നിയമ വിദ്യാർഥിനിയുടെ മരണം: വനിത കമീഷൻ മുതലക്കണ്ണീർ ഒഴുക്കുന്നു - എം.എൽ.എ

ആലുവ: യുവതി ആത്മഹത്യ ചെയ്ത സംഭവത്തിൽ സംസ്‌ഥാന വനിത കമീഷൻ മുതല കണ്ണീർ ഒഴുക്കുകയാണെന്ന് അൻവർ സാദത്ത് എം.എൽ.എ ആരോപിച്ചു. പീഡനത്തെ തുടർന്ന് യുവതി വനിത കമീഷന് പരാതി നൽകിയിരുന്നതാണ്. എന്നാൽ, ആരും തിരിഞ്ഞുനോക്കിയില്ല. ഒടുവിൽ ദേശീയ മനുഷ്യാവകാശായ കമീഷനാണ് ആശ്രയമായത്. സംഭവം വിവാദമായതോടെ നാടകം കളിക്കാനാണ് വനിത കമീഷൻ യുവതിയുടെ വീട് സന്ദർശിച്ചതെന്നും എം.എൽ.എ ആരോപിച്ചു.