അനാശാസ്യം: ലോഡ്ജിൽ പൊലീസ് റെയ്ഡ്; മൂന്നുപേർ കസ്റ്റഡിയിൽ

ആ​ലു​വ: ന​ഗ​ര​ത്തി​ൽ വ്യാ​പ​ക​മാ​യി മാ​റി​യ അ​നാ​ശാ​സ്യ കേ​ന്ദ്ര​ങ്ങ​ൾ​ക്കെ​തി​രെ പ​രാ​തി ശ​ക്ത​മാ​യ​തോ​ടെ പൊ​ലീ​സ് ന​ട​പ​ടി ആ​രം​ഭി​ച്ചു. ഇ​തി​ന്‍റെ ഭാ​ഗ​മാ​യി ഉ​ന്ന​ത പൊ​ലീ​സ് ഉ​ദ്യോ​ഗ​സ്ഥ​രു​ടെ നേ​തൃ​ത്വ​ത്തി​ൽ സ്വ​കാ​ര്യ ബ​സ് സ്റ്റാ​ൻ​ഡി​ന് സ​മീ​പ​ത്തെ വി​വാ​ദ ലോ​ഡ്ജി​ൽ റെ​യ്ഡ് ന​ട​ത്തി.

മ​ണി​ക്കൂ​റു​ക​ൾ നീ​ണ്ട പ​രി​ശോ​ധ​ന​ക​ൾ​ക്കു​ശേ​ഷം മൂ​ന്നു​പേ​രെ ക​സ്റ്റ​ഡി​യി​ലെ​ടു​ത്തു. ലോ​ഡ്ജ് ന​ട​ത്തി​പ്പു​കാ​ര​നും ഇ​ട​പാ​ടു​കാ​രാ​യ ഒ​രു പു​രു​ഷ​നെ​യും സ്ത്രീ​യെ​യു​മാ​ണ് പി​ടി​കൂ​ടി​യ​തെ​ന്നാ​ണ് സൂ​ച​ന. ഉ​ച്ച​ക്കു​ശേ​ഷം പൊ​ലീ​സു​കാ​ർ മ​ഫ്തി​യി​ല​ട​ക്കം ഇ​വി​ടെ നി​രീ​ക്ഷ​ണം ന​ട​ത്തി​യി​രു​ന്നു.

വൈ​കീ​ട്ടോ​ടെ എ​സ്.​ഐ​യു​ടെ നേ​തൃ​ത്വ​ത്തി​ൽ പൊ​ലീ​സെ​ത്തി പ​രി​ശോ​ധ​ന ആ​രം​ഭി​ച്ചു. തു​ട​ർ​ന്ന് സി.​ഐ, ഡി​വൈ.​എ​സ്.​പി എ​ന്നി​വ​രു​മെ​ത്തി. വ​നി​ത പൊ​ലീ​സ​ട​ക്കം വ​ൻ പൊ​ലീ​സ് സം​ഘ​മാ​ണ് പ​രി​ശോ​ധ​ന ന​ട​ത്തി​യ​ത്. രാ​ത്രി ഒ​മ്പ​തോ​ടെ​യാ​ണ് മൂ​ന്നു​പേ​രെ​യും​കൊ​ണ്ട് പൊ​ലീ​സ് മ​ട​ങ്ങി​യ​ത്. ഇ​വി​ടെ അ​നാ​ശാ​സ്യ പ്ര​വ​ർ​ത്ത​ക​രു​ടെ തി​ര​ക്ക് കൂ​ടു​ത​ലാ​ണ്. എ​ന്നാ​ൽ, വൈ​കീ​ട്ട്​ മു​ത​ൽ പൊ​ലീ​സ് സാ​ന്നി​ധ്യ​മു​ണ്ടാ​യി​രു​ന്ന​തി​നാ​ൽ ഇ​ന്ന​ലെ തി​ര​ക്ക് കു​റ​ഞ്ഞ​താ​യാ​ണ് ക​ണ​ക്കാ​ക്കു​ന്ന​ത്.

ലോ​ഡ്ജു​ക​ൾ കേ​ന്ദ്രീ​ക​രി​ച്ചു​ള്ള അ​നാ​ശാ​സ്യ പ്ര​വ​ർ​ത്ത​ന​ങ്ങ​ളും ഇ​തോ​ട​നു​ബ​ന്ധി​ച്ചു​ള്ള ഗു​ണ്ടാ​യി​സ​വും കൊ​ണ്ട് പൊ​റു​തി​മു​ട്ടി​യ വ്യാ​പാ​രി​ക​ളാ​ണ് ഇ​തി​നെ​തി​രെ പ​രാ​തി​യു​മാ​യി രം​ഗ​ത്തു​വ​ന്ന​ത്. ഇ​തു സം​ബ​ന്ധ​മാ​യി മാ​ധ്യ​മ​ത്തി​ൽ വാ​ർ​ത്ത ന​ൽ​കി​യി​രു​ന്നു. ഇ​തേ തു​ട​ർ​ന്നാ​ണ് ലോ​ഡ്ജി​നെ​തി​രെ പൊ​ലീ​സ് നീ​ക്കം ആ​രം​ഭി​ച്ച​ത്.

മാ​ർ​ക്ക​റ്റ് റോ​ഡി​ൽ പ്രൈ​വ​റ്റ് ബ​സ് സ്റ്റാ​ൻ​ഡി​ന് സ​മീ​പം പ്ര​വ​ർ​ത്തി​ക്കു​ന്ന അ​മ്പി​ളി ലോ​ഡ്ജി​നെ​തി​രെ 60 ഓ​ളം വ്യാ​പാ​രി​ക​ളാ​ണ് പൊ​ലീ​സി​ൽ പ​രാ​തി ന​ൽ​കി​യ​ത്. ലോ​ഡ്ജ് മാ​നേ​ജ​റു​ടെ നേ​തൃ​ത്വ​ത്തി​ലാ​ണ് ഗു​ണ്ടാ അ​ക്ര​മ​ങ്ങ​ൾ ന​ട​ക്കു​ന്ന​തെ​ന്ന് പ​രാ​തി​ക്കാ​ർ ആ​രോ​പി​ക്കു​ന്നു. കു​റ​ച്ച് ദി​വ​സം മു​മ്പ്​ അ​നാ​ശാ​സ്യ പ്ര​വ​ർ​ത്ത​ന​വു​മാ​യി ബ​ന്ധ​പ്പെ​ട്ട സാ​മ്പ​ത്തി​ക ത​ർ​ക്ക​ത്തെ തു​ട​ർ​ന്ന് ഇ​യാ​ളും ഗു​ണ്ട​ക​ളും ചേ​ർ​ന്ന് ഒ​രാ​ളു​ടെ ത​ല അ​ടി​ച്ച് പൊ​ട്ടി​ച്ചി​രു​ന്നു.