ലോക അമച്വർ ചെസ് മത്സരം: ഡോ. നിമ്മി.എ.ജോർജ് രാജ്യത്തെ പ്രതിനിധീകരിക്കും

ആലുവ: ഒക്ടോബർ 16 മുതൽ 26 വരെ ഗ്രീസിലെ റോഡ്സിൽ നടക്കുന്ന ലോക അമച്വർ ചെസ് മത്സരത്തിൽ ഡോ.നിമ്മി.എ.ജോർജ് രാജ്യത്തെ പ്രതിനിധീകരിക്കും. 2001 ൽ ഇറാനിൽ നടന്ന ഏഷ്യൻ ജൂനിയർ ഗേൾസ് ചെസ്സിലും, 2006 ൽ ഇംഗ്ലണ്ടിലെ ജിബ്രാൾട്ടറിൽ നടന്ന അന്തർദേശീയ ചെസ് മത്സരത്തിലും, 2009 ൽ നടന്ന വനിതകളുടെ ഏഷ്യൻ ടീം ചെസ് മത്സരത്തിൽ ഇന്ത്യ ബി ടീമിലും നിമ്മി ഇന്ത്യയെ പ്രതിനിധീകരിച്ചിരുന്നു. തൃക്കാക്കര ഭാരത മാത കോളജിലെ കോമേഴ്സ് വകുപ്പ് മേധാവിയാണ് നിമ്മി.ആലുവ ദേശം അറയ്ക്കപറമ്പിൽ പ്രഫ. ജോർജ് ജോണിൻ്റെയും ലാലിയുടെയും മകളാണ്.