കോട്ടൺ കളി സംഘത്തെ പിടികൂടി

പള്ളുരുത്തി: പുത്തൻതോട് ബീച്ചിൽ പണം വെച്ച് കോട്ടൺ കളി നടത്തുന്ന സംഘത്തെ കണ്ണമാലി പൊലീസ് പിടികൂടി.കണ്ണമാലി സ്വദേശികളായ ഹരിദാസ്, വർഗീസ്, പള്ളുരുത്തി തങ്ങൾ നഗർ സ്വദേശികളായ സുനീർ, ഷെഫീക്ക് എന്നിവരെയാണ് മട്ടാഞ്ചേരി അസി. കമീഷണർ വി.ജി. രവീന്ദ്രനാഥ്, പൊലീസ് ഇൻസ്പെക്ടർ എസ്.രാജേഷ് എന്നിവരുടെ നേതൃത്വത്തിൽ അറസ്റ്റ് ചെയ്തത്.

ഇവരിൽനിന്ന് 5000 രൂപയും പിടിച്ചെടുത്തു. സബ്- ഇൻസ്പെക്ടർ അജിത്, സീനിയർ സിവിൽ പൊലീസ് ഓഫിസർ ബേബി ലാൽ, സിവിൽ പൊലീസ് ഓഫിസർ വിനോദ്. എം. എം. എന്നിവരും പ്രതികളെ പിടികൂടിയ സംഘത്തിലുണ്ടായിരുന്നു.

പണം വെച്ച് കോട്ടൺ കളി നടത്തുന്ന സംഘത്തിനെതിരെ നടപടികൾ തുടരുമെന്നും പൊലീസ് ഇൻസ്പെക്ടർ എസ്. രാജേഷ് പറഞ്ഞു.