ഒന്നും ഓർമയില്ല; ക​ല​ക്ട​റ​റേ​റ്റി​ന്‍റെ സു​വ​ർ​ണ ജൂ​ബി​ലി മ​റ​ന്ന​തി​ന്​ പി​ന്നാ​ലെ​ ജി​ല്ല​യു​ടെ പി​റ​ന്നാ​ൾ ദി​ന​വും മറന്ന് ജില്ലാഭരണകൂടം

കാ​ക്ക​നാ​ട്: സ്വ​പ്ന​തു​ല്യ​മാ​യ വി​ക​സ​ന കു​തി​പ്പി​ൽ മു​ന്നേ​റു​മ്പോ​ഴും ആ​റ​ര പ​തി​റ്റാ​ണ്ട് എ​ന്ന നാ​ഴി​ക​ക്ക​ല്ല്​ പി​ന്നി​ട്ട് 67ലേ​ക്ക് ക​ട​ന്ന്​ കാ​ര​ണ​വ​രാ​യ എ​റ​ണാ​കു​ളം ജി​ല്ല​യെ മ​റ​ന്ന മ​ട്ടാ​ണ് ജി​ല്ല ഭ​ര​ണ​കൂ​ടം.​ഏ​പ്രി​ൽ ഒ​ന്ന് വ്യാ​ഴാ​ഴ്ച​യാ​യി​രു​ന്നു ജി​ല്ല രൂ​പീ​കൃ​ത​മാ​യ​തി​ന്‍റെ 67-ാം വാ​ർ​ഷി​കം. ഒ​രാ​ഴ്ച​യാ​യി​ട്ടും ജി​ല്ല​യു​ടെ ജ​ന്മ​ദി​നം പ്ര​ധാ​ന​പ്പെ​ട്ട​വ​ർ മ​റ​ന്ന മ​ട്ടാ​ണ്. മെ​ട്രോ റെ​യി​ൽ സ​ർ​വി​സ്, സി.​എ​ൻ.​ജി ബ​സ് സ​ർ​വി​സ്, കു​ഴ​ൽ​വ​ഴി വീ​ട്ടി​ൽ പാ​ച​ക​വാ​ത​കം, വാ​ട്ട​ർ മെ​ട്രോ, ഏ​റ്റ​വും കൂ​ടു​ത​ൽ ഷോ​പ്പി​ങ് മാ​ളു​ക​ൾ, രാ​ജ്യാ​ന്ത​ര ഫു​ട്ബാ​ളി​ന്റെ​യും ക്രി​ക്ക​റ്റി​ന്റെ​യും മ​ടി​ത്ത​ട്ട്, വി​നോ​ദ സ​ഞ്ചാ​രം തൊ​ഴി​ലും വ​രു​മാ​ന​വു​മാ​യി വേ​ഗ​ത്തി​ൽ വ​ള​രു​ന്നു, ഐ.​ടി മേ​ഖ​ല​യാ​യ ഇ​ൻ​ഫോ പാ​ർ​ക്ക്, സ്മാ​ർ​ട്ട് സി​റ്റി ഇ​ങ്ങ​നെ​യെ​ല്ലാം വി​ക​സ​ന കു​തി​പ്പി​ൽ മു​ന്നേ​റു​മ്പോ​ഴും യു​വ​ത്വം കൈ​വി​ടാ​തെ ഊ​ർ​ജ​സ്വ​ല​മാ​ണ്​ എ​റ​ണാ​കു​ളം ജി​ല്ല. ഔ​ദ്യോ​ഗി​ക​മാ​യി ആ​ഘോ​ഷ​ങ്ങ​ൾ ന​ട​ത്തി​യി​ല്ലെ​ങ്കി​ലും വി​ക​സ​ന​ത്തി​ര​യി​ൽ എ​ന്നും ആ​ഘോ​ഷ​ത്തി​ലാ​ണ് എ​റ​ണാ​കു​ളം.

സം​സ്ഥാ​ന​ത്തി​ന്റെ സാ​മ്പ​ത്തി​ക ഭൂ​പ​ട​ത്തി​ൽ തി​ള​ങ്ങി നി​ൽ​ക്കു​ന്ന എ​റ​ണാ​കു​ള​ത്തി​ന് അ​ന്ന് എ​ടു​ത്തു​പ​റ​യാ​ൻ പ​കി​ട്ടോ പ്രൗ​ഢി​യോ ഇ​ല്ലാ​യി​രു​ന്നു. ആ​ല​പ്പു​ഴ ജി​ല്ല​ക്കു​വേ​ണ്ടി കെ.​ആ​ർ. ഗൗ​രി​യ​മ്മ ന​ട​ത്തി​യ നീ​ക്ക​ങ്ങ​ളാ​ണ് എ​റ​ണാ​കു​ളം ജി​ല്ല​യു​ടെ രൂ​പ​വ​ത്​​ക​ര​ണ​ത്തി​ന്​ വ​ഴി തു​റ​ന്ന​ത്. ഗൗ​രി​യ​മ്മ ആ​ല​പ്പു​ഴ​ക്ക്​ വേ​ണ്ടി വാ​ദി​ച്ച​പ്പോ​ൾ എ​ന്തു​കൊ​ണ്ട് എ​റ​ണാ​കു​ളം ജി​ല്ല ആ​യി​ക്കൂ​ടാ എ​ന്ന ചി​ന്ത ഉ​ട​ലെ​ടു​ക്കു​ക​യാ​യി​രു​ന്നു. അ​ന്ന​ത്തെ മു​ഖ്യ​മ​ന്ത്രി ഇ.​എം.​എ​സ് ന​മ്പൂ​തി​രി​പ്പാ​ടും ധ​ന​മ​ന്ത്രി അ​ച്യു​ത​മേ​നോ​നും പു​തി​യ ജി​ല്ല​യു​ണ്ടാ​ക്കു​ന്ന​തി​ന് എ​തി​ര​ല്ലാ​യി​രു​ന്നു​വെ​ങ്കി​ലും അ​തി​നു​വേ​ണ്ട സാ​മ്പ​ത്തി​ക ബാ​ധ്യ​ത​യെ​പ്പ​റ്റി ആ​ശ​ങ്ക​യു​ണ്ടാ​യി​രു​ന്നു.

എ​ന്താ​യാ​ലും ആ​ല​പ്പു​ഴ ജി​ല്ല​യും എ​റ​ണാ​കു​ളം ജി​ല്ല​യും രൂ​പ​വ​ത്​​ക​രി​ച്ചു​കൊ​ണ്ട് സ​ർ​ക്കാ​ർ ഉ​ത്ത​ര​വാ​കു​ക​യാ​യി​രു​ന്നു. പ​ഴ​യ നാ​ട്ടു​രാ​ജ്യ​ങ്ങ​ളാ​യ തി​രു​വി​താം​കൂ​ർ, കൊ​ച്ചി‍ എ​ന്നി​വ​യി​ലെ പ്ര​ദേ​ശ​ങ്ങ​ൾ കൂ​ട്ടി​ച്ചേ​ർ​ത്ത്‌ 1958 ഏ​പ്രി​ൽ ഒ​ന്നി​നാ​ണ്‌ എ​റ​ണാ​കു​ളം ജി​ല്ല രൂ​പീ​കൃ​ത​മാ​യ​ത്‌. തി​രു​വി​താം​കൂ​ർ രാ​ജ്യ​ത്തു​നി​ന്നു​ള്ള പ്ര​ദേ​ശ​ങ്ങ​ളാ​ണ്‌ പ്ര​ധാ​ന​മാ​യും ജി​ല്ല​ക്ക്​ കീ​ഴി​ൽ വ​ന്ന​ത്‌. ഇ​ടു​ക്കി ജി​ല്ല രൂ​പീ​കൃ​ത​മാ​കും മു​മ്പ്​ തൊ​ടു​പു​ഴ താ​ലൂ​ക്കും എ​റ​ണാ​കു​ളം ജി​ല്ല പ​രി​ധി​യി​ലാ​യി​രു​ന്നു. പ​റ​വൂ​ർ, ആ​ലു​വ , കൊ​ച്ചി, ക​ണ​യ​ന്നൂ​ർ, മൂ​വാ​റ്റു​പു​ഴ, കു​ന്ന​ത്തു​നാ​ട്, കോ​ത​മം​ഗ​ലം എ​ന്നി​ങ്ങ​നെ ഏ​ഴ് താ​ലൂ​ക്കു​ക​ളാ​യി ജി​ല്ല​യെ വി​ഭ​ജി​ച്ചി​രി​ക്കു​ന്നു. കൊ​ച്ചി ന​ഗ​ര​ത്തോ​ട്​ ചേ​ർ​ന്ന കാ​ക്ക​നാ​ടാ​ണ്‌ ജി​ല്ല​യു​ടെ ഭ​ര​ണ​സി​രാ​കേ​ന്ദ്രം. ക​ല​ക്ട​റേ​റ്റ്, ജി​ല്ല പ​ഞ്ചാ​യ​ത്ത്‌ കാ​ര്യാ​ല​യം എ​ന്നി​വ​യെ​ല്ലാം ഇ​വി​ടെ കേ​ന്ദ്രീ​ക​രി​ച്ചി​രി​ക്കു​ന്നു.