നിസ്സാരനേട്ടത്തിന് ബാങ്ക് അക്കൗണ്ടുകൾ വിൽപന നടത്തുന്നവരെ കാത്തിരിക്കുന്നത് നടപടി

ആ​ലു​വ: നി​സ്സാ​ര നേ​ട്ട​ത്തി​ന് ബാ​ങ്ക് അ​ക്കൗ​ണ്ടു​ക​ൾ വി​ൽ​പ്പ​ന ന​ട​ത്തു​ന്ന​വ​ർ ക​രു​തി​യി​രി​ക്ക​ണ​മെ​ന്ന മു​ന്ന​റി​യി​പ്പു​മാ​യി എ​റ​ണാ​കു​ളം റൂ​റ​ൽ ജി​ല്ല പൊ​ലീ​സ്. ഇ​ത്ത​ര​ത്തി​ൽ വി​ൽ​പ്പ​ന ന​ട​ത്തി​യ നി​ര​വ​ധി അ​ക്കൗ​ണ്ടു​ക​ൾ നി​രീ​ക്ഷ​ണ​ത്തി​ലാ​ണ്. ക​ഴി​ഞ്ഞ ദി​വ​സം റൂ​റ​ൽ സൈ​ബ​ർ പൊ​ലീ​സ് പി​ടി​കൂ​ടി​യ ഓ​ൺ​ലൈ​ൻ ത​ട്ടി​പ്പു​കേ​സി​ലെ പ്ര​തി​ക​ൾ ഇ​ത്ത​ര​ത്തി​ൽ അ​ക്കൗ​ണ്ട് വി​ൽ​പ്പ​ന ന​ട​ത്തി​യ​വ​രാ​ണ്.

ഇ​വ​രി​ൽ നി​ന്നും അ​ക്കൗ​ണ്ടു​ക​ൾ വാ​ങ്ങി​യ​വ​ർ നി​ര​വ​ധി ഇ​ട​പാ​ടു​ക​ളാ​ണ് ന​ട​ത്തി​യി​ട്ടു​ള്ള​ത്. അ​തി​ൽ വ​ലി​യൊ​രു പ​ങ്കും ത​ട്ടി​പ്പ് സം​ഘ​വു​മാ​യി ബ​ന്ധ​പ്പെ​ട്ട ഇ​ട​പാ​ടു​ക​ളാ​ണ്. അ​ക്കൗ​ണ്ട് വി​റ്റ​വ​ർ ഇ​പ്പോ​ൾ ജ​യി​ലി​ലു​മാ​ണ്. ഇ​ത്ത​ര​ത്തി​ൽ കൂ​ടു​ത​ലും അ​ക്കൗ​ണ്ട് വി​ൽ​ക്കു​ന്ന​ത് കോ​ള​ജ് വി​ദ്യാ​ർ​ഥി​ക​ളും യു​വാ​ക്ക​ളു​മാ​ണ്. സൈ​ബ​ർ ത​ട്ടി​പ്പ് കേ​സു​ക​ളി​ൽ മി​ക്ക​വാ​റും ആ​ദ്യം പി​ടി​യി​ലാ​കു​ന്ന​ത് അ​ക്കൗ​ണ്ടി​ന്റെ ഉ​ട​മ​ക​ളാ​ണ്. സു​ഹൃ​ത്തി​ന് കു​റ​ച്ച് പ​ണം വ​രാ​നു​ണ്ടാ​യി​രു​ന്നെ​ന്നും അ​തി​നാ​യി അ​ക്കൗ​ണ്ട് എ​ടു​ത്തു ന​ൽ​കി​യെ​ന്നു​മാ​ണ് പി​ടി​യി​ലാ​യ​വ​ർ പ​റ​യു​ന്ന​ത്. പ​ല​പ്പോ​ഴും ഈ ‘​സു​ഹൃ​ത്ത് ’ അ​ജ്ഞാ​ത​നാ​യി​രി​ക്കും. ഇ​നി ഇ​വ​ർ പ​റ​യു​ന്ന സു​ഹൃ​ത്തി​നെ പി​ടി​കൂ​ടി​യാ​ലോ അ​യാ​ൾ ഒ​ന്നു​മ​റി​യി​ല്ലെ​ന്ന് പ​റ​ഞ്ഞ് കൈ​മ​ല​ർ​ത്തും.

ഇ​ൻ​സ്റ്റാ​യി​ലൂ​ടെ​യോ, ടെ​ല​ഗ്രാ​മി​ലൂ​ടെ​യോ പ​രി​ച​യ​പ്പെ​ട്ട് സു​ഹൃ​ത്തു​ക്ക​ളാ​യ ത​ട്ടി​പ്പു​സം​ഘ​ത്തി​നും അ​ക്കൗ​ണ്ട് എ​ടു​ത്ത് ന​ൽ​കു​ന്ന​വ​രു​ണ്ട്. അ​ക്കൗ​ണ്ടി​ൽ വ​രു​ന്ന തു​ക​ക്ക​നു​സ​രി​ച്ച് മാ​സം ക​മീ​ഷ​നോ, അ​ല്ലെ​ങ്കി​ൽ 10000 രൂ​പ മു​ത​ലു​ള്ള ഒ​രു തു​ക​യോ ആ​യി​രി​ക്കും അ​ക്കൗ​ണ്ടി​ന്റെ ഉ​ട​മ​സ്ഥ​ന് വാ​ഗ്ദാ​നം ചെ​യ്യു​ന്ന​ത്. അ​ക്കൗ​ണ്ടി​ന്റെ പൂ​ർ​ണ നി​യ​ന്ത്ര​ണം ത​ട്ടി​പ്പ് സം​ഘ​ത്തി​നാ​യി​രി​ക്കും. പ​ണം അ​ക്കൗ​ണ്ടി​ലേ​ക്ക് അ​യ​ക്കു​ന്ന​ത് ആ​രാ​ണെ​ന്നോ, എ​ന്തി​നാ​ണെ​ന്നോ, എ​വി​ടെ നി​ന്നാ​ണെ​ന്നോ, ആ​രാ​ണ് തു​ക പി​ൻ​വ​ലി​ക്കു​ന്ന​തെ​ന്നോ യ​ഥാ​ർ​ത്ഥ ഉ​ട​മ​ക​ൾ അ​റി​യു​ന്നു​ണ്ടാ​വി​ല്ല.

അ​റ​സ്റ്റി​ലാ​യി​ക്ക​ഴി​യു​മ്പോ​ഴാ​ണ് ഈ ​ഗു​രു​ത​ര കു​റ്റ​ത്തി​ന്റെ തീ​വ്ര​ത പ​ല​രും മ​ന​സി​ലാ​ക്കു​ന്ന​ത്. കു​റെ​യ​ധി​കം ആ​ളു​ക​ൾ സ്വ​ന്ത​ക്കാ​രു​ടെ​യും ബ​ന്ധു​ക്കാ​രു​ടെ​യും പേ​രി​ൽ അ​ക്കൗ​ണ്ട് എ​ടു​പ്പി​ച്ച് ത​ട്ടി​പ്പ് സം​ഘ​ത്തി​ന് വി​റ്റ് കാ​ശാ​ക്കി​യി​ട്ടു​ണ്ട്. പാ​ൻ കാ​ർ​ഡ്, ആ​ധാ​ർ കാ​ർ​ഡ്, മ​റ്റ് തി​രി​ച്ച​റി​യ​ൽ രേ​ഖ​ക​ൾ പ​രി​ച​യ​മി​ല്ലാ​ത്ത​വ​ർ​ക്ക് കൈ​മാ​റ​രു​തെ​ന്ന മു​ന്ന​റി​യി​പ്പും ആ​ളു​ക​ൾ അ​വ​ഗ​ണി​ക്കു​ക​യാ​ണ്. ഇ​തു​പ​യോ​ഗി​ച്ച് ത​ട്ടി​പ്പു​സം​ഘം അ​ക്കൗ​ണ്ടെ​ടു​ക്കു​ന്ന രീ​തി​യും ക​ണ്ടു​വ​രു​ന്ന​താ​യി ജി​ല്ല പൊ​ലീ​സ് മേ​ധാ​വി ഡോ. ​വൈ​ഭ​വ് സ​ക്സേ​ന പ​റ​ഞ്ഞു.