എറണാകുളത്ത്​ മയക്കുമരുന്ന് കേസുകൾ കൂടുന്നു

നെടുമ്പാശേരി: എറണാകുളം ജില്ലയിൽ മയക്കുമരുന്ന് കേസുകൾ വൻതോതിൽ വർധിക്കുന്നു. 2011 - 16 വർഷത്തിൽ 588 മയക്കുമരുന്ന് കേസുകളാണ് എക്സൈസ് രജിസ്റ്റർ ചെയ്തത്. എന്നാൽ 2016 - 21 വർഷത്തിൽ 2913 കേസുകളായി ഉയർന്നു.

സംസ്ഥാനമൊട്ടാകെയുള്ള കണക്കെടുത്താൽ ഇത് യഥാക്രമം 4497 ഉം 27,215 ഉം ആണ്. ലോക്ഡൗൺ വേളയിൽ മദ്യഷാപ്പുകൾ അടച്ചതോടെ വ്യാജമദ്യ നിർമാണവും ഗണ്യമായി വർധിച്ചുവെന്ന്​ എക്സൈസിന്‍റെ കണക്കുകൾ വെളിപ്പെടുത്തുന്നു. ലോക് ഡൗൺ കാലത്ത് സംസ്ഥാനത്ത് 5774 കേസുകളാണ് രജിസ്റ്റർ ചെയ്തത്.