തീരം ശോഷിക്കുന്നു

മ​ട്ടാ​ഞ്ചേ​രി: ജി​ല്ല​യു​ടെ പ​ടി​ഞ്ഞാ​റ് ക​ട​ൽ നീ​ണ്ടു​കി​ട​ക്കു​ന്ന അ​തി​ർ​ത്തി​യാ​ണ്. ക​ട​ൽ​തീ​ര​ങ്ങ​ൾ പ​ല​തും വി​നോ​ദ സ​ഞ്ചാ​രി​ക​ളെ ആ​ക​ർ​ഷി​ക്കു​ന്ന കേ​ന്ദ്ര​ങ്ങ​ളു​മാ​ണ്. വി​ശാ​ല​മാ​യ ക​ട​ൽ തീ​ര​ങ്ങ​ൾ ജി​ല്ല​യു​ടെ പ്ര​ത്യേ​ക​ത​യാ​യി​രു​ന്നു.എ​ന്നാ​ൽ, ജി​ല്ല​യു​ടെ തീ​ര​പ്ര​ദേ​ശ​ങ്ങ​ൾ ശോ​ഷി​ക്കു​ക​യാ​ണെ​ന്ന പ​ഠ​ന​ങ്ങ​ളാ​ണ് പു​റ​ത്തു​വ​രു​ന്ന​ത്. ശ​ക്ത​മാ​യ ക​ട​ൽ​ക​യ​റ്റ​വും മ​ണ്ണൊ​ലി​പ്പും​മൂ​ലം തീ​ര​മേ​ഖ​ല​യു​ടെ 25 ശ​ത​മാ​നം ന​ഷ്ട​പ്പെ​ട്ട​താ​യാ​ണ് കോ​സ്റ്റ​ൽ എ​ൻ​വ​യ​ൺ​മെ​ന്‍റ്സ് ഓ​ഫ് ഇ​ന്ത്യ പ്ര​സി​ദ്ധീ​ക​രി​ച്ച റി​പ്പോ​ർ​ട്ടി​ലെ ക​ണ്ടെ​ത്ത​ൽ. 1988 മു​ത​ൽ 2023 വ​രെ​യു​ള്ള 35 വ​ർ​ഷ​ക്കാ​ല​യ​ള​വി​ലാ​ണ് ഈ ​പ്ര​തി​ഭാ​സം ഏ​റി​യ​തെ​ന്ന്​ റി​പ്പോ​ർ​ട്ടി​ൽ പ​റ​യു​ന്നു. ഫോ​ർ​ട്ട്കൊ​ച്ചി​യും മു​ന​മ്പ​വു​മാ​ണ് തീ​ര​ശോ​ഷ​ണ​ത്തി​ൽ മു​ന്നി​ൽ.

ക​ണ​ക്കു​ക​ൾ ഇ​ങ്ങ​നെ

ഫോ​ർ​ട്ട്​​കൊ​ച്ചി, മു​ന​മ്പം മേ​ഖ​ല​ക​ളി​ൽ 134.99 മീ. ​ഭൂ​മി ക​ട​ൽ ക​വ​ർ​ന്നു. ചെ​റാ​യി, നാ​യ​ര​മ്പ​ലം, എ​ള​ങ്കു​ന്ന​പ്പു​ഴ, മാ​ലി​പ്പു​റം, കൊ​ച്ചി മാ​നാ​ശ്ശേ​രി ഭാ​ഗ​ങ്ങ​ളി​ൽ 17.49 മീ. ​തീ​രം ക​ട​ലെ​ടു​ത്തു. പു​തു​വൈ​പ്പ് ക​ട​ൽ​തീ​രം അ​വ​ശി​ഷ്ട​ങ്ങ​ൾ അ​ടി​ഞ്ഞ​കൂ​ടു​ന്ന മേ​ഖ​ല​യാ​യി മാ​റി​യ​താ​യും പ​ഠ​ന​ത്തി​ൽ വ്യ​ക്ത​മാ​ക്കു​ന്നു.

പു​ലി​മു​ട്ടു​ക​ൾ ഗു​ണ​ക​രം

ക​ട​ൽ​ക​യ​റ്റം, മ​ണ്ണൊ​ലി​പ്പ് എ​ന്നി​വ ചെ​റു​ക്കാ​ൻ പു​ലി​മു​ട്ടു​ക​ൾ സ​ഹാ​യ​ക​ര​മാ​കു​ന്ന​താ​യും റി​പ്പോ​ർ​ട്ട് ചൂ​ണ്ടി​ക്കാ​ട്ടു​ന്നു​ണ്ട്. എ​ന്നാ​ൽ, പു​ലി​മു​ട്ടു​ക​ൾ ആ​വ​ശ്യ​ത്തി​നി​ല്ലാ​ത്ത​തും ഉ​ള്ള​ത് സം​ര​ക്ഷി​ക്കാ​ൻ ന​ട​പ​ടി​ക​ൾ ഇ​ല്ലാ​ത്ത​തും വി​ന​യാ​കു​ന്നു​ണ്ട്.

ക​ട​ല​ടി​യേ​റ്റും ക​ല്ലു​ക​ൾ ഇ​ള​കി​വീ​ണും പു​ലി​മു​ട്ടു​ക​ൾ ത​ക​രു​മ്പോ​ൾ ഇ​വ പ​രി​പാ​ലി​ക്കു​ന്ന​തി​നോ സം​ര​ക്ഷി​ക്കു​ന്ന​തി​നോ ന​ട​പ​ടി​ക​ളി​ല്ല. സം​സ്ഥാ​ന​ത്തെ പു​ലി​മു​ട്ടു​ക​ൾ​ക്ക് എ​ട്ട്​ മു​ത​ൽ 10 വ​ർ​ഷം വ​രെ​യാ​ണ് ആ​യു​സ്സ് ക​ണ​ക്കാ​ക്കു​ന്ന​ത്. കൊ​ച്ചി തു​റ​മു​ഖ ശി​ൽ​പി എ​ന്ന്​ വി​ശേ​ഷി​പ്പി​ക്ക​പ്പെ​ടു​ന്ന ബ്രി​ട്ടീ​ഷ് ഹാ​ർ​ബ​ർ എ​ൻ​ജി​നീ​യ​ർ റോ​ബ​ർ​ട്ട് ബ്രി​സ്റ്റോ ത​ന്‍റെ ഉ​ദ്യ​മം ക​ഴി​ഞ്ഞ് മ​ട​ങ്ങു​ന്ന വേ​ള​യി​ൽ ഫോ​ർ​ട്ട്​​കൊ​ച്ചി തീ​ര​ത്ത് അ​ഴി​മു​ഖ​ത്തോ​ട് ചേ​ർ​ന്ന് ഏ​റെ നീ​ള​ത്തി​ൽ പു​ലി​മു​ട്ട് പ​ണി​യ​ണ​മെ​ന്ന് നി​ർ​ദേ​ശി​ച്ചി​രു​ന്നു.

കൊ​ച്ചി തീ​ര​ത്തെ ക​ട​ൽ​ക​യ​റ്റ സാ​ധ്യ​ത മു​ന്നി​ൽ​ക​ണ്ടാ​ണ്​ അ​ദ്ദേ​ഹം ഇ​ക്കാ​ര്യം സൂ​ചി​പ്പി​ച്ച​തെ​ന്നാ​ണ് പ​റ​യ​പ്പെ​ടു​ന്ന​ത്. എ​ന്നാ​ൽ, പി​ന്നീ​ട് പു​ലി​മു​ട്ട് നി​ർ​മാ​ണം ന​ട​ന്നി​ല്ല. മ​ദ്രാ​സ് ഐ.​ഐ.​ടി സം​ഘം ന​ട​ത്തി​യ പ​ഠ​ന​ത്തി​ലും പു​ലി​മു​ട്ടി​ന്‍റെ അ​നി​വാ​ര്യ​ത​ക്ക്​ അ​ടി​വ​ര​യി​ടു​ന്നു​ണ്ട്.

തീ​ര​ശോഷണം ടൂ​റി​സ​ത്തി​നും വി​ന

ഫോ​ർ​ട്ട്​​കൊ​ച്ചി ക​ട​ൽ​തീ​രം സ​ഞ്ചാ​രി​ക​ളു​ടെ പ​റു​ദീ​സ​യാ​യാ​ണ് ഒ​രു​കാ​ല​ത്ത്​ വി​ശേ​ഷി​പ്പി​ച്ചി​രു​ന്ന​ത്. വി​ശാ​ല ക​ട​പ്പു​റം ക​ട​ൽ​ക​യ​റ്റ​ത്തെ തു​ട​ർ​ന്ന് നാ​മ​മാ​ത്ര​മാ​യി. ചെ​റി​യ ക​ട​പ്പു​റ​ത്ത് മാ​ലി​ന്യം അ​ടി​യു​ന്ന​തി​നാ​ൽ സ​ഞ്ചാ​രി​ക​ൾ നി​രാ​ശ​രാ​യി മ​ട​ങ്ങു​ന്ന കാ​ഴ്ച​യാ​ണ് നി​ല​വി​ൽ.

ആ​ഴം കൂ​ട്ടു​ന്ന​ത് വി​ന​യാ​കു​ന്നു

കൊ​ച്ചി​ൻ പോ​ർ​ട്ട് ഇ​പ്പോ​ഴും വ​ർ​ഷം മു​ഴു​വ​ൻ ഡ്ര​ഡ്ജി​ങ് കോ​ർ​പ​റേ​ഷ​ൻ ഒാ​ഫ് ഇ​ന്ത്യ​യെ​ക്കൊ​ണ്ട്​ മ​ണ്ണ് മാ​ന്തി​ച്ചാ​ണ് തു​റ​മു​ഖ​ത്തി​ന്‍റെ ആ​ഴം നി​ല​നി​ർ​ത്തു​ന്ന​ത്. ക​ഴി​ഞ്ഞ വ​ർ​ഷം ഇ​തി​നാ​യി 150 കോ​ടി​യാ​ണ് ചെ​ല​വ​ഴി​ച്ച​ത്.

ഒ​രു വ​ർ​ഷം ഡ്ര​ഡ്ജി​ങ് ന​ട​ത്തി​യി​ല്ലെ​ങ്കി​ൽ കൊ​ച്ചി​ൻ പോ​ർ​ട്ടും അ​ട​ഞ്ഞു​പോ​കു​മെ​ന്ന​താ​ണ് സ്ഥി​തി. തു​റ​മു​ഖം നി​ർ​മി​ച്ച​പ്പോ​ൾ​ത​ന്നെ അ​ഴി​മു​ഖ​ത്തി​ന്‍റെ ഇ​രു​ക​ര​ക​ളാ​യ ഫോ​ർ​ട്ട്കൊ​ച്ചി​യി​ലും വൈ​പ്പി​നി​ലും ര​ണ്ട് മൈ​ൽ നീ​ള​ത്തി​ൽ ക​ട​ലി​ലേ​ക്ക്​ പു​ലി​മു​ട്ട് നി​ർ​മി​ക്ക​ണ​മെ​ന്ന് പ​റ​ഞ്ഞി​രു​ന്നു.

തു​റ​മു​ഖ​ത്തു​നി​ന്ന് വേ​ലി​യി​റ​ക്ക​ത്തി​ൽ ക​ട​ലി​ലേ​ക്കു​ള്ള ഒ​ഴു​ക്കി​ൽ അ​ഴി​മു​ഖ​ത്തി​ന്‍റെ തെ​ക്ക​ൻ ക​ട​ലി​ൽ ഉ​ണ്ടാ​കു​ന്ന ചു​ഴി​യി​ൽ (എ​തി​ർ ഒ​ഴു​ക്ക്) തീ​ര​ക്ക​ട​ലി​ൽ തെ​ക്കു​നി​ന്ന് വ​ട​ക്കോ​ട്ട് ഒ​ഴു​ക്ക് രൂ​പ​പ്പെ​ടു​ന്നു. ഇ​ങ്ങ​നെ ഒ​ഴു​കി​പ്പോ​കു​ന്ന വെ​ള്ള​ത്തോ​ടൊ​പ്പം അ​ന്ധ​കാ​ര​ന​ഴി മു​ത​ൽ ചെ​ല്ലാ​നം ഫോ​ർ​ട്ട് കൊ​ച്ചി വ​രെ​യു​ള്ള തീ​ര​ക്ക​ട​ലി​ലെ മ​ണ്ണ് ഒ​ഴു​കി​പ്പോ​കും.

1928 മു​ത​ൽ തെ​ക്ക​ൻ തീ​ര​ത്തു​നി​ന്നും ഒ​ഴു​കി​പ്പോ​യ മ​ണ്ണ് അ​ടി​ഞ്ഞ് പു​തു​താ​യി ഉ​ണ്ടാ​യ ക​ര​യാ​ണ് പു​തു​വൈ​പ്പി​ൻ. ഫോ​ർ​ട്ട്കൊ​ച്ചി മു​ത​ൽ ചെ​ല്ലാ​നം അ​ന്ധ​കാ​ര​ന​ഴി വ​രെ അ​ര കി.​മീ. മു​ത​ൽ മൂ​ന്ന്​ കി.​മീ. വ​രെ വീ​തി​യി​ൽ 25 കി.​മീ. നീ​ള​ത്തി​ലാ​ണ് ക​ര ന​ഷ്ട​പ്പെ​ട്ട​ത്. ക​ട​ൽ ആ​ക്ര​മ​ണം മൂ​ലം റ​വ​ന്യൂ​ഭൂ​മി ഏ​റ്റ​വും കൂ​ടു​ത​ൽ ന​ഷ്ട​പ്പെ​ട്ട​ത് ചെ​ല്ലാ​ന​ത്താ​ണ്.

വി.​ടി. സെ​ബാ​സ്റ്റ്യ​ൻ(ചെ​ല്ലാ​നം-​കൊ​ച്ചി ജ​ന​കീ​യ സ​മി​തി ക​ൺ​വീ​ന​ർ)