ്ട് സ്ഥാ​പ​ന​ങ്ങ​ളാ​ണ് അ​ദ്ദേ​ഹം 1922 ന​വം​ബ​ർ 18ന് ​സ​ന്ദ​ർ​ശി​ച്ച​ത്. വി​ശ്വ​ഭാ​ര​തി സ​ർ​വ​ക​ലാ​ശാ​ല​യു​ടെ ധ​ന​ശേ​ഖ​ര​ണ​ത്തി​നാ​യാ​ണ് അ​ദ്ദേ​ഹം കേ​ര​ള​ത്തി​ലെ​ത്തി​യ​ത്.

വി​വി​ധ സ്ഥാ​പ​ന​ങ്ങ​ൾ സ​ന്ദ​ർ​ശി​ച്ച കൂ​ട്ട​ത്തി​ലാ​ണ് അ​ദ്ദേ​ഹം ആ​ലു​വ​യി​ലു​മെ​ത്തി​യ​ത്. ആ​ലു​വ​യി​ൽ ശ്രീ​നാ​രാ​യ​ണ​ഗു​രു സ്ഥാ​പി​ച്ച അ​ദ്വൈ​താ​ശ്ര​മ​വും യു.​സി കോ​ള​ജും അ​ദ്ദേ​ഹം സ​ന്ദ​ർ​ശി​ച്ചു. ന​വം​ബ​ർ എ​ട്ടി​നാ​ണ് കേ​ര​ള സ​ന്ദ​ർ​ശ​ന​ത്തി​ന്​ അ​ദ്ദേ​ഹം തി​രു​വ​ന​ന്ത​പു​ര​ത്ത് എ​ത്തി​യ​ത്. തു​ട​ർ​ന്ന് 17ന് ​എ​റ​ണാ​കു​ള​ത്തെ​ത്തി​യ അ​ദ്ദേ​ഹം മ​ഹാ​രാ​ജാ​സ് കോ​ള​ജ്, മ​ട്ടാ​ഞ്ചേ​രി ഗു​ജ​റാ​ത്തി സ്കൂ​ൾ, തൃ​പ്പൂ​ണി​ത്തു​റ ഹി​ൽ​പാ​ല​സ് എ​ന്നി​വി​ട​ങ്ങ​ൾ സ​ന്ദ​ർ​ശി​ച്ചു.

തു​ട​ർ​ന്ന് രാ​ത്രി ആ​ലു​വ​യി​ലെ​ത്തി. ആ​ദ്യം അ​ദ്വൈ​താ​ശ്ര​മ​ത്തി​ലാ​ണ് അ​ദ്ദേ​ഹം എ​ത്തി​യ​ത്. ആ ​സ​മ​യം നാ​രാ​യ​ണ​ഗു​രു അ​വി​ടെ ഉ​ണ്ടാ​യി​രു​ന്നി​ല്ല. എ​ങ്കി​ലും ആ​ശ്ര​മം അ​ധി​കൃ​ത​ർ അ​ദ്ദേ​ഹ​ത്തെ സ്വീ​ക​രി​ച്ചു. സം​സ്കൃ​ത പാ​ഠ​ശാ​ല​യി​ലെ പ്ര​ധാ​ന അ​ധ്യാ​പ​ക​നാ​യി​രു​ന്ന രാ​മ​ൻ ഗു​രു​ക്ക​ൾ, ഇം​ഗ്ലീ​ഷ് അ​ധ്യാ​പ​ക​നാ​യി​രു​ന്ന രാ​മ​ൻ​കു​ട്ടി എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു സ്വീ​ക​ര​ണം. കു​മാ​ര​നാ​ശാ​ൻ എ​ഴു​തി​യ മം​ഗ​ള​പ​ത്ര​വും പ​ണ​ക്കി​ഴി​യും അ​വ​ർ അ​ദ്ദേ​ഹ​ത്തി​ന് സ​മ​ർ​പ്പി​ച്ചു.

തു​ട​ർ​ന്നാ​ണ് അ​ദ്ദേ​ഹം യു.​സി കോ​ള​ജി​ലെ​ത്തി​യ​ത്. വി​ദ്യാ​ർ​ഥി സ​ത്രം ക​വാ​ട​ത്തി​ന്‍റെ ഉ​ദ്ഘാ​ട​ന​ത്തി​നാ​ണ് അ​ദ്ദേ​ഹം കോ​ള​ജി​ലെ​ത്തി​യ​ത്. കോ​ള​ജി​ലൂ​ടെ ഉ​ദ്ഘാ​ട​ന​സ്ഥ​ല​ത്തേ​ക്ക് ന​ട​ന്നു​വ​ന്ന വ​ഴി​യി​ൽ ഉ​ണ്ടാ​യി​രു​ന്ന ചെ​റി​യ ഗേ​റ്റ് പി​ന്നീ​ട് ടാ​ഗോ​ർ ഗേ​റ്റ് എ​ന്ന പേ​രി​ൽ അ​റി​യ​പ്പെ​ട്ടു. പി​ന്നീ​ട് ആ ​ഗേ​റ്റ് ഇ​ല്ലാ​താ​യി.

കോ​ള​ജി​ന്‍റെ തെ​ക്കേ ഗേ​റ്റി​ന് വ​ല​തു​വ​ശ​ത്തെ ഒ​റ്റ നി​ല ഓ​ടു​മേ​ഞ്ഞ കെ​ട്ടി​ട​മാ​യി​രു​ന്നു വി​ദ്യാ​ർ​ഥി സ​ത്രം. ഇ​ത് ഉ​ദ്ഘാ​ട​നം ചെ​യ്ത​ശേ​ഷം മു​റ്റ​ത്ത് ഒ​രു തേ​ന്മാ​വി​ൻ തൈ​യും ന​ട്ടു. 1935ൽ ​അ​ന്ന​ത്തെ പ്രി​ൻ​സി​പ്പ​ലും വി​ദ്യാ​ർ​ഥി​ക​ളും ശാ​ന്തി​നി​കേ​ത​ൻ സ​ന്ദ​ർ​ശി​ച്ചി​രു​ന്നു. ടാ​ഗോ​ർ ന​ട്ട മാ​വി​ൽ മാ​മ്പ​ഴ​ങ്ങ​ൾ ഉ​ണ്ടാ​യെ​ന്ന സ​ന്തോ​ഷ​വാ​ർ​ത്ത അ​ദ്ദേ​ഹ​ത്തെ അ​വ​ർ അ​റി​യി​ക്കു​ക​യും ചെ​യ്തു.

എ​ന്നി​ട്ടെ​ന്താ നി​ങ്ങ​ൾ നാ​ല​ഞ്ച്​ മാ​മ്പ​ഴം കൊ​ണ്ടു​വ​രാ​തി​രു​ന്ന​തെ​ന്നാ​ണ് അ​ദ്ദേ​ഹം അ​വ​രോ​ട് ചോ​ദി​ച്ച​ത്. അ​ടു​ത്ത​വ​ർ​ഷം അ​യ​ച്ചു​ത​രാ​മെ​ന്നാ​യി​രു​ന്നു പ്രി​ൻ​സി​പ്പ​ലി​ന്‍റെ മ​റു​പ​ടി. വി​ദ്യാ​ർ​ഥി സ​ത്ര​മാ​ണ് പി​ന്നീ​ട് ടാ​ഗോ​ർ ഹോ​സ്റ്റ​ലാ​യി മാ​റി​യ​ത്. നി​ല​വി​ൽ ഇ​വി​ടെ ടാ​ഗോ​ർ ഹാ​ളാ​ണു​ള്ള​ത്. മ​ഹാ​ക​വി ന​ട്ട മാ​വ് ഇ​ന്ന് ഇ​വി​ടെ​യി​ല്ല.ടാ​ഗോ​റി​ന്‍റെ സ​ന്ദ​ർ​ശ​ന​ത്തി​ന് ശേ​ഷം മൂ​ന്നു​വ​ർ​ഷം ക​ഴി​ഞ്ഞാ​യി​രു​ന്നു മ​ഹാ​ത്മാ​ഗാ​ന്ധി​യു​ടെ യു.​സി സ​ന്ദ​ർ​ശ​നം.

1925 മാ​ർ​ച്ച് 18ന് ​കോ​ള​ജി​ലെ​ത്തി​യ അ​ദ്ദേ​ഹം ന​ട്ട മാ​വ് ഇ​ന്നും കോ​ള​ജി​ൽ ച​രി​ത്ര സ്മാ​ര​ക​മാ​യി നി​ല​നി​ൽ​ക്കു​ന്നു. അ​ദ്വൈ​താ​ശ്ര​മ​വും യു.​സി കോ​ള​ജും സ​ന്ദ​ർ​ശി​ച്ച​ശേ​ഷം 19ന് ​ടാ​ഗോ​ർ ഷൊ​ർ​ണൂ​ർ വ​ഴി ബം​ഗ​ളൂ​രു​വി​ലേ​ ക്ക്​ പോ​യി. ടാ​ഗോ​റി​ന്‍റെ സ​ന്ദ​ർ​ശ​ന​ത്തി​ന്‍റെ നൂ​റാം വാ​ർ​ഷി​കം ഇ​ന്ന് അ​ദ്വൈ​താ​ശ്ര​മ​ത്തി​ൽ ആ​ഘോ​ഷി​ക്കും. വൈ​കീ​ട്ട് മൂ​ന്നി​നാ​ണ് ആ​ഘോ​ഷ പ​രി​പാ​ടി​ക​ൾ. സാ​ഹി​ത്യ സം​ഗ​മം പ്ര​ഫ. എം.​കെ. സാ​നു ഉ​ദ്ഘാ​ട​നം ചെ​യ്യും.