അസം സ്വദേശിയിൽനിന്ന് ബ്രൗൺഷുഗർ പിടികൂടി

കരിമുകൾ: വിൽപനക്കായി കൊണ്ടുവന്ന വൻ ബ്രൗൺഷുഗർ ശേഖരം അമ്പലമേട് പൊലീസ് പിടികൂടി. മഫ്തിയിലെത്തിയ പൊലീസിനെ കണ്ട് കടന്നുകളയാൻ ശ്രമിച്ച പ്രതിയെ പിന്തുടർന്ന് സഹസികമായി പിടികൂടുകയായിരുന്നു. അസം സ്വദേശി മുജിബുർ റഹ്മാനാണ് അറസ്റ്റിലായത്.

അമ്പലമേട് എസ്.എച്ച്.ഒ ലാൽ സി. ബേബിക്ക് ലഭിച്ച രഹസ്യവിവരത്തിന്‍റെ അടിസ്ഥാനത്തിൽ എസ്.ഐ അബ്ദുൽ ജബ്ബാറിന്‍റെ നേതൃത്വത്തിൽ സീനിയർ സി.പി.ഒമാരായ സുഫൽ ജോൺ, കെ.ആർ. സുനിൽ, സി.പി.ഒ രതിൻ എന്നിവരാണ് പ്രതിയെ പിടികൂടിയത്.