പൊലീസിന്‍റെ പ്രത്യേക പരിശോധന: വിവിധ കേസുകളിലെ 61 പ്രതികൾ അറസ്റ്റിൽ

ആ​ലു​വ: റൂ​​റ​ൽ പൊ​ലീ​സ് ന​ട​ത്തി​യ പ്ര​ത്യേ​ക പ​രി​ശോ​ധ​ന​യി​ൽ വി​വി​ധ കേ​സു​ക​ളി​ലെ 61 പ്ര​തി​ക​ളെ അ​റ​സ്റ്റ് ചെ​യ്തു. കേ​സു​ക​ളി​ൽ പ്ര​തി​ക​ളാ​യ​വ​ർ, ദീ​ർ​ഘ​കാ​ല​മാ​യി ഒ​ളി​വി​ൽ ക​ഴി​യു​ന്ന​വ​ർ, ശി​ക്ഷി​ക്ക​പ്പെ​ട്ട കേ​സു​ക​ളി​ലെ പ്ര​തി​ക​ൾ എ​ന്നി​വ​രു​ൾ​പ്പെ​ടെ 61 പേ​രെ​യാ​ണ് അ​റ​സ്റ്റ് ചെ​യ്ത​ത്. കാ​പ്പ നി​യ​മ​പ്ര​കാ​രം വി​വി​ധ വ​കു​പ്പു​ക​ളി​ലാ​യി 15 പേ​ർ​ക്കെ​തി​രെ ന​ട​പ​ടി സ്വീ​ക​രി​ച്ചു.

മ​യ​ക്കു​മ​രു​ന്ന് നി​രോ​ധ​ന നി​യ​മം, അ​ബ്കാ​രി നി​യ​മം, നി​രോ​ധി​ത പു​ക​യി​ല ഉ​ൽ​പ​ന്ന നി​യ​മം എ​ന്നി​വ പ്ര​കാ​രം 128 കേ​സ്​ ര​ജി​സ്റ്റ​ർ ചെ​യ്തു. വി​വി​ധ ഗ​താ​ഗ​ത നി​യ​മ​ലം​ഘ​ന​ങ്ങ​ൾ​ക്ക് പെ​റ്റി​ക്കേ​സു​ക​ൾ ഉ​ൾ​പ്പെ​ടെ 581ഉം ​മ​ണ​ൽ ക​ട​ത്തു​മാ​യി ബ​ന്ധ​പ്പെ​ട്ട് 13 കേ​സും ര​ജി​സ്റ്റ​ർ ചെ​യ്തു. പൊ​തു​സ്ഥ​ല​ങ്ങ​ളി​ൽ മാ​ലി​ന്യം ത​ള്ളി​യ​തു​മാ​യി ബ​ന്ധ​പ്പെ​ട്ട് അ​ഞ്ചു​കേ​സാ​ണ് ര​ജി​സ്റ്റ​ർ ചെ​യ്ത​ത്.

റൗ​ഡി ലി​സ്റ്റി​ൽ ഉ​ൾ​പ്പെ​ട്ട​വ​ർ, മു​ൻ​കാ​ല കു​റ്റ​വാ​ളി​ക​ൾ എ​ന്നി​വ​രു​ടെ വീ​ടു​ക​ളി​ലും ലോ​ഡ്ജു​ക​ൾ, ട്രെ​യി​നു​ക​ൾ, സ്ഫോ​ട​ക​വ​സ്തു​ക്ക​ൾ സൂ​ക്ഷി​ച്ചി​രി​ക്കു​ന്ന സ്ഥ​ല​ങ്ങ​ൾ എ​ന്നി​വി​ട​ങ്ങ​ളി​ലും പ​രി​ശോ​ധ​ന ന​ട​ത്തി. റേ​ഞ്ച് ഡി.​ഐ.​ജി ഡോ. ​എ. ശ്രീ​നി​വാ​സി​ന്‍റെ നി​ർ​ദേ​ശ​പ്ര​കാ​രം ജി​ല്ല പൊ​ലീ​സ് മേ​ധാ​വി വി​വേ​ക് കു​മാ​റി​ന്‍റെ നേ​തൃ​ത്വ​ത്തി​ൽ ജി​ല്ല​യി​ലെ അ​ഞ്ച് സ​ബ് ഡി​വ​ഷ​നു​ക​ളി​ൽ 34 സ്റ്റേ​ഷ​നു​ക​ളി​ലാ​യി പ്ര​ത്യേ​കം സം​ഘ​ങ്ങ​ളാ​യി തി​രി​ഞ്ഞാ​യി​രു​ന്നു പ​രി​ശോ​ധ​ന.