സ്വകാര്യ ബസിന്‍റെ തിരക്ക് അപകടത്തിനിടയാക്കി; ബസുകൾ റോഡിൽ കുടുങ്ങി

ആലുവ: സ്വകാര്യ ബസ് ഡ്രൈവറുടെ തിരക്ക് അപകടത്തിന് ഇടയാക്കി. ആലുവ മാർക്കറ്റ് റോഡിൽ ബാങ്ക് കവലയോട് ചേർന്ന് ശനിയാഴ്ച വൈകീട്ട് 4.30ഓടെയാണ് അപകടമുണ്ടായത്.

മുന്നിൽ പോകുകയായിരുന്ന കെ.എസ്.ആർ.ടി.സി ബസിനെ വീതി കുറഞ്ഞ ഭാഗത്തുവച്ച് മറികടക്കാൻ ശ്രമിച്ച സ്വകാര്യ ബസാണ് അപകടത്തിനിടയാക്കിയത്. ധൃതിയിൽ മറികടക്കാൻ ശ്രമിക്കുന്നതിനിടെ സ്വകാര്യ ബസിന്‍റെ ഇടതുവശം കെ.എസ്.ആർ.ടി.സി ബസിന്‍റെ വലതുവശത്ത് മുട്ടുകയായിരുന്നു. ഇതോടെ രണ്ടുബസുകളും അനക്കാൻ പറ്റാത്ത വിധം കുരുങ്ങി.

പിന്നീട് ഏറെ പാടുപെട്ടാണ് ബസുകൾ മാറ്റിയത്. ആർക്കും പരിക്കില്ല.