അപരിചിത നമ്പറുകൾ ശ്രദ്ധിക്കണം; മുന്നറിയിപ്പുമായി പൊലീസ്

ആ​ലു​വ: അ​പ​രി​ചി​ത ന​മ്പ​റു​ക​ളി​ൽ​നി​ന്ന് വ​രു​ന്ന വി​ഡി​യോ-​ഓ​ഡി​യോ കാ​ളു​ക​ൾ ശ്ര​ദ്ധ​യോ​ടെ കൈ​കാ​ര്യം ചെ​യ്തി​ല്ലെ​ങ്കി​ൽ സ​മ്പാ​ദ്യം ന​ഷ്ട​മാ​കു​മെ​ന്ന മു​ന്ന​റി​യി​പ്പു​മാ​യി റൂ​റ​ൽ ജി​ല്ല പൊ​ലീ​സ്. +92ൽ ​തു​ട​ങ്ങു​ന്ന ന​മ്പ​റു​ക​ളി​ൽ​നി​ന്നാ​ണ് മി​ക്ക​വാ​റും വി​ളി​വ​രു​ന്ന​ത്. ഡി.​പി ഇ​ട്ടി​രി​ക്കു​ന്ന​ത് പൊ​ലീ​സ് ഉ​ദ്യോ​ഗ​സ്ഥ​രെ​ന്ന് തോ​ന്നി​ക്കു​ന്ന ത​ര​ത്തി​ൽ യൂ​നി​ഫോം ധ​രി​ച്ച ഒ​രാ​ളു​ടേ​താ​യി​രി​ക്കും. പ​ര​മാ​വ​ധി അ​സ്വ​സ്ഥ​ത​യും ടെ​ൻ​ഷ​നു​മു​ണ്ടാ​ക്കി പ​ണം കൈ​പ്പ​റ്റു​ക​യാ​ണ് ല​ക്ഷ്യം.

എം.​ബി.​ബി.​എ​സി​ന് പ​ഠി​ക്കു​ന്ന പെ​ൺ​കു​ട്ടി​യു​ടെ പി​താ​വി​നെ അ​ന്വേ​ഷ​ണ സം​ഘ​മാ​ണെ​ന്ന് പ​റ​ഞ്ഞാ​ണ് കാ​ൾ വ​ന്ന​ത്. മ​യ​ക്കു​മ​രു​ന്ന് പി​ടി​കൂ​ടി​യെ​ന്നും മ​ക​ൾ​ക്ക് സം​ഘ​വു​മാ​യി ബ​ന്ധ​മു​ണ്ടെ​ന്നും പ​റ​ഞ്ഞു. മ​ക​ൾ​ക്ക് ഫോ​ൺ കൈ​മാ​റാ​മെ​ന്ന് പ​റ​ഞ്ഞ് വേ​റൊ​രാ​ൾ​ക്ക് കൊ​ടു​ക്കും. ഫോ​ണി​ൽ പെ​ൺ​കു​ട്ടി​യു​ടേ​തെ​ന്ന് തോ​ന്നി​പ്പി​ക്കു​ന്ന ക​ര​ച്ചി​ൽ ശ​ബ്ദം മാ​ത്രം. നി​യ​മ​പ​ര​മാ​യ ന​ട​പ​ടി തു​ട​ങ്ങി​യി​ട്ടി​ല്ലെ​ന്നും വ​ലി​യൊ​രു തു​ക ത​ന്നാ​ൽ പെ​ൺ​കു​ട്ടി​യെ ഒ​ഴി​വാ​ക്കാ​മെ​ന്നും സം​ഘം പ​റ​യും.

മ​റ്റൊ​ന്നും ആ​ലോ​ചി​ക്കാ​തെ സം​ഘം പ​റ​യു​ന്ന പ​ണം ന​ൽ​കു​ക​യാ​ണ് ചെ​യ്യു​ന്ന​ത്. പി​ന്നീ​ട് മ​ക​ളെ വി​ളി​ക്കു​മ്പോ​ഴാ​ണ് ത​ട്ടി​പ്പാ​യി​രു​ന്നു എ​ന്ന് ബോ​ധ്യ​മാ​കു​ന്ന​ത്. നി​ങ്ങ​ളു​ടെ പേ​രി​ൽ അ​ക്കൗ​ണ്ട്​ എ​ടു​ത്തി​ട്ടു​ണ്ട്. അ​തി​ലൂ​ടെ കോ​ടി​ക​ളു​ടെ ക​ള്ള​പ്പ​ണ ഇ​ട​പാ​ട് ന​ട​ന്നി​ട്ടു​ണ്ട്, സിം ​എ​ടു​ത്ത് രാ​ജ്യ​ദ്രോ​ഹ​പ്ര​വ​ർ​ത്ത​ന​ങ്ങ​ൾ​ക്ക് ഉ​പ​യോ​ഗി​ച്ച​താ​യി തെ​ളി​ഞ്ഞി​ട്ടു​ണ്ട്, കൊ​റി​യ​റി​ൽ മ​യ​ക്കു​മ​രു​ന്ന് പി​ടി​കൂ​ടി​യി​ട്ടു​ണ്ട് .വി​ളി​ക്കാ​നു​ള്ള കാ​ര​ണ​ങ്ങ​ൾ ഇ​ങ്ങ​നെ നി​ര​വ​ധി​യാ​ണ്. പ​ല​രും ഭ​യം കൊ​ണ്ട് അ​വ​ർ പ​റ​യു​ന്ന പ​ല അ​ക്കൗ​ണ്ടു​ക​ളി​ലേ​ക്കും പ​ണം നി​ക്ഷേ​പി​ക്കും. ഒ​രു നി​യ​മ​സം​വി​ധാ​ന​വും കേ​സു​മാ​യി ബ​ന്ധ​പ്പെ​ട്ട് അ​ക്കൗ​ണ്ടു​ക​ളി​ലേ​ക്ക് പ​ണം നി​ക്ഷേ​പി​ക്കാ​ൻ ആ​വ​ശ്യ​പ്പെ​ടി​ല്ലെ​ന്നും വി​ഡി​യോ കാ​ൾ വ​ഴി അ​റ​സ്റ്റ് ചെ​യ്യി​ല്ലെ​ന്നും റൂ​റ​ൽ ജി​ല്ല പൊ​ലീ​സ് മേ​ധാ​വി വൈ​ഭ​വ് സ​ക്സേ​ന പ​റ​ഞ്ഞു. ഇ​ത്ത​രം വി​ളി​ക​ൾ വ​രു​മ്പോ​ൾ ജാ​ഗ്ര​ത പാ​ലി​ക്ക​ണ​മെ​ന്നും എ​സ്.​പി പ​റ​ഞ്ഞു.