ഈ 'പൂക്കള'ത്തിൽ നിറയുന്നത് പൂവല്ല; പി.പി.ഇ കിറ്റി​െൻറ വെട്ടുകഷണങ്ങൾ

പി.​പി.​ഇ കി​റ്റ് ത​യ്ച്ച​തി​നു​ശേ​ഷം ബാ​ക്കി​യാ​കു​ന്ന വെ​ട്ടു​ക​ഷ​ണ​ങ്ങ​ൾ​കൊ​ണ്ട് പ​ല​നി​റ​ത്തി​ലു​ള്ളൊ​രു സു​ന്ദ​ര​മാ​യ പൂ​ക്ക​ളം ഒ​രു​ക്കി​യാ​ൽ എ​ങ്ങ​നെ​യു​ണ്ടാ​കും?. 2018ലെ ​പ്ര​ള​യ​കാ​ല​ത്ത് പ​റ​വൂ​ർ ചേ​ന്ദ​മം​ഗ​ല​ത്തെ കൈ​ത്ത​റി തൊ​ഴി​ലാ​ളി​ക​ളു​ടെ അ​തി​ജീ​വ​ന​ത്തി​െൻറ പ്ര​തീ​ക​മാ​യ ചേ​ക്കു​ട്ടി​പ്പാ​വ​ക​ളു​ടെ സ്ര​ഷ്​​ടാ​വാ​യ ല​ക്ഷ്മി മേ​നോ​െൻറ ത​ല​യി​ലാ​ണ് ഈ ​ക​ള​ർ​ഫു​ൾ ആ​ശ​യം വി​ട​ർ​ന്ന​ത്. ഉ​ട​ൻ എ​റ​ണാ​കു​ളം അ​ര​യ​ൻ​കാ​വി​ലെ വീ​ട്ടു​മു​റ്റ​ത്ത് ഒ​രു​ക്കി, അ​സ്സ​ലൊ​രു പി.​പി.​ഇ പൂ​ക്ക​ളം, പി​ന്നെ​യൊ​രു പേ​രു​മി​ട്ടു; അ​ത്ത​പ്പീ.

ഇ​വ​രു​ടെ വീ​ട്ടി​ലു​ള്ള ത​യ്യ​ൽ യൂ​നി​റ്റി​ലെ വ​നി​ത​ക​ൾ പി.​പി.​ഇ കി​റ്റ് ഒ​രു​ക്കു​മ്പോ​ൾ ബാ​ക്കി​യാ​കു​ന്ന വെ​ട്ടു​ക​ഷ​ണ​ങ്ങ​ൾ​കൊ​ണ്ട് കോ​വി​ഡ് എ​ഫ്.​എ​ൽ.​ടി.​സി​ക​ളി​ൽ ഉ​പ​യോ​ഗി​ക്കാ​വു​ന്ന ഭാ​രം കു​റ​ഞ്ഞ മൃ​ദു​വാ​യ കി​ട​ക്ക​ക​ൾ നി​ർ​മി​ച്ചു​ന​ൽ​കി​യി​രു​ന്നു. ശ​യ്യ എ​ന്നു പേ​രി​ട്ട കി​ട​ക്ക​ക​ൾ ഏ​റെ ശ്ര​ദ്ധ നേ​ടി. ഇ​തി​നു പി​ന്നാ​ലെ​യാ​ണ് വെ​ട്ടു​ക​ഷ​ണ​ങ്ങ​ൾ​കൊ​ണ്ട് ഓ​ണ​പ്പൂ​ക്ക​ളം ഒ​രു​ക്കാ​മെ​ന്ന ആ​ശ​യ​ത്തി​ൽ ല​ക്ഷ്മി എ​ത്തി​ച്ചേ​ർ​ന്ന​ത്.

പി.​പി.​ഇ​യും അ​ത്ത​പ്പൂ​വും ചേ​ർ​ന്നാ​ണ് 'അ​ത്ത​പ്പീ'​യാ​യ​ത്. തു​ണി​ക്ക​ഷ​ണ​ങ്ങ​ൾ വീ​ണ്ടും കു​ഞ്ഞു​കു​ഞ്ഞു​ക​ഷ​ണ​ങ്ങ​ളാ​ക്കി, ഇ​വ ഫാ​ബ്രി​ക് പെ​യി​ൻ​റ് ഉ​പ​യോ​ഗി​ച്ച് പ​ല​നി​റം ന​ൽ​കി​യാ​യി​രു​ന്നു പൂ​ക്ക​ള​മി​ട​ൽ തു​ട​ങ്ങി​യ​ത്. നീ​ല​നി​റ​ത്തി​ലു​ള്ള വെ​ട്ടു​ക​ഷ​ണ​ങ്ങ​ളി​ൽ ഓ​ണ​ത്ത​പ്പ​നും ഒ​രു​ങ്ങി. രൂ​പം മാ​റ്റി​യ 'പൂ​ക്ക​ളം' അ​ടു​ത്ത​വ​ർ​ഷ​വും ഉ​പ​യോ​ഗി​ക്കാ​മെ​ന്ന ഗു​ണ​മു​ണ്ട്.

ത​ന​താ​യ പൂ​ക്ക​ള​ത്തി​െൻറ അ​നു​ഭൂ​തി ന​ൽ​കി​യി​ല്ലെ​ങ്കി​ലും കോ​വി​ഡ് കാ​ല​ത്ത് മാ​റി​യ ലോ​ക​ക്ര​മ​ത്തി​നൊ​പ്പം ഉ​പ​യോ​ഗ​ശൂ​ന്യ​മാ​യ വ​സ്തു​ക്ക​ളെ സ​ർ​ഗാ​ത്മ​ക​മാ​യി വീ​ണ്ടെ​ടു​ക്കു​ക​യെ​ന്ന ല​ക്ഷ്യ​മാ​ണ് ഇ​തി​നു പി​ന്നി​ലെ​ന്ന് ല​ക്ഷ്മി മേ​നോ​ൻ പ​റ​യു​ന്നു. ഭാ​വി​യി​ൽ പൂ​ക്ക​ൾ മു​മ്പ​ത്തേ​പ്പോ​ലെ സു​ല​ഭ​മാ​യി വീ​ണ്ടും കി​ട്ടു​മ്പോ​ൾ ഇ​ങ്ങ​നെ​യും ഒ​രു കാ​ലം ന​മു​ക്കു​ണ്ടാ​യി​രു​ന്നു​വെ​ന്ന് ഓ​ർ​ത്തു​വെ​ക്കാ​നും കൂ​ടി​യാ​ണീ പൂ​ക്ക​ള​മെ​ന്ന് ല​ക്ഷ്മി കൂ​ട്ടി​ച്ചേ​ർ​ത്തു.