കുറഞ്ഞ സ്‌ഥലത്ത്‌ കൂടുതൽ ഇമോജികൾ വരച്ച് താരമായി സുഹൈൽ

ആലുവ: കുറഞ്ഞ സ്‌ഥലത്ത്‌ കൂടുതൽ ഇമോജികൾ വരച്ച് താരമായി മുഹമ്മദ് സുഹൈൽ. വീടി​െൻറ ഭിത്തിയിൽ ചെറിയ സ്‌ഥലത്ത്‌ 38 ഇമോജികളാണ്​ വരച്ചത്. ഈ കലാസൃഷ്​ടി ഏഷ്യാബുക്ക് ഓഫ് റെ​േക്കാർഡ്സിലും ഇന്ത്യാ ബുക്ക് ഓഫ് റെക്കാർഡ്സിലും ഇടം നേടി.

ഭിത്തിയിൽ ചെറിയ സമചതുരത്തിൽ 38 ഇമോജികളാണ് വരച്ചത്. ചുമരിൽ പരമാവധി ഇമോജികൾ വരച്ചെന്ന പേരിൽ റെക്കാഡ് രേഖപ്പെടുത്തിയതായി അറിയിച്ച്​ ഇരു അധികൃതരിൽനിന്ന്​ ഇ-മെയിൽ സന്ദേശം ലഭിച്ചിട്ടുണ്ട്.

എടത്തല അൽ അമീൻ പബ്ലിക് സ്കൂളിലെ എട്ടാംക്ലാസ് വിദ്യാർഥിയും ആലുവ കുന്നത്തേരി പ്ലാവിട കുഞ്ഞുമുഹമ്മദി​െൻറയും ഷെറീനയുടെയും മകനുമാണ്​.