അപകടകരമായ ഡ്രൈവിങ്: സ്വകാര്യ ബസ് ഡ്രൈവറുടെ ലൈസൻസ് റദ്ദാക്കി

കൊച്ചി: നഗരമേഖലയിൽ സ്വകാര്യബസുകളുടെ അപകടകരമായ ഡ്രൈവിങ് നിയന്ത്രിക്കാൻ ശക്തമായ നടപടി സ്വീകരിക്കാനൊരുങ്ങി മോട്ടോർ വാഹന വകുപ്പ്. ഇതിന്‍റെ ഭാഗമായി അപകടകരമായ രീതിയിൽ വാഹനമോടിച്ച സ്വകാര്യബസ് ഡ്രൈവറുടെ ലൈസൻസ് ഒരു മാസത്തേക്ക് മോട്ടോർ വാഹന വകുപ്പ് റദ്ദാക്കി.

പുക്കാട്ടുപടി- ഫോർട്ട്‌ കൊച്ചി റൂട്ടിൽ സർവിസ് നടത്തുന്ന സ്വകാര്യബസിന്‍റെ ഡ്രൈവറായ തൃക്കാക്കര എൻ.ജി.ഒ ക്വാർട്ടേഴ്‌സ് സ്വദേശി ഷംസുദ്ദീൻ ബാബുവിന്‍റെ ലൈസൻസാണ് മോട്ടോർ വാഹന വകുപ്പ് റദ്ദാക്കിയത്.ജൂൺ 30ന് വള്ളത്തോൾ നഗർ ജങ്ഷനുസമീപം തിരക്കേറിയ സമയത്ത് ഗതാഗതനിയമം ലംഘിച്ച് തെറ്റായ ഭാഗത്തുകൂടി വരുന്നതിനിടെയാണ് മോട്ടോർ വാഹനവകുപ്പ് ഉദ്യോഗസ്ഥരുടെ ശ്രദ്ധയിൽപെട്ടത്.

വാഹനം കൂടുതൽ ഗതാഗതക്കുരുക്ക് ഉണ്ടാക്കുകയും ചെയ്തിരുന്നു. ബസ് ഡോറുകളും കൃത്യമായി അടച്ചിരുന്നില്ല. മോട്ടോർ വെഹിക്കിൾ ഉദ്യോഗസ്ഥനായ ഇന്ദുധരൻ ആചാരിയുടെ നേതൃത്വത്തിലായിരുന്നു പരിശോധന.

രാ​ത്രി​യി​ൽ മ​ത്സ​ര​യോ​ട്ടം:ലൈ​സ​ൻ​സ് മൂ​ന്നു​മാ​സ​ത്തേ​ക്ക് റ​ദ്ദാ​ക്കി

കൊ​ച്ചി: ക​ലൂ​ർ സ്റ്റേ​ഡി​യം പ​രി​സ​ര​ത്ത് അ​പ​ക​ട​ക​ര​മാ​യ രീ​തി​യി​ൽ ബൈ​ക്ക്​ ഓ​ടി​ച്ച​യാ​ളു​ടെ ലൈ​സ​ൻ​സ് മോ​ട്ടോ​ർ വാ​ഹ​ന വ​കു​പ്പ് മൂ​ന്നു​മാ​സ​ത്തേ​ക്ക്​ റ​ദ്ദാ​ക്കി.വ​യ​നാ​ട് പു​ൽ​പ​ള്ളി സ്വ​ദേ​ശി​യാ​യ അ​രു​ൺ ഷാ​ജി​യു​ടെ ലൈ​സ​ൻ​സാ​ണ് മോ​ട്ടോ​ർ വാ​ഹ​ന വ​കു​പ്പ് റ​ദ്ദാ​ക്കി​യ​ത്. ഓ​പ​റേ​ഷ​ൻ റെ​യ്‌​സി​ന്‍റെ ഭാ​ഗ​മാ​യു​ള്ള പ​രി​ശോ​ധ​ന​യി​ലാ​ണ് വാ​ഹ​നം ക​ണ്ടെ​ത്തി​യ​ത്. പൊ​തു​ജ​ന​ങ്ങ​ൾ​ക്ക് ശ​ല്യ​മു​ണ്ടാ​ക്കു​ന്ന ത​ര​ത്തി​ൽ ഉ​യ​ർ​ന്ന ശ​ബ്ദ​ത്തി​ലാ​ണ് ​അ​രു​ൺ വാ​ഹ​ന​മോ​ടി​ച്ച​ത്.

വാ​ഹ​നം ശ്ര​ദ്ധ​യി​ൽ​പെ​ട്ട മോ​ട്ടോ​ർ വാ​ഹ​ന വ​കു​പ്പ് ഉ​ദ്യോ​ഗ​സ്ഥ​ൻ സ​മീ​ർ ബാ​ബു​വി​ന്‍റെ നേ​തൃ​ത്വ​ത്തി​ൽ വാ​ഹ​നം നി​ർ​ത്താ​ൻ കൈ ​കാ​ണി​ച്ചെ​ങ്കി​ലും ഇ​യാ​ൾ ക​ട​ന്നു​ക​ള​യു​ക​യാ​യി​രു​ന്നു. ന​മ്പ​ർ പ​രി​ശോ​ധി​ച്ചാ​ണ് വാ​ഹ​ന ഉ​ട​മ​യെ ക​ണ്ടെ​ത്തി​യ​ത്. ഓ​പ​റേ​ഷ​ൻ റെ​യ്‌​സി​ന്‍റെ ഭാ​ഗ​മാ​യു​ള്ള പ​രി​ശോ​ധ​ന​ക​ൾ ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ പു​രോ​ഗ​മി​ച്ചു​വ​രു​ക​യാ​ണ്. അ​പ​ക​ട​ക​ര​മാ​യ രീ​തി​യി​ൽ വാ​ഹ​ന​മോ​ടി​ക്കു​ന്ന​വ​ർ​ക്കെ​തി​രെ ക​ർ​ശ​ന ന​ട​പ​ടി​യെ​ടു​ക്കും.