Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightAnkamalychevron_rightകെ-റെയിൽ സർവേക്കല്ല്...

കെ-റെയിൽ സർവേക്കല്ല് സ്ഥാപിക്കൽ; ചമ്പന്നൂരില്‍ സംഘർഷം

text_fields
bookmark_border
കെ-റെയിൽ സർവേക്കല്ല് സ്ഥാപിക്കൽ; ചമ്പന്നൂരില്‍ സംഘർഷം
cancel
camera_alt

അങ്കമാലി നഗരസഭയുടെ 29ാം വാര്‍ഡില്‍പ്പെട്ട ചമ്പന്നൂര്‍ പുന്നാരിക്കടവ് ഭാഗത്ത് കെ.റെയില്‍ പദ്ധതിക്കായി സര്‍വെക്കല്ല് സ്ഥാപിക്കാനത്തെിയ ഉദ്യോഗസ്ഥരെ തടഞ്ഞ യൂത്ത് കോണ്‍ഗ്രസ് അങ്കമാലി ബ്ലോക്ക് ജനറല്‍ സെക്രട്ടറി റിന്‍സ് ജോസിനെ അറസ്റ്റ് ചെയ്ത് നീക്കുന്നു

അ​ങ്ക​മാ​ലി: മ​ണ്ഡ​ല​ത്തി​ലെ വി​വി​ധ ഭാ​ഗ​ങ്ങ​ളി​ല്‍ പൊ​ലീ​സ് സ​ന്നാ​ഹ​ത്തെ വി​ന്യ​സി​ച്ച് കെ-​റെ​യി​ല്‍ പ​ദ്ധ​തി​ക്ക്​ സ​ർ​വേ​ക്ക​ല്ലു​ക​ള്‍ സ്ഥാ​പി​ക്കു​ന്ന​ത് വ്യാ​പ​ക​മാ​യ​തോ​ടെ പ്ര​തി​ഷേ​ധ​വും ശ​ക്ത​മാ​യി. അ​ങ്ക​മാ​ലി ന​ഗ​ര​സ​ഭ​യു​ടെ 29ാം വാ​ര്‍ഡി​ല്‍പ്പെ​ട്ട ച​മ്പ​ന്നൂ​ര്‍ പു​ന്നാ​രി​ക്ക​ട​വ് ഭാ​ഗ​ത്ത് വ്യാ​ഴാ​ഴ്ച രാ​വി​ലെ സ​ർ​വേ​ക്ക​ല്ലു​ക​ള്‍ സ്ഥാ​പി​ക്കാ​നെ​ത്തി​യ കെ-​റെ​യി​ല്‍ പ​ദ്ധ​തി ഉ​ദ്യോ​ഗ​സ്ഥ​രെ കോ​ണ്‍ഗ്ര​സി​ന്‍റെ​യും കെ-​റെ​യി​ല്‍ വി​രു​ദ്ധ സ​മി​തി​യു​ടെ​യും നേ​തൃ​ത്വ​ത്തി​ല്‍ ത​ട​ഞ്ഞ​ത് സം​ഘ​ര്‍ഷ​ത്തി​ന് ഇ​ട​യാ​ക്കി. ഉ​ദ്യോ​ഗ​സ്ഥ​രും പ്ര​തി​ഷേ​ധ​ക്കാ​രും ത​മ്മി​ല്‍ ഏ​റെ നേ​രം വാ​ഗ്വാ​ദ​മു​ണ്ടാ​യി. ഒ​ടു​വി​ല്‍ സ്ത്രീ​ക​ള​ട​ക്ക​മു​ള്ള പ്ര​തി​ഷേ​ധ​ക്കാ​രെ അ​റ​സ്റ്റ് ചെ​യ്തു നീ​ക്കു​ക​യാ​യി​രു​ന്നു.

ച​മ്പ​ന്നൂ​രി​ല്‍ മാ​ത്രം പ​ദ്ധ​തി​ക്കാ​യി 200ഓ​ളം പേ​രു​ടെ വ​സ്തു വ​ക​ക​ളും 100ഓ​ളം പേ​രു​ടെ കി​ട​പ്പാ​ട​വും ന​ഷ്ട​പ്പെ​ടു​മെ​ന്നാ​ണ് ചൂ​ണ്ടി​ക്കാ​ണി​ക്ക​പ്പെ​ടു​ന്ന​ത്. രാ​വി​ലെ ഉ​ദ്യോ​ഗ​സ്ഥ​ര്‍ ക​ല്ലു നാ​ട്ടാ​ന്‍ തൊ​ഴി​ലാ​ളി​ക​ളെ​യും ഉ​പ​ക​ര​ണ​ങ്ങ​ളു​മാ​യി എ​ത്തി​യ​തോ​ടെ സ​ര്‍ക്കാ​റി​നും പൊ​ലീ​സി​നും കെ-​റെ​യി​ല്‍ ഉ​ദ്യോ​ഗ​സ്ഥ​ർ​ക്കു​മെ​തി​രെ സ്ത്രീ​ക​ള​ട​ക്കം 200ഓ​ളം വ​രു​ന്ന പ്ര​തി​ഷേ​ധ​ക്കാ​ര്‍ പ്ല​ക്കാ​ര്‍ഡും മു​ദ്രാ​വാ​ക്യ​വു​മാ​യി പ്ര​തി​ഷേ​ധി​ക്കു​ക​യാ​യി​രു​ന്നു. പ്ര​തി​ഷേ​ധ​ക്കാ​രെ നേ​രി​ടാ​ന്‍ 100ലേ​റെ വ​നി​ത​ക​ള​ട​ക്ക​മു​ള്ള പൊ​ലീ​സ് സ​ന്നാ​ഹ​മാ​ണ് സ്ഥ​ല​ത്ത് നി​ല​യു​റ​പ്പി​ച്ചി​രു​ന്ന​ത്. റോ​ഡി​ല്‍ കു​ത്തി​യി​രു​ന്ന​തോ​ടെ അ​ങ്ക​മാ​ലി എ​സ്.​എ​ച്ച്.​ഒ സോ​ണി മ​ത്താ​യി​യു​ടെ നേ​തൃ​ത്വ​ത്തി​ല്‍ പൊ​ലീ​സ് പ്ര​തി​ഷേ​ധ​ക്കാ​രെ ബ​ല​മാ​യി പി​ടി​ച്ചു മാ​റ്റു​ക​യു​മാ​യി​രു​ന്നു.

യൂ​ത്ത് കോ​ണ്‍ഗ്ര​സ് അ​ങ്ക​മാ​ലി ബ്ലോ​ക്ക് ജ​ന​റ​ല്‍ സെ​ക്ര​ട്ട​റി റി​ന്‍സ് ജോ​സ്, വ​യോ​ധി​ക​യാ​യ ത്രേ​സ്യാ​മ്മ ഫ്രാ​ന്‍സി​സ്, സി​ജി പോ​ള്‍ എ​ന്നി​വ​രെ​യ​ട​ക്കം പൊ​ലീ​സ് ബ​ല​മാ​യി വാ​ഹ​ന​ത്തി​ല്‍ ക​യ​റ്റി. 12 പേ​രാ​ണ് അ​റ​സ്റ്റി​ലാ​യ​ത്. അ​ങ്ക​മാ​ലി പൊ​ലീ​സ് സ്റ്റേ​ഷ​നി​ലെ​ത്തി​ച്ച ഇ​വ​രെ പി​ന്നീ​ട് ജാ​മ്യ​ത്തി​ല്‍ വി​ട്ട​യ​ച്ചു.

പ്ര​തി​ഷേ​ധം അ​റി​ഞ്ഞെ​ത്തി​യ അ​ങ്ക​മാ​ലി ന​ഗ​ര​സ​ഭ ചെ​യ​ര്‍മാ​ന്‍ റെ​ജി മാ​ത്യു, മു​ന്‍ വാ​ര്‍ഡ് കൗ​ണ്‍സി​ല​ര്‍ അ​ഡ്വ.​സാ​ജി ജോ​സ​ഫ് എ​ന്നി​വ​ര്‍ പൊ​ലീ​സി​ന്‍റെ​യും കെ-​റെ​യി​ല്‍ ഉ​ദ്യോ​ഗ​സ്ഥ​രു​ടെ​യും ന​ട​പ​ടി ചോ​ദ്യം ചെ​യ്തു. കോ​ട​തി​യെ മ​റ​യാ​ക്കി ഉ​ദ്യോ​ഗ​സ്ഥ​ര്‍ കി​രാ​ത​വും ക്രൂ​ര​വു​മാ​യ ന​ട​പ​ടി​ക​ളാ​ണ് സ്വീ​ക​രി​ക്കു​ന്ന​തെ​ന്നും പൊ​ലീ​സ് രാ​ജി​നെ​യും ഭ​ര​ണ ഹു​ങ്കി​നെ​യും ജ​നാ​ധി​പ​ത്യ രീ​തി​യി​ല്‍ ചെ​റു​ത്ത് തോ​ല്‍പ്പി​ക്കു​മെ​ന്നും നേ​താ​ക്ക​ള്‍ പ​റ​ഞ്ഞു.

പ്ര​തി​ഷേ​ധ യോ​ഗം ന​ഗ​ര​സ​ഭ ചെ​യ​ര്‍മാ​ന്‍ റെ​ജി മാ​ത്യു ഉ​ദ്ഘാ​ട​നം ചെ​യ്തു. വാ​ര്‍ഡ് കൗ​ണ്‍സി​ല​ര്‍ മ​നു നാ​രാ​യ​ണ​ന്‍, കൗ​ണ്‍സി​ല​ര്‍ ഷൈ​നി മാ​ര്‍ട്ടി​ന്‍, സാ​ജി ജോ​സ​ഫ്, സി.​കെ. സൈ​മ​ണ്‍, സി.​കെ വ​ര്‍ഗീ​സ്, ടി.​കെ. ത​ങ്ക​പ്പ​ന്‍, സാ​ല്‍വി​ന്‍ കെ.​പി, അ​നീ​ഷ് മ​ണ​വാ​ള​ന്‍, റി​ന്‍സ് ജോ​സ്, ബേ​ബി പ​ള്ളി​പ്പാ​ട്ട്, സി​ജി പോ​ള്‍, സ​നൂ​പ് ത​ങ്ക​പ്പ​ന്‍, സ്റ്റാ​ര്‍ലി​ന്‍, ജേ​ക്ക​ബ്, ഹ്യ​ദി​ന്‍ ആ​ന്‍റ​ണി, ടി​നു ഫ്രാ​ന്‍സി​സ്, പി.​ഡി. ബാ​ബു, വി​പി​ന്‍ തോ​മ​സ്, ബൈ​ജു ചെ​ന്ന​ക്കാ​ട​ന്‍, ത്രേ​സ്യാ​മ്മ ഫ്രാ​ന്‍സി​സ്, ലാ​ലി യാ​ക്കോ​ബ്, അം​ബി​ക ബാ​ല​ന്‍ എ​ന്നി​വ​ര്‍ സം​സാ​രി​ച്ചു.

ബു​ധ​നാ​ഴ്ച ന​ഗ​ര​സ​ഭ പ​രി​ധി​യി​ലെ പീ​ച്ചാ​നി​ക്കാ​ട് ഭാ​ഗ​ത്തും പ​ദ്ധ​തി​ക്കാ​യി സ​ർ​വേ​ക്ക​ല്ലു​ക​ള്‍ സ്ഥാ​പി​ച്ചു.

Show Full Article
TAGS:K Rail silverline 
News Summary - Conflict in Champanur over installation of K-rail survey stone
Next Story