മത്സരയോട്ടം; നടുറോഡിൽ ബസ് നിർത്തി​ജീവനക്കാർ തമ്മിൽ സംഘർഷം

ആ​ലു​വ: സ​മ​യ​ക്ര​മ​ത്തെ ചൊ​ല്ലി​യു​ള്ള ത​ർ​ക്ക​ത്തെ തു​ട​ർ​ന്ന് ന​ടു​റോ​ഡി​ൽ സി​റ്റി ബ​സ് ജീ​വ​ന​ക്കാ​ർ ത​മ്മി​ൽ സം​ഘ​ർ​ഷം. ഓ​ട്ട​ത്തി​നി​ടെ ഒ​രു ബ​സ് മ​റ്റൊ​ന്നി​ന് കു​റു​കെ​യി​ട്ട് അ​തി​ലെ ജീ​വ​ന​ക്കാ​ര​ൻ മ​റ്റേ ബ​സി​ന്‍റെ സൈ​ഡ് മി​റ​ർ അ​ടി​ച്ച്​ ത​ക​ർ​ക്കു​ക​യും ത​ർ​ക്കം കൈ​യാ​ങ്ക​ളി​യി​ൽ എ​ത്തു​ക​യും ചെ​യ്തു.

തി​ങ്ക​ളാ​ഴ്ച രാ​വി​ലെ 7.45ന് ​ദേ​ശീ​യ​പാ​ത സ​ർ​വി​സ് റോ​ഡി​ൽ ആ​ലു​വ മാ​ർ​ക്ക​റ്റി​ന് സ​മീ​പ​മാ​യി​രു​ന്നു സം​ഭ​വം. പെ​രു​മ്പ​ട​പ്പ്-​ആ​ലു​വ റൂ​ട്ടി​ലോ​ടു​ന്ന ബ​സും പൂ​ത്തോ​ട്ട -ആ​ലു​വ റൂ​ട്ടി​ലോ​ടു​ന്ന ബ​സും ത​മ്മി​ലാ​യി​രു​ന്നു മ​ത്സ​രം. ആ​ലു​വ ഭാ​ഗ​ത്തേ​ക്ക് വ​രു​ക​യാ​യി​രു​ന്നു ഇ​രു​ബ​സും. രാ​വി​ലെ​യാ​യ​തി​നാ​ൽ യാ​ത്ര​ക്കാ​ർ കൂ​ടു​ത​ലാ​യി​രു​ന്നു.

ഇ​രു ബ​സും എ​റ​ണാ​കു​ളം മു​ത​ൽ മ​ത്സ​രി​ച്ചാ​ണ് ഓ​ടി​യി​രു​ന്ന​ത്. മ​ത്സ​രം മു​റു​കി​യ​തോ​ടെ ജീ​വ​ന​ക്കാ​ർ ത​മ്മി​ൽ ക​ള​മ​ശ്ശേ​രി മു​ത​ൽ വാ​ക്കേ​റ്റം തു​ട​ങ്ങി. ആ​ലു​വ മാ​ർ​ക്ക​റ്റി​ന​ടു​ത്തെ​ത്തി​യ​പ്പോ​ഴാ​ണ്​ ബ​സ് കു​റു​കെ നി​ർ​ത്തി​യി​റ​ങ്ങി​യ ജീ​വ​ന​ക്കാ​ര​ൻ മ​റ്റെ ബ​സി​ന്‍റെ സൈ​ഡ് മി​റ​ർ അ​ടി​ച്ചു ത​ക​ർ​ത്ത​ത്. ഈ ​സ​മ​യം ബ​സി​ലു​ണ്ടാ​യി​രു​ന്ന യാ​ത്ര​ക്കാ​ർ പ​രി​ഭ്രാ​ന്ത​രാ​യി. ആ​ക്ര​മ​ണം ക​ഴി​ഞ്ഞ ശേ​ഷം ബ​സു​ക​ൾ യാ​ത്ര തു​ട​ർ​ന്നു.