പഴകിയ കോഴിയിറച്ചി വിതരണം നടത്തിയത്​ മാളിൽ അടക്കം അമ്പതോളം സ്ഥാപനങ്ങളിൽ

ക​ള​മ​ശ്ശേ​രി: പ​ഴ​കി​യ കോ​ഴി​യി​റ​ച്ചി പി​ടി​ച്ചെ​ടു​ത്ത കൈ​പ്പ​ട​മു​ഗ​ളി​ലെ വീ​ട്ടി​ൽ പൊ​ലീ​സി​ന്‍റെ നേ​തൃ​ത്വ​ത്തി​ൽ ആ​രോ​ഗ്യ വി​ഭാ​ഗം പ​രി​ശോ​ധ​ന ന​ട​ത്തി. ജി​ല്ല​യി​ലെ മാ​ളി​ൽ അ​ട​ക്കം അമ്പതോളം സ്ഥാ​പ​ന​ങ്ങ​ളി​ൽ വി​ത​ര​ണം ന​ട​ത്തി​യ​താ​യാ​ണ് ക​ണ്ടെ​ത്ത​ൽ. എം.​ജി. റോ​ഡ്, കാ​ക്ക​നാ​ട്, പാ​ലാ​രി​വ​ട്ടം, ഇ​ട​പ്പ​ള്ളി, വൈ​റ്റി​ല, ക​ള​മ​ശേ​രി, ആ​ലു​വ, അ​ങ്ക​മാ​ലി തു​ട​ങ്ങി പ്ര​ദേ​ശ​ങ്ങ​ളി​ലെ സ്ഥാ​പ​ന​ങ്ങ​ളി​ൽ ഇ​റ​ച്ചി​വി​ത​ര​ണം ന​ട​ത്തി​യ​താ​യാ​ണ് രേ​ഖ​ക​ൾ വ്യ​ക്ത​മാ​ക്കു​ന്ന​ത്.

ചെ​റു​തും വ​ലു​തു​മാ​യ ബി​ൽ ബു​ക്കു​ക​ൾ, ക​ണ​ക്കു​ക​ൾ രേ​ഖ​പ്പെ​ടു​ത്തി​യ ബു​ക്കു​ക​ൾ എ​ന്നി​വ​യാ​ണ് പ​രി​ശോ​ധ​ന​യി​ൽ ക​ണ്ടെ​ടു​ത്ത​ത്. ഇ​വ കെ​ട്ടി​ട​ത്തി​ലെ അ​ല​മാ​ര​യി​ൽ നി​ന്നും ശു​ചി​മു​റി​യി​ൽ നി​ന്നു​മാ​ണ് ഉ​ദ്യോ​ഗ​സ്ഥ​ർ ക​ണ്ടെ​ടു​ത്ത​ത്.

ലൈ​സ​ൻ​സി​ല്ലാ​തെ​യാ​ണ് പ്ര​വ​ർ​ത്ത​നം ന​ട​ത്തി​യ​ത്. ത​വാ​ഫ്ചി​ക്ക​ൻ കൈ​പ്പ​ട​മു​ഗ​ൾ എ​ന്ന പേ​രി​ലാ​ണ് ബി​ൽ ബു​ക്കി​ൽ രേ​ഖ​പ്പെ​ടു​ത്തി​യി​രി​ക്കു​ന്ന​തെ​ന്ന് ഉ​ദ്യോ​ഗ​സ്ഥ​ർ പ​റ​ഞ്ഞു. ഇ​താ​ണ് വി​ത​ര​ണ​ത്തി​ന് ഉ​പ​യോ​ഗി​ച്ചു​വ​ന്ന​തും.വി​ത​ര​ണം ന​ട​ത്തി​വ​ന്ന സ്ഥാ​പ​ന​ങ്ങ​ളു​ടെ പേ​ര് വി​വ​ര​ങ്ങ​ൾ പു​റ​ത്ത് വി​ട​ണ​മെ​ന്നാ​ണ് സം​ഭ​വ​വു​മാ​യി ഉ​യ​ർ​ന്ന പൊ​തു​വാ​യ ആ​വ​ശ്യം. എ​ന്നാ​ൽ, ഇ​ത് സം​ബ​ന്ധി​ച്ച് ല​ഭി​ച്ച രേ​ഖ​ക​ളി​ലെ കൂ​ടു​ത​ൽ വി​വ​ര​ങ്ങ​ൾ പു​റ​ത്ത് വി​ടാ​ൻ ന​ഗ​ര​സ​ഭ ത​യാ​റാ​യി​ട്ടി​ല്ല.

ക​ഴി​ഞ്ഞ അ​ഞ്ചി​നാ​ണ് ദു​ർ​ഗ​ന്ധം ഉ​യ​ർ​ന്ന​തി​നെ തു​ട​ർ​ന്ന് പ്ര​ദേ​ശ​ത്ത് നി​ന്നും സ്ഥാ​പ​ന​ത്തി​നെ​തി​രെ പ​രാ​തി ഉ​യ​ർ​ന്ന​ത്. ഇ​ത​നു​സ​രി​ച്ച് ആ​രോ​ഗ്യ വി​ഭാ​ഗം ന​ട​ത്തി​യ പ​രി​ശോ​ധ​ന​യി​ലാ​ണ് കെ​ട്ടി​ട​ത്തി​ന് പു​റ​ത്തി​രു​ന്ന ഫ്രീ​സ​റി​ൽ​നി​ന്ന്​ 515 കി​ലോ പ​ഴ​കി​യ കോ​ഴി ഇ​റ​ച്ചി പി​ടി​ച്ചെ​ടു​ത്ത​ത്. ത​മി​ഴ്നാ​ട് ഫാ​മു​ക​ളി​ൽ​നി​ന്നും ഇ​വി​ടെ എ​ത്തി​ക്കു​ന്ന ഇ​റ​ച്ചി സ്ഥാ​പ​ന​ങ്ങ​ളി​ലേ​ക്ക് എ​ത്തി​ച്ചു​കൊ​ണ്ടി​രി​ക്കു​ക​യാ​യി​രു​ന്നു. കെ​ട്ടി​ടം വാ​ട​ക​ക്കെ​ടു​ത്ത പാ​ല​ക്കാ​ട് സ്വ​ദേ​ശി ജു​നൈ​സി​നും കെ​ട്ടി​ട ഉ​ട​മ നി​സാ​ർ മ​ര​യ്ക്കാ​ർ​ക്കും എ​തി​രെ ക​ള​മ​ശ്ശേ​രി പൊ​ലീ​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.