മറ്റപ്പള്ളിയിൽനിന്ന്​ ചിറകടിച്ചുയർന്ന്​ ബുൾ ബുൾ

ഇ​ള​ങ്ങു​ളം: എ​ട്ടു​വ​ർ​ഷ​മാ​യി എ​ത്ര​യോ സം​ഘം ബു​ൾ ബു​ൾ പ​ക്ഷി​ക​ൾ​ക്ക് ആ​തി​ഥ്യ​മ​രു​ളി​യ വീ​ട്. ഇ​വി​ടെ​നി​ന്ന് ചി​റ​ക​ടി​ച്ച് പു​തി​യ ലോ​ക​ത്തേ​ക്ക് പ​റ​ന്നു​തു​ട​ങ്ങി​യ കു​ഞ്ഞു​ങ്ങ​ൾ. ഇ​ള​ങ്ങു​ളം വൃ​ന്ദാ​വ​ൻ കോം​പ്ല​ക്സി​ൽ മ​റ്റ​പ്പ​ള്ളി​ൽ വീ​ടാ​ണ് ഇ​വ​ക്ക്​ ആ​തി​ഥ്യ​മ​രു​ളു​ന്ന​ത്.

ആ​തി​ഥേ​യ​ർ ജോ​സ​ഫ് മ​റ്റ​പ്പ​ള്ളി​യും ഭാ​ര്യ ആ​ലീ​സും. ഇ​വ​രു​ടെ സ്വീ​ക​ര​ണ​മു​റി​യി​ലെ ഭി​ത്തി​യി​ൽ​വെ​ച്ച ഫ്ല​വ​ർ​വേ​സി​ൽ എ​ട്ടു​വ​ർ​ഷ​ത്തി​ലേ​റെ​യാ​യി ഓ​രോ​സം​ഘം പ​ക്ഷി​ക​ൾ മു​ട​ങ്ങാ​തെ​യെ​ത്തി മു​ട്ട​യി​ട്ട് അ​ട​യി​രി​ക്കും. ബു​ൾ ബു​ൾ കു​ഞ്ഞു​ങ്ങ​ൾ വീ​ട്ടു​കാ​രെ ഭ​യ​ക്കാ​തെ വീ​ട്ടി​ൽ പ​റ​ന്നു​ന​ട​ക്കും.

പ​റ​ക്ക​മു​റ്റി കു​ഞ്ഞു​ങ്ങ​ൾ പോ​യാ​ൽ വീ​ണ്ടും കൂ​ട് വൃ​ത്തി​യാ​ക്കി​വെ​ക്കും. അ​ടു​ത്ത ഇ​ണ​പ്പ​ക്ഷി​ക​ൾ ദി​വ​സ​ങ്ങ​ൾ​ക്കു​ള്ളി​ൽ ഇ​തേ കൂ​ട് തേ​ടി​യെ​ത്തി കൂ​ടൊ​രു​ക്കി മു​ട്ട​യി​ടും.

ഒ​രു സം​ഘ​മൊ​രു​ക്കി​യ കൂ​ടി​െൻറ അ​വ​ശി​ഷ്​​ടം പൂ​ക്കൂ​ട​യി​ലു​ണ്ടെ​ങ്കി​ൽ അ​ടു​ത്ത​സം​ഘം അ​തി​ലി​രി​ക്കി​ല്ല. അ​തി​നാ​ൽ വൃ​ത്തി​യാ​ക്കി​വെ​ക്കാ​ൻ ജോ​സ​ഫ് ശ്ര​ദ്ധി​ക്കും. ജ​ന​ലി​ന് മു​ക​ളി​ലെ ദ്വാ​ര​ത്തി​ലൂ​ടെ മാ​ത്ര​മാ​ണ് അ​ക​ത്തു​ക​ട​ക്കു​ന്ന​തും പു​റ​ത്തേ​ക്കു​ള്ള യാ​ത്ര​യും. ജോ​സ​ഫി​െൻറ താ​ൽ​പ​ര്യാ​ർ​ഥം ഫോ​ട്ടോ​ഗ്രാ​ഫ​ർ പി​ക്‌​സ​ൽ വേ​ൾ​ഡ് ക​ണ്ണ​ൻ പ​ക്ഷി​ക​ളു​ടെ വി​വി​ധ ചി​ത്ര​ങ്ങ​ൾ പ​ക​ർ​ത്തി​ന​ൽ​കി.