ജലവിതരണം നിലച്ചിട്ട് ദിവസങ്ങൾ; കിഴക്കേ കടുങ്ങല്ലൂരിൽ ജനം ദുരിതത്തിൽ

ക​ടു​ങ്ങ​ല്ലൂ​ർ: കി​ഴ​ക്കേ ക​ടു​ങ്ങ​ല്ലൂ​രി​ൽ കു​ടി​വെ​ള്ള​ക്ഷാ​മം രൂ​ക്ഷം. ശു​ദ്ധ​ജ​ല​വി​ത​ര​ണം മു​ട​ങ്ങി​യി​ട്ട് മൂ​ന്ന് ദി​വ​സ​മാ​യി. ഇ​തോ​ടെ ജ​നം ദു​രി​ത​ത്തി​ലാ​യി​രി​ക്കു​ക​യാ​ണ്.

എ​ന്നാ​ൽ, ഇ​ക്കാ​ര്യ​ത്തി​ൽ പ​രി​ഹാ​രം കാ​ണാ​ൻ ജ​ല​അ​തോ​റി​റ്റി​യും പ​ഞ്ചാ​യ​ത്ത് അ​ധി​കൃ​ത​രും ത​യാ​റാ​കു​ന്നി​ല്ലെ​ന്ന് ആ​ക്ഷേ​പ​മു​ണ്ട്. കി​ഴ​ക്കെ ക​ടു​ങ്ങ​ല്ലൂ​ർ-​ഏ​ലൂ​ക്ക​ര റോ​ഡ്, മു​ല്ലേ​പ്പി​ള്ളി റോ​ഡ്, ക്ഷേ​ത്ര​പ​രി​സ​രം എ​ന്നി​വി​ട​ങ്ങ​ളി​ലാ​ണ് മൂ​ന്ന് ദി​വ​സ​മാ​യി കു​ടി​വെ​ള്ള വി​ത​ര​ണം നി​ല​ച്ചി​രി​ക്കു​ന്ന​ത്. മു​ൻ​കൂ​ട്ടി അ​റി​യി​ക്കാ​തെ​യാ​ണ് ജ​ല​വി​ത​ര​ണം നി​ല​ച്ചി​രി​ക്കു​ന്ന​ത്. അ​തി​നാ​ൽ വെ​ള്ളം ശേ​ഖ​രി​ച്ചു​വെ​ക്കാ​ൻ​പോ​ലും സാ​ധി​ച്ചി​ല്ലെ​ന്ന് വീ​ട്ടു​കാ​ർ പ​റ​യു​ന്നു.

ഈ ​പ്ര​ദേ​ശ​ത്ത് ബ​ഹു​ഭൂ​രി​പ​ക്ഷം വീ​ടു​ക​ളി​ലും പൈ​പ്പ് വെ​ള്ള​മാ​ണ് ഉ​പ​യോ​ഗി​ക്കു​ന്ന​ത്. ജ​ല​ജീ​വ​ൻ പ​ദ്ധ​തി പ്ര​കാ​രം പൈ​പ്പു​ക​ൾ സ്ഥാ​പി​ക്കു​ന്ന​തു​മാ​യി ബ​ന്ധ​പ്പെ​ട്ട് മൂ​ന്നാ​ഴ്ച​യോ​ളം പ​ഞ്ചാ​യ​ത്തി​ലാ​കെ കു​ടി​വെ​ള്ള വി​ത​ര​ണം ത​ട​സ്സ​പ്പെ​ട്ടി​രു​ന്നു. ഇ​തി​നെ​തി​രെ പ്ര​തി​ഷേ​ധം ക​ന​ത്ത​പ്പോ​ൾ ക​ല​ക്ട​ർ നേ​രി​ട്ടെ​ത്തി പ്ര​ശ്നം വി​ല​യി​രു​ത്തി​യി​രു​ന്നു. ഇ​തേ​തു​ട​ർ​ന്ന് കൂ​ടു​ത​ൽ ടാ​ങ്ക​ർ ലോ​റി​ക​ളി​ൽ വെ​ള്ള​മെ​ത്തി​ച്ചു. അ​ധി​കം താ​മ​സി​യാ​തെ പൈ​പ്പു​ക​ളി​ലൂ​ടെ വെ​ള്ളം വി​ത​ര​ണം ചെ​യ്തു.

പി​ന്നാ​ലെ​യാ​ണ് ഇ​പ്പോ​ൾ കി​ഴ​ക്കേ ക​ടു​ങ്ങ​ല്ലൂ​ർ പ്ര​ദേ​ശ​ത്ത് മൂ​ന്ന് ദി​വ​സ​മാ​യി ജ​ല​വി​ത​ര​ണം ത​ട​സ്സ​പ്പെ​ട്ടി​രി​ക്കു​ന്ന​ത്. പ​ല​രും അ​മി​ത​വി​ല ന​ൽ​കി പു​റ​ത്തു​നി​ന്ന്​ കു​ടി​വെ​ള്ളം വാ​ങ്ങി​ക്കു​ക​യാ​ണ്. ജ​ല അ​തോ​റി​റ്റി മു​പ്പ​ത്ത​ടം ഓ​ഫി​സി​ലെ ടെ​ലി​ഫോ​ൺ നാ​ളു​ക​ളാ​യി പ്ര​വ​ർ​ത്ത​ന​ര​ഹി​ത​മാ​ണെ​ന്ന് നാ​ട്ടു​കാ​ർ ആ​രോ​പി​ക്കു​ന്നു. ഇ​തു​മൂ​ലം ഓ​ഫി​സി​ൽ വി​ളി​ച്ച് പ​രാ​തി പ​റ​യാ​നും ക​ഴി​യു​ന്നി​ല്ല. ഉ​ദ്യോ​ഗ​സ്ഥ​രെ വി​ളി​ച്ചാ​ൽ പ​ല​പ്പോ​ഴും ഇ​വ​ർ ഫോ​ൺ എ​ടു​ക്കാ​റി​ല്ലെ​ന്നും നാ​ട്ടു​കാ​ർ കു​റ്റ​പ്പെ​ടു​ത്തു​ന്നു.

കി​ഴ​ക്കേ ക​ടു​ങ്ങ​ല്ലൂ​ർ പ്ര​ദേ​ശ​ത്ത് ജ​ല​വി​ത​ര​ണം പു​ന​രാ​രം​ഭി​ക്കു​ന്ന​തി​ന് അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്ന് ക​ടു​ങ്ങ​ല്ലൂ​ർ പ​ഞ്ചാ​യ​ത്ത് മു​ൻ സ്ഥി​രം സ​മി​തി അ​ധ്യ​ക്ഷ​ൻ ശ്രീ​കു​മാ​ർ മു​ല്ലേ​പ്പി​ള്ളി അ​ധി​കൃ​ത​രോ​ട്​ ആ​വ​ശ്യ​പ്പെ​ട്ടു.