പുഴയിൽ ജലനിരപ്പ് ഉയർന്നപ്പോൾ റെഗുലേറ്റർ ഷട്ടറുകൾ അടച്ചിട്ടു; പാടങ്ങളിൽ വെള്ളംകയറി കൃഷിനശിച്ചു

ആ​ലു​വ: ക​ടു​ങ്ങ​ല്ലൂ​ർ ഗ്രാ​മ​പ​ഞ്ചാ​യ​ത്തി​ലെ വി​വി​ധ പ്ര​ദേ​ശ​ങ്ങ​ളി​ൽ വ്യാ​പ​ക കൃ​ഷി​നാ​ശം. പെ​രി​യാ​റി​ലെ പാ​താ​ളം റെ​ഗു​ലേ​റ്റ​ർ കം ​ബ്രി​ഡ്ജി​ന്റെ ഷ​ട്ട​റു​ക​ൾ യ​ഥാ​സ​മ​യം ഉ​യ​ർ​ത്താ​ത്ത​താ​ണ് കാ​ര​ണം. പെ​രി​യാ​റി​ൽ ജ​ല​നി​ര​പ്പ് ഉ​യ​ർ​ന്ന​പ്പോ​ൾ റെ​ഗു​ലേ​റ്റ​ർ ഷ​ട്ട​റു​ക​ൾ അ​ട​ച്ചി​ട്ട​തു​മൂ​ലം പാ​ട​ങ്ങ​ളി​ൽ വെ​ള്ളം​ക​യ​റി കൃ​ഷി​ന​ശി​ച്ചു. കു​റ​ച്ചു​ദി​വ​സ​ങ്ങ​ൾ​ക്ക് മു​മ്പ്​ പെ​യ്ത ശ​ക്ത​മാ​യ മ​ഴ​ക്കു​ശേ​ഷ​മാ​ണ് പ​ല​രും വി​ത്തു​വി​ത​ച്ച​ത്.

ഷ​ട്ട​റു​ക​ൾ യ​ഥാ​സ​മ​യം ഉ​യ​ർ​ത്താ​ത്ത​താ​ണ് പ്ര​ശ്ന​ത്തി​ന് വ​ഴി​വെ​ച്ച​തെ​ന്ന് ക​ർ​ഷ​ക​ർ ആ​രോ​പി​ച്ചു. ഈ ​ദു​ര​വ​സ്ഥ​ക്കെ​തി​രെ ക​ഴി​ഞ്ഞ​മാ​സം ന​ട​ന്ന യോ​ഗ​ത്തി​ൽ ഒ​രു ക​ർ​ഷ​ക​ൻ ശ​ക്ത​മാ​യി പ്ര​തി​ക​രി​ച്ചി​രു​ന്നു.

എ​ന്നി​ട്ടും അ​ധി​കൃ​ത​ർ അ​നാ​സ്ഥ തു​ട​രു​ക​യാ​യി​രു​ന്നു. തി​ങ്ക​ളാ​ഴ്ച പു​ഴ​യി​ൽ ജ​ല​നി​ര​പ്പ് ഉ​യ​ർ​ന്നി​രു​ന്നു. എ​ന്നാ​ൽ, അ​തി​ന​നു​സൃ​ത​മാ​യി ഷ​ട്ട​ർ തു​റ​ക്കാ​ൻ ഉ​ദ്യോ​ഗ​സ്ഥ​ർ ത​യാ​റാ​യി​ല്ല. തി​ങ്ക​ളാ​ഴ്ച രാ​ത്രി വ​ലി​യ​തോ​തി​ൽ പു​ഴ​യി​ൽ വെ​ള്ള​മു​യ​രു​ക​യും തീ​ര​ങ്ങ​ളി​ലെ കൃ​ഷി​ഭൂ​മി​ക​ളി​ലേ​ക്ക് വ്യാ​പ​ക​മാ​യി വെ​ള്ളം ക​യ​റു​ക​യു​മാ​യി​രു​ന്നു. ചൊ​വ്വാ​ഴ്ച രാ​വി​ലെ പാ​ട​ങ്ങ​ളി​ൽ ചെ​ന്ന ക​ർ​ഷ​ക​ർ ക​ണ്ട​ത് വി​ള​ക​ൾ വെ​ള്ള​ത്തി​ൽ മു​ങ്ങി​ക്കി​ട​ക്കു​ന്ന​താ​ണ്. പ​ഞ്ചാ​യ​ത്ത് പ്ര​സി​ഡ​ന്‍റും മ​റ്റ് ജ​ന​പ്ര​തി​നി​ധി​ക​ളും ഇ​ട​പെ​ട്ട​തോ​ടെ ചൊ​വ്വാ​ഴ്ച രാ​വി​ലെ 11ഓ​ടെ ഷ​ട്ട​ർ ഉ​യ​ർ​ത്തി.

ശാ​ശ്വ​ത പ​രി​ഹാ​രം കാ​ണാ​ൻ അ​ധി​കാ​രി​ക​ളും നി​യോ​ജ​ക​മ​ണ്ഡ​ലം എം.​എ​ൽ.​എ കൂ​ടി​യാ​യ മ​ന്ത്രി പി. ​രാ​ജീ​വും ഇ​ട​പെ​ട​ണ​മെ​ന്നും ക​ർ​ഷ​ക​ർ ആ​വ​ശ്യ​പ്പെ​ട്ടു.