പട്ടാപ്പകൽ ജോലി വാഗ്ദാനം ചെയ്ത് തട്ടിപ്പ്

കാ​ക്ക​നാ​ട്: ജോ​ലി വാ​ഗ്ദാ​നം ചെ​യ്ത് എ​റ​ണാ​കു​ളം ജി​ല്ല ക​ല​ക്ട​റേ​റ്റ് വ​ള​പ്പി​നു​ള്ളി​ൽ ത​ട്ടി​പ്പ്. കൊ​ല്ലം സ്വ​ദേ​ശി​നി​യെ​യാ​ണ് ഗു​രു​വാ​യൂ​ർ ക്ഷേ​ത്ര​ത്തി​ൽ ജോ​ലി വാ​ങ്ങി ന​ൽ​കാ​മെ​ന്ന് വി​ശ്വ​സി​പ്പി​ച്ച് ക​ബ​ളി​പ്പി​ച്ച​ത്. ഇ​തി​നു​ള്ള അ​പേ​ക്ഷ ന​ൽ​കു​ന്ന​തി​ന് വേ​ണ്ടി​യെ​ന്ന് പ​റ​ഞ്ഞ് ക​ല​ക്ട​റേ​റ്റി​ൽ എ​ത്തി​ച്ച​ശേ​ഷം 15,500 രൂ​പ ത​ട്ടി​യെ​ടു​ക്കു​ക​യാ​യി​രു​ന്നു. ചോ​റ്റാ​നി​ക്ക​ര സ്വ​ദേ​ശി ശി​വ എ​ന്ന​യാ​ൾ​ക്കെ​തി​രെ​യാ​ണ് ആ​രോ​പ​ണം.

ബു​ധ​നാ​ഴ്ച രാ​വി​ലെ​യാ​യി​രു​ന്നു സം​ഭ​വം. കൊ​ല്ലം തി​രു​മ​ുല്ല​വാ​രം സ്വ​ദേ​ശി​നി സം​ഗീ​തക്കാ​ണ് പ​ണം ന​ഷ്ട​പ്പെ​ട്ട​ത്. സം​ഗീ​ത​യു​ടെ അ​മ്മാ​വ​ൻ മ​ണി​ക​ണ്ഠ​നെ ചോ​റ്റാ​നി​ക്ക​ര ക്ഷേ​ത്ര​ത്തി​ൽ ക​ണ്ട​പ്പോ​ഴാ​യി​രു​ന്നു ശി​വ ജോ​ലി വാ​ഗ്ദാ​നം ചെ​യ്ത​ത്. ഗു​രു​വാ​യൂ​ർ ക്ഷേ​ത്ര​ത്തി​ലെ ജീ​വ​ന​ക്കാ​ര​നാ​ണെ​ന്ന് വി​ശേ​ഷി​പ്പി​ച്ച ഇ​യാ​ൾ 26 ദി​വ​സ​ത്തി​നു​ശേ​ഷം വി​ര​മി​ക്കു​മെ​ന്നും പ​ക​രം ജോ​ലി വാ​ങ്ങി​ക്കൊ​ടു​ക്കാ​ൻ പ​റ്റി​യ ആ​രെ​ങ്കി​ലു​മു​ണ്ടെ​ങ്കി​ൽ അ​റി​യി​ക്ക​ണ​മെ​ന്നും മ​ണി​ക​ണ്ഠ​നോ​ട് ആ​വ​ശ്യ​പ്പെ​ടു​ക​യാ​യി​രു​ന്നു.

മു​മ്പ്​ പ​ല​ത​വ​ണ ഗു​രു​വാ​യൂ​ർ ക്ഷേ​ത്ര​ത്തി​ൽ ക​ണ്ട പ​രി​ച​യമുള്ള​തി​നാ​ൽ വി​ശ്വാ​സം തോ​ന്നി​യ മ​ണി​ക​ണ്ഠ​ൻ സം​ഗീ​ത​യു​ടെ പേ​ര് നി​ർ​ദേ​ശി​ച്ചു. പ്യൂ​ൺ ത​സ്തി​ക​യി​ലാ​ണ് നി​യ​മ​ന​മെ​ന്നും മാ​സം 32,000 രൂ​പ ശ​മ്പ​ളം ല​ഭി​ക്കു​മെ​ന്നു​മാ​യി​രു​ന്നു വാ​ഗ്ദാ​നം.

ഇ​തി​നാ​യി എ​റ​ണാ​കു​ളം, തൃ​ശൂ​ർ ജി​ല്ല​ക​ളി​ലെ ക​ല​ക്ട​റേ​റ്റു​ക​ളി​ൽ പ​ണം അ​ട​ക്ക​ണ​മെ​ന്നാ​യി​രു​ന്നു നി​ർ​ദേ​ശം. കൊ​ല്ല​ത്തു​നി​ന്ന് രാ​വി​ലെ വൈ​റ്റി​ല​യി​ലെ​ത്തി​യ മ​ണി​ക​ണ്ഠ​നെ​യും സം​ഗീ​ത​യെ​യും ഇ​യാ​ൾ ത​ന്നെ​യാ​യി​രു​ന്നു ബ​സി​ൽ കാ​ക്ക​നാ​ട് സി​വി​ൽ സ്റ്റേ​ഷ​നി​ൽ എ​ത്തി​ച്ച​ത്. എ​ത്താ​ൻ വൈ​കി​യ​പ്പോ​ൾ പ​ല​ത​വ​ണ വി​ളി​ച്ച് അ​ന്വേ​ഷി​ച്ചി​രു​ന്നു​വെ​ന്ന് മ​ണി​ക​ണ്ഠ​ൻ പ​റ​ഞ്ഞു.

ക​ല​ക്ട​റേ​റ്റ് വ​ള​പ്പി​ലെ​ത്തി​യ ശേ​ഷം ഇ​വി​ടെ അ​ട​ക്കാ​നാ​ണെ​ന്ന് പ​റ​ഞ്ഞ് 12,100 രൂ​പ​യും തൃ​ശൂ​രി​ൽ​നി​ന്നു​ള്ള അ​പേ​ക്ഷാ​ഫോ​റ​ത്തി​നാ​യി 2500 രൂ​പ​യും ഉ​ൾ​പ്പെ​ടെ 15,000 രൂ​പ വാ​ങ്ങു​ക​യാ​യി​രു​ന്നു. കാ​ര്യ​ങ്ങ​ൾ ശ​രി​യാ​ക്കി വ​രാ​മെ​ന്ന് പ​റ​ഞ്ഞ് ഓ​ഫി​സി​ലേ​ക്ക് ക​യ​റി​യ ഇ​യാ​ൾ, അ​പ്പോ​ഴേ​ക്കും സ​ർ​ട്ടി​ഫി​ക്ക​റ്റു​ക​ളു​ടെ 12 ഫോ​ട്ടോ കോ​പ്പി​യും അ​ഞ്ച് പാ​സ്പോ​ർ​ട്ട് സൈ​സ് ഫോ​ട്ടോ​യും കൊ​ണ്ടു​വ​ര​ണ​മെ​ന്ന് ആ​വ​ശ്യ​പ്പെ​ട്ടി​രു​ന്നു.

ഫോ​ട്ടോ കോ​പ്പി​യു​മാ​യി തി​രി​കെ​യെ​ത്തി​യ ഇ​രു​വ​രും ഏ​റെ​നേ​രം കാ​ത്തു​നി​ന്നി​ട്ടും ഇ​യാ​ളെ കാ​ണാ​ൻ ക​ഴി​ഞ്ഞി​ല്ല. തു​ട​ർ​ന്ന് ഫോ​ണി​ൽ ബ​ന്ധ​പ്പെ​ട്ടപ്പോൾ മു​ക​ളി​ലു​ണ്ടെ​ന്നും ഉ​ട​ൻ എ​ത്താ​മെ​ന്നു​മാ​യി​രു​ന്നു മ​റു​പ​ടി. അ​ധി​കം താ​മ​സി​യാ​തെ ഫോ​ൺ സ്വി​ച്ച് ഓ​ഫ് ആ​യ​പ്പോ​ഴാ​ണ് ത​ട്ടി​പ്പ് മ​ന​സ്സി​ലാ​യ​ത്. ര​ണ്ട് മ​ക്ക​ളു​ടെ മാ​താ​വാ​ണ് ബേ​ക്ക​റി തൊ​ഴി​ലാ​ളി​യാ​യ സം​ഗീ​ത. ജോ​ലി കി​ട്ടു​മെ​ന്ന ധാ​ര​ണ​യി​ൽ ക​ടം വാ​ങ്ങി​യ പ​ണ​വു​മാ​യി​ട്ടാ​യി​രു​ന്നു എ​റ​ണാ​കു​ള​ത്തേ​ക്ക് വ​ന്ന​ത്.