അഗ്രോ സർവിസ് സെന്ററിലെ കാർഷികോപകരണങ്ങൾ നശിക്കുന്നു

അ​ങ്ക​മാ​ലി: ബ്ലോ​ക്ക് പ​ഞ്ചാ​യ​ത്തി​ന്റെ നി​യ​ന്ത്ര​ണ​ത്തി​ൽ തു​റ​വൂ​ർ പ​ഞ്ചാ​യ​ത്തി​ലെ കി​ട​ങ്ങൂ​രി​ൽ അ​ര ഏ​ക്ക​ർ സ്ഥ​ല​ത്തെ ആ​ഗ്രോ സ​ർ​വീ​സ് സെ​ന്റ​ർ മാ​ലി​ന്യ സം​ഭ​ര​ണ​കേ​ന്ദ്ര​മാ​കു​ന്ന​താ​യി ആ​ക്ഷേ​പം. തെ​രു​വ് നാ​യ്ക്ക​ൾ പെ​റ്റു​പെ​രു​കു​ന്ന​താ​യും നാ​ഥ​നി​ല്ലാ​ത്ത അ​വ​സ്ഥ​യാ​ണെ​ന്നു​മാ​ണ് ആ​ക്ഷേ​പം. ക​ർ​ഷ​ക​ർ​ക്ക് കൃ​ഷി​ചെ​യ്യു​ന്ന​തി​നാ​വ​ശ്യ​മാ​യ കാ​ർ​ഷി​ക ഉ​പ​ക​ര​ണ​ങ്ങ​ൾ കു​റ​ഞ്ഞ നി​ര​ക്കി​ൽ ല​ഭ്യ​മാ​ക്കു​ക ല​ക്ഷ്യ​ത്തോ​ടെ ആ​രം​ഭി​ച്ച സെ​ന്‍റ​ർ ശോ​ച്യാ​വ​സ്ഥ​യു​ടെ രൂ​ക്ഷാ​വ​സ്ഥ നേ​രി​ടു​ക​യാ​ണ്.

കാ​ർ​ഷി​ക യ​ന്ത്ര​ങ്ങ​ള​ധി​ക​വും തു​രു​മ്പെ​ടു​ത്ത് ന​ശി​ക്കു​ക​യാ​ണ്. സെ​ന്റ​റി​ന് സ​മീ​പം വ​നി​ത വി​ക​സ​ന​കേ​ന്ദ്ര​ത്തി​ന്റെ പേ​രി​ൽ ആ​രം​ഭി​ച്ച സി​മ​ൻ​റ് ക​ട്ട നി​ർ​മ്മാ​ണ യൂ​നി​റ്റ് ഒ​ന്ന​ര വ​ർ​ഷ​മാ​യി അ​ട​ച്ചു​പൂ​ട്ടി​യി​രി​ക്കു​ക​യാ​ണ്. അ​ര​ക്കോ​ടി​യോ​ളം മു​ട​ക്കി വാ​ങ്ങി​യ കൊ​യ്ത്ത് മെ​തി​യ​ന്ത്രം, ട്രാ​ക്ട​ർ,ടി​ല്ല​ർ, ക​ള​പ​റി​ക്കു​ന്ന​തി​നും കു​ഴി​യെ​ടു​ക്കു​ന്ന​തി​നും മ​റ്റും ഉ​പ​യോ​ഗി​ക്കാ​നു​ള്ള യ​ന്ത്ര​ങ്ങ​ള​ട​ക്കം ഉ​പ​യോ​ഗ​ശൂ​ന്യ​മാ​യി കി​ട​ന്ന് തു​രു​മ്പെ​ടു​ത്ത് ന​ശി​ക്കു​ക​യു​മാ​ണ്.

കാ​ർ​ഷി​ക ഉ​പ​ക​ര​ണ​ങ്ങ​ൾ ക​ർ​ഷ​ക​ർ​ക്ക് ഉ​പ​യോ​ഗ​പ്പെ​ടു​ത്തു​ന്ന​തി​നും നോ​ക്കി ന​ട​ത്തു​ന്ന​തി​നും മ​റ്റും നേ​ര​ത്തെ ചു​മ​ത​ല​ക്കാ​രു ണ്ടാ​യി​രു​ന്നു​വെ​ങ്കി​ലും ഇ​പ്പോ​ൾ ആ​രും ഇ​ങ്ങോ​ട്ട് തി​രി​ഞ്ഞ് നോ​ക്കു​ന്നി​ല്ല. പ​ല പ​ര​മ്പ​രാ​ഗ​ത ക​ർ​ഷ​ക​രും കാ​ർ​ഷി​ക ഉ​പ​ക​ര​ണ​ങ്ങ​ളി​ല്ലാ​ത്ത​തി​നാ​ൽ വ​ല​യു​ക​യാ​ണ്. സ്വ​കാ​ര്യ വ്യ​ക്തി​ക​ൾ വാ​ട​ക​ക്ക് ന​ൽ​കു​ന്ന യ​ന്ത്ര​ങ്ങ​ൾ ഭീ​മ​മാ​യ തു​ക​ക്ക് ന​ൽ​കി​യെ​ടു​ത്താ​ണ് എ​ടു​ക്കേ​ണ്ട സ്ഥി​തി​യാ​ണ്. ഉ​പ​ക​ര​ണ​ങ്ങ​ളു​ടെ അ​പ​ര്യാ​പ്ത​ത​മൂ​ലം ഏ​ക്ക​ർ​ക​ണ​ക്കി​ന് ത​രി​ശി​ട​ങ്ങ​ളി​ലെ നെ​ൽ​കൃ​ഷി​യും മ​റ്റു വി​വി​ധ കൃ​ഷി​ക​ളും പ​ല​യി​ട​ത്തും നി​ല​ച്ചി​രി​ക്കു​ക​യാ​ണ്.

ആ​ഗ്രോ സ​ർ​വീ​സ് സെ​ന്റ​റി​ലെ യ​ന്ത്ര​ങ്ങ​ളു​ടെ വാ​ട​ക​യി​ന​ത്തി​ൽ ല​ഭി​ച്ച 20 ല​ക്ഷം രൂ​പ അ​ങ്ക​മാ​ലി അ​ർ​ബ​ൻ സ​ഹ​ക​ര​ണ സം​ഘ​ത്തി​ലാ​ണ് നി​ക്ഷേ​പി​ച്ചി​രി​ക്കു​ന്ന​ത്. ബാ​ങ്കി​ൽ തി​രി​മ​റി ന​ട​ന്ന​തോ​ടെ സെൻറ​ർ വ​ക ഫ​ണ്ടും പ്ര​തി​സ​ന്ധി​യി​ലാ​യി. സ്ഥാ​പ​ന​ത്തി​ന്‍റെ ശോ​ച്യാ​വ​സ്ഥ​യും നി​രു​ത്ത​ര​വാ​ദ​ത്ത​വും ക​ർ​ഷ​ക​ർ അ​ട​ക്ക​മു​ള്ള​വ​ർ ചൂ​ണ്ടി​ക്കാ​ണി​ച്ചി​ട്ടും ബ​ന്ധ​പ്പെ​ട്ട അ​ധി​കാ​രി​ക​ൾ ഗൗ​നി​ക്കു​ന്നി​ല്ലെ​ന്നാ​ണ്​ ആ​ക്ഷേ​പം. ഇ​തേ​ത്തു​ട​ർ​ന്ന് പ്ര​ക്ഷോ​ഭ സ​മ​ര​ത്തെ​ക്കു​റി​ച്ച്​ ആ​ലോ​ചി​ക്കു​ക​യാ​ണ് ക​ർ​ഷ​ക​രും നാ​ട്ടു​കാ​രും.