മൂഴിക്കുളത്ത് 40ഓളം പക്ഷികളെ കണ്ടെത്തി

മൂഴിക്കുളം: മൂഴിക്കുളത്ത് ദേശാടന പക്ഷികളുടെ കിളിനാദം തേടി പക്ഷി-പ്രകൃതി നിരീക്ഷകരെത്തി. സെന്റർ ഫോർ ട്രോപ്പിക്കൽ ബയോഡൈവേഴ്സിറ്റി കൺസർവേഷനും മൂഴിക്കുളം ശാലയും സംയുക്തമായി പക്ഷി ശാസ്‌ത്രജ്ഞരായ ഡോ. സന്ദീപ്, ഡോ. അനൂപ്, ഡോ. ആരിഫ് എന്നിവരുടെ നേതൃത്വത്തിൽ മൂഴിക്കുളം ശാലയിലും പരിസരങ്ങളിലുമായി വിദഗ്ദരായ 12 പേർ മൂന്നു മണിക്കൂറോളം നടത്തിയ നിരീക്ഷണത്തിൽ 40ൽ അധികം പക്ഷികളെ തിരിച്ചറിഞ്ഞു. വ്യത്യസ്ത പക്ഷികളുടെ സ്വഭാവങ്ങൾ, ശബ്ദങ്ങൾ, ആവാസ വ്യവസ്ഥകൾ എന്നിവയെക്കുറിച്ച ചർച്ചയും അവലോകനവും നടന്നു. ശാസ്‌ത്രജ്ഞരായ ഡോ. സന്ദീപ്, ഡോ. അനൂപ്, ഡോ. ഹാരിഫ് എന്നിവർ നേതൃത്വം നൽകി.